我有個親戚，新年最鐘意去酒店食，仲要幫襯老公做緊個間。以前長輩未退休，就出埋後輩個份。而家長輩退晒休，我老公算搵到，有時都會幫手埋單。今年又話要去酒店食（又係老公做緊個間）。我厚多士上網睇價，cls ，一圍新春差唔多$8xxx，我老公知道後msg佢直接講一人一半，第二日佢覆話不如係屋企食算。我哋估佢明顯「R」長輩俾錢失敗。
佢哋仲要大洗到年年迪迪尼年咭，但每逢開學又無錢，硬係問我老公借（雖然有還）有一年都我小朋友升小，我老公就企硬話自己小朋友都要開學無錢，先唔敢再借。
6個讚
呢啲可能係想 show 比人睇佢識嘆影相打卡。
3個讚
其實咁大個人咁樣借一千幾百都幾核突
開學都要借錢 
身邊例子實在太多：通常大洗嘅人係買好多無謂嘢，唔需要都係咁買，完全忍唔到手，所以要治本係要控制物慾，但後生係唔容易，尤其是屋企有求必應開就更加冇乜可能控制到，由細到大都係咁根本改唔到，咁就一直到老
其實呢類人月月清嘅人通常幾好彩
冇四大長老負擔（甚至會資助佢哋）
仔女又冇病冇痛
未試過生活突然有變化要用錢
唔借啦，下下免息貸款，開銀號咩
1個讚
到出事咪問人借，總有人覺得一萬幾千幫到人就算
都幾肯定大把呢d人
為面子就唔理銀紙
有個朋友問我借1萬蚊，我問佢係咩事，諗住係急事嘅話都借比佢先，但佢竟然話想買車但爭少少錢
念在識咗佢好多年+第一次問我借錢，我衷心話佢知養一架車係要洗好多錢，如果連買車嘅錢都要借，咁往後係連養都養唔起，叫佢儲多啲錢先好買
真係好crazy，呢個朋友又係理財超差嘅人
1個讚
即刻一丁點積蓄都冇
2個讚
我識親戚一嚟借50個，問佢話乜唔講，話計返息。伏味極重，唔借
啱呀唔好好都咁都順攤請佢或借錢比佢，咁樣反而害左佢。
1個讚
通常呢啲都係話比股票紮住咗，啲錢喺晒老婆/老公度，借啲意拒絕佢
2個讚
佢地覺得其他人老馮要幫，同埋佢地一日唔改，一世都問你借，但還唔到
2個讚
我以前就係這類人，
個仔出世之後，先至感受到「無錢會餓死個仔」，奶粉+尿片每個月都幾仟蚊，樣樣都係錢，啲錢洗晒，無錢無娛樂，只夠錢返屋企煮飯食，基本生活開支，
覺得靠綜援生活嘅人仲好過自己，
我都唔明白啲人大部分時間都係mon住有咩好野買有咩好野食，彷彿呢個世上只有買同食。不過我喺佢哋眼中係異類同怪人，所以我漸漸發現可能人生喺世上係享受先至係正道 
1個讚
我另一半係咁
唔知會唔會遺傳，男家除咗奶奶都係咁，姑奶買嘢買到爭卡數，幾十歲人完全無儲蓄，你啱呀，奶奶寵出嚟，兩公婆加埋成百歲仲同住倒貼煮飯煲湯服侍埋佢老公。
好彩係我老公都叫有儲錢，多餘錢先買嘢，但真係想買㗎咋，嘢食過哂期都唔知掉幾多，一個男人十幾對鞋幾十件tee 仲有數之不盡嘅嘢，我都好憫佢呢個習慣。
我有個朋友又係勁買嘢，間屋成間垃圾房咁，連梳化、飯枱都無位，我真係唔明點解佢哋會住得舒服。
4個讚
你幫佢儲，通常一個大洗一個儲
所以Steven雯雯嗰啲堅唔負責任同任性，個老公咁仲不停生，我冇仔女但都頭痛點養老（因為移民打亂晒計劃）何況佢冇財力仲要養四個細路+諗養老，真係可以完全唔理唔 plan?