講開大台, 話說我家有人會睇大台財經節目, 咁有時就睇到廣告
宜家2024年, 大台頒獎禮, 仲係廣告時間, 有幾條友著禮服, 講一堆好行既野為自己拉票, 真心覺得老套又尷尬。
我未見過金像/金馬/金鐘果d 大型頒獎禮會有廣告係候選人自己叫人投佢一票law, 最多係剪d 片段講下有咩人入圍賣廣告
1個讚
大台啲台慶、頒獎禮同籌款節目千篇一律，啲藝員好明顯係扮投入，真係好嘔心
2個讚
以前細個慳電，唔睇會熄電視，但媽媽會改開收音機，於是就習慣咗要有聲，最開心返第一份工，老細都鍾意聽收音機，會開大聲大家聽，之後轉嘅工都係好靜就好唔慣。
宜家喺屋企，就算無啱聽嘅電台節目，都會播歌或者音樂。
我係有需要想睇先開電視
但我屋企人就算在家工作
都要開住TBB新聞
我會返房
以前都幾鍾意睇大台啲台慶節目，可能屋企無咩人氣，新年時重播都會睇下等屋企有啲氣氛。
不過近年大台走咗好多人，老前輩個啲又賣咸鴨蛋又離巢，再加埋咁奶大陸，真係睇一兩分鐘就轉得台。
反而新年睇台灣綜藝節目仲有啲氣氛，不過我都係電視開住聲人唔知去咗邊。
就算唔講政治，淨係睇大台點樣對啲甘草演員就知佢哋幾仆街，每年淨係台慶嗰晚搬啲老人家出嚟賣親情賣懷舊，我絕對作嘔
Sor離題