但我見最後衰到貼地，一點樂觀都見唔到
2個讚
啱啱識得一個就係咁，40中陀緊第五個
連醫生都叫佢考慮放棄（佢陀第四個嗰陣，佢天主教嘅媽咪都叫佢放棄，話天父會明白佢嘅難處，但呢個醫生同佢講生命好寶貴，希望佢考慮清楚）
當事人話自己好樂觀
老公對佢唔好 
我阿公仲會打我阿婆（言下之意即係話個老公唔打佢已經算係咁？）
冇錢養小朋友 天生天養有飯食咪算，一煲飯要幾多錢？大家姐都就嚟可以返工，呢傢我返幾個鐘兼職就可以拎到低收入津貼……
最慘就係，呢個人唔係一個心地唔好嘅人，但就係冇理財規劃，同唔識揀男人，所有嘢逆來順受
3個讚
佢係唔做唔得,以前單親拎綜援特快上公屋,之後碌爆曬D卡破產,又同過幾個男人拍拖都結唔成婚(佢目標係嫁人有人養),而家佢個女大個講明唔會養佢,佢先40幾咁後生,有排都拎唔到生果金啦
我識人悲觀都係唔識理財 
3個讚
嘩, 哪來的勇氣?! 40中喎, 仲要已經四個小朋友
又係學樓上話齋, 旨意生性既仔女照顧埋細佬妹?
我地知道已經係16週
如果係我，只會諗到咁危險，有乜嘢事原本喺度嘅細路邊個照顧
已經唔係有冇錢嘅層面
佢話醫生同佢講，如果呢個年紀第一胎先危險，佢生過，所以唔係危險範圍
我朋友個妹得30歲生左3個,分分鐘40歲時有4個!
佢攪到我朋友黃金十年要自己租屋住,讓間原生公屋俾佢地住,佢地排到公屋之後又問我朋友借錢裝修,又話會出黎做野還錢,點知又生多個…
而家後生興躺平,唔會咁易同佢分擔
1個讚
佢兩個大女係學都唔想返，打機到天光，然後話唔舒服唔返學
1個讚
其實我覺得唔係叫樂觀悲觀, 而係對自己既將來想負幾多責任, 同有無遠見
今朝有酒今朝醉, 有咩第時先算, 呢個唔係叫樂觀, 只係逃避未來
諗起多年前有個靠買匯豐股票收息而財務自由既的士司機
佢都唔算悲觀呀? 起碼當年網上分享佢既勵志故事, 應該無諗過匯豐突然cut 派息, 但人地似乎對理財有計劃先
3個讚
有不負責任既阿媽, 四十中仲想生第五個BB, 咁唔怪得d 仔女都唔想番學
佢老公又無所謂?!
學你話齋, 高齡懷孕好多問題, 佢又完全唔理?
佢做左T21 果d 測試未?
我之前都識得人, 佢係家姐, 有個妹, 阿妹理財有道, 家姐就細個已同男仔出面同居, 兩個又大使, 之後搞唔掂就雙雙搬番外家同父母同住, 仲要兩個都唔俾家用, 本來阿妹都一直同父母住, 後來阿妹都頂佢兩個唔順, 加上自己又儲到d 錢, 寧願自己買樓出去住。
(好彩阿爸都錫個妹, 就俾左d 錢幫阿妹出d 首期, 但阿家姐又唔抵得了。)
1個讚
政府安排乜佢就做乜
佢咁嘅情況都mon到實啦
佢本身都高血壓，又過重，巴士行上上層都話唔得果種，根本自己玩自己
1個讚
公立醫院做得乜?
以我所知, 就算已經高齡, T21 都係要自己俾錢出去做, 頂多幫佢check 唐氏
五個月先照下結構, 10 - 15分鐘照完
所謂mon 實, 咪又係一兩個月見一次, 磅重量血壓驗尿, 聽下BB心跳, 醫生問幾句收工
佢仲要本身已高血壓, 真係自求多福了
1個讚
所以咪佢樂觀囉
佢地連T21嘅錢都未必拎得出
下? 佢老公唔覺得養多個係負擔?
定係想靠政府養?!!!
下, 我覺得係不負責任, 咩都唔諗定, 有咩事天父負責?
(我唔反對高齡生B, 但我反對既係無做好測試, 無check 晒可以check 既野, 就將BB帶黎呢個世界)
唔知，之前生完阿四話兩個相敬如冰
老公喺肺炎果陣已經搬返奶奶到住
奶奶知個仔衰，都日日上佢度煮飯，會塞錢比佢
佢媽咪生前同教友關係好好，都成日有教友接濟佢地
上年九月左右，奶奶話第四個都六年級，叫佢趁仲後生揾份唔大壓力嘅工，一萬八千都好
佢話自己低津都有六千幾
之後啱啱一月就宣布有咗阿五
其實教友同佢奶奶就好似雯雯啲好心網民咁，幫佢等於害佢
好搞笑老公好似局外人咁
啱啱新年行花市，係佢同奶奶帶啲細路行
老公喺屋企打機
3個讚
咁既關係都仲可以搞大個肚, 犀利!
阿四都已經六年級, 即係十一二歲?
28到36生咗四個
呢傢四十中第五個
1個讚
真心癲呀!!!
隔左十一二年再生多個, 但四個小朋友已經青春期, 應該會好介意屋企有個BB喊?
1個讚