我識人都係咁,女既話備孕,備左十幾年到最後都無生又無工作
1個讚
大把呢D男人,我老公都似係呢種,我以前算搵到食既化妝師,佢就係咁叫我生BB
1個讚
有呢啲男人唔出奇，但一個讀過大學嘅女仔正常嚟講冇理由會ok完全唔做嘢啩，話晒讀咁多書，但原來真係有
出到嚟同啲同學聚會唔羨慕人哋做嘢有自立自信㗎咩，小小家家咁
可能對呢啲女仔嚟講，讀大學只係其中一個搵好老公嘅途徑
即係有啲條件嘅男人，例如讀書多，有份唔錯嘅工作，原生家庭環境幾好，都想搵個有啲學識、基本大學畢業、有修養嘅女仔拍拖/結婚
又或者個女仔根本就唔鍾意讀書/做嘢，純粹屋企人迫佢至少讀到大學畢業，讀完書搵到個男人養咪唔做嘢囉
3個讚
又唔好咁講，可能人哋讀書唔係為事業呢，人生有好多嘢，唔一定事業有成先可以有自信嘅，大把人打理頭家、照顧小朋友做得好好，佢幸福咪得，唔使為佢添上自己標準。
郭藹明兩公婆仔女都無，咁高學歷都係做劉青雲背後個女人。
3個讚
我係指我上面個case：佢未有小朋友，成十年由大學畢業開始都從來未做過嘢
This one: 我都有個例子，仲極端，未生已經唔做嘢十年：佢畢業後只係做一陣嘢，但住喺男朋友屋企幾年，人哋成家返工佢坐喺屋企；而家三十頭有咗，得一兩年工作經驗，應該呢世人都唔會返工
似係咁
我朋友老婆都係咁，喺個女人出嚟做嘢初頭識咗，拍拖後就唔做嘢，不過住返自己屋企，到結婚生仔，個女依家都十幾歲，都無做嘢，不過佢性格都怪怪地。其實如果家庭美滿我覺得Ok，最弊兩公婆成日嘈交個女人話要離婚，我同其他朋友背後講佢想離都無本錢。
最正係佢串過我老公無錢俾我做ftm，我做女人又唔肯犧牲自己湊b，無佢咁幸福又唔配做阿媽。
3個讚
唔係呀嘛，咁佢真係覺得自己好幸福；呢啲情況其實最慘係老公走咗（死, 病, 離婚…）個女人真係坐咗喺度
1個讚
佢把口咁衰既 
2個讚
如果佢老公好多身家咪唔怕囉,唔係佢就慘…
1個讚
佢地或者覺得老公冇本事先要職場打滾
1個讚
我識嗰個case公屋男，普通打工仔，所以男家都唔鍾意個女
唔好同佢計較，你大方得體應對算
我諗如果我老公有錢到我唔使做，我都一定會keep住份工或者發展啲個人事業及興趣，難得有空間發展自己
你哋覺得呢啲女人會唔會ok自己個女係咁？我識嗰個講到明話要啲仔女叻（佢哋準備生
）咁都好啲，起碼對仔女有期望
正常, 有邊個奶奶睇得起大食懶新抱
1個讚
係好現實嘅，我朋友搵錢係佢老公五倍有多，點止唔做家務，唔識飲水都仲得
，佢老爺奶奶錫到佢燶，都好正常丫，養埋佢個仔同男家都得喎
有冇大食懶女婿故事聽？不過好似距離理財不善太遠
有呀,我識個男人住女家,白食白住嫌3嫌4! 個男人份工做左幾年搵得萬幾蚊,佢老婆叫佢轉工搵多D佢唔肯,之前個男人自己入表抽居屋中左,話要湊錢買樓搬走,佢2公婆月光族根本無錢,最後女家出大份首期,男家出少少,而家佢地自己供!
2個讚
雖然我都係ftm，但好唔鍾意呢啲標籤女性嘅說話
冇話女人一定要有人養、唔洗做、自己湊b，咁先叫幸福，咁先叫識做阿媽
每個人家庭環境都唔一樣，點樣先叫幸福係就住自己家庭條件因素去決定，冇model answer
佢可以覺得自己咁樣係幸福，但唔應該將佢覺得幸福嘅條件塞去人哋嗰度
2個讚
之前聽過有人話, 家中長輩認為自然分娩既阿媽偉大過開刀, 餵母乳既阿媽又偉大過餵奶粉既阿媽。
都痴線!
(sorry 我知我離題)
3個讚
嗰個女人就係話我唔餵人奶所以唔配做人阿媽囉
1個讚