其實佢地人工係納稅人D錢嚟㗎。
本身已經鐵飯碗，唔炒人。
出邊經濟唔好，私人公司好多都炒人
佢地就唔洗減人工，仲可以年年跳point,又有人工加。
佢地本身人工已經高到離晒地。
5個讚
我有個朋友都係派唔岩心水,再等下一次
總之佢地就唔同我地一般市民隊啦! 專科都係,因係係我朋友既事,所以我都唔方便再係講得太詳細…
公務員太太生仔都可以升級病房,就算太太唔係公務員
1個讚
高級既間宿舍好鬼大,我知有人自己買左私樓出租,但係照住大宿舍
2個讚
真. 我成日陪我家人覆診. 經常要等超耐.
特別係拎藥. 有去開就知起碼等成1.5小時以上. 但D拎藥飛有D好後期既會可以跳到好快拎. 點解?
有時重會聽到特別優惠人士係度講風涼話話好快搞掂添.
生仔呢PART成日聽佢地哂命話咁少錢但用到最好服務添.
所以佢地呢班高薪人士真係日常都受盡福利. 唔減佢地講唔通囉!
1個讚
我經常陪屋企人覆診攞藥，最近呢年攞藥快咗好多，30分鐘左右就走得，我仲要係喺櫃位比錢，無用 HA Go
利申：普通市民，唔係老人家，無特別優待資格
公務員請唔到人係事實，而且要簽聲明後係走咗一批又補唔返
越高級越難請
2000年後入職嘅terms係衰過私人（假少，退休後無醫療，無教育津貼除咗返大陸）
支持公務員減薪只會逼走本來仲肯留低嗰班香港人
將來係咩人服務市民，大家心照了。
5個讚
我識呢兩公婆咪咁囉，本身有樓，排到宿舍就租出去
佢地真係賺好多 
唔講真係唔知，亦都諗唔到原來佢地背後可以咁富貴。 
仲有佢地退咗休係咪每個月都有筆錢？
你去邊間醫院可以快成咁?
長俸係唔係二千年之後就冇左？
瑪嘉烈醫院、伊利沙伯醫院、油麻地街診
而家後生既無啦,以前果班就有
哦。
因為我以前識一個5X退休公務員佢講每月都有糧出。
你講個3間我自己有睇瑪嘉烈醫院. 但都冇咁快. 我唔知係分科關係定咩.
但我個人經驗冇咁快拎到藥
我平時陪家人同親戚去瑪麗+ 威院都成1小時以上.
所以唔係間間都咁幸福可以咁快拎到藥
我識有D舊制公務員重個個月食緊福利不知幾開心. 
1個讚
嘩咁慘呀 
人工高都覺得委屈
全世界都知道公務員效率有幾濕滯. 人工高佢地配咩!!!
比佢地試下去商業社會, 佢地一日都唔知生唔生存到!!!
1個讚
以前啲人話點請唔到人都唔敢請
因為好大機會係Kam 嘢
唔知呢傢後生啲係咪會好啲
以事論事，唔係批鬥，而家成個經濟咁，政府就快要發債，佢哋就年年加人工實在講唔過去
我就當唔郁啲中低層啦，高官高過全世界所有領袖喎
2個讚