溫哥華會唔會好啲？
果邊搵工更少機會，物價更貴
最大問題係道友多收得太多人入嚟，根本唔夠工作做。
我仲要未有簽證，搬去第二無度唔會解決到現在身份問題，仲要額外使一筆錢搬省，同埋家庭醫生都無埋搵唔到，不過搵到都無分別，係呢邊有病拖死都醫唔到，對加國政府極度失望，對加拿大好似灰意冷，仲有PR 咁拖根本就無出路。
兩害取其輕，香港都有佢既問題，但再留係度無身份搞唔掂，真係要返香港搵工啦，巳經失業左8個月有多了。
但加拿大面對既問題仲嚴峻過香港，根本就係咁多年既政策失敗搞到民不聊生。
上面條YouTube 片都有好多本地人講出加拿大既情況，有好多留言都係struggle 緊係呢度生活
1個讚
我朋友喺加拿大，好憎佢哋，同去香港嘅小粉紅無分別，仲會周圍痾。我都唔明點解加拿大咁好一個地方要搞到咁？
呢d 係刑事，捉到其實係咪可以遞解出境？
我都好憎佢地，真係同去左左香港果班大陸人無分別，一樣咁黑人憎
溫哥華情況一樣，安全注射屋嗰頭更加恐怖，係咪East Hasting? 另外成個唐人街都已經荒廢咁濟
台灣又係咁，加拿大又係咁，(雖然係不同原因)英國…
你哋諗除咗官僚慢handle唔到咁多申請之餘，有冇懷疑過政治原因呢？坦白講我有，某國關係
要個政府肯做同做到先得，加拿大政府同警方出名…
加拿大最多警察嘅地方喺Tim Hortons
睇你咁講，原來澳洲比加拿大嘅情況好少少。我响雪梨，西雪梨治安差啲，好多時會有開槍案，偷車都有，而且勁多人偷單車。
我住嗰邊唔太見到周街道友啪針，醉酒佬都仲有。不過呢半年多咗好多homeless，最近見有個女人响巴士總站擺晒家當露宿。經濟開始差，租金樓價飛升，物價好高企又通脹，銀行唔減息，好多人俾人layoff，唔續contract或者轉做part time。
大麻味間中都會聞到，但唔太嚴重
睇新聞，Brisbane, Gold Coast 同Melbourne 嗰邊童黨問題好嚴重，啲十幾歲嘅仔會拎住牛肉刀爆門入屋，搶車匙偷車…當地政府冇晒辦法。啲𡃁仔俾警捉到，轉個頭就會放返，新聞講有個女仔，俾警察拉咗十幾廿次，都係放番出嚟…
我都有諗過，可能某某施壓搞到拖住。
但另一方面，申請EE 都好多係幾千幾千咁上，果啲又批得出奇地快，半年巳有PR。
加拿大幾百萬人搵唔到家庭醫生，只靠walk-in clinics，啲醫療資源傾斜晒每日救啲啪藥啪到要急救嘅道友度，試過有道友一日要被救四次，大愛丫嘛，有啲醫護話：吸毒係個人權利喎，但納稅人埋單
但cancer呀就拖兩年先見到醫生
溫哥華唐人街已經係喪屍城
但醫療要全免，有啲醫生睇唔過眼自己開診所，被政府告
呢個都有聽過呀，啲護士做到燥底就係要服侍呢班人，真正有需要既人就無援助。
話說我前排去做散工，返醫院，我聽到隔離床有個酒鬼扮唔舒服呃入醫院，佢同護士講，因為shelter 唔好住，成日比人偷野，所以入黎住，仲扮病到R 左醫生住多一晚都唔趕佢出院，加拿大就係咁痴線，左膠癌社會，包容到咁，幾荒謬。
佢唔需要全部慢，佢整到啲香港人有困難就mission accomplished
加拿大同美國西岸嘅左膠問題係比世人一個警醒，仲有官僚以及同某國嘅“合作”，都好大機會發生喺歐洲同英國（其實發生緊），殺到埋身
最有效率嘅政府部門叫稅局，乜你visa過期？但你仲係tax resident, 記得交左稅先
1個讚
呢個應該每個地方嘅稅局都好勤力
其實你知唔知EE點解？Express Entry，不嬲都係最快，因為要鬥高分先有資格，稱過你年紀、學歷、加拿大經驗，唔係人人有資格申請架，咁佢批PR正常都要啲後生又學歷好資歷好嘅人啦，點可以攞呢條隊黎比呀
1個讚
香港人唔介意等，但你唔做得嘢，唔揸得車，一家大細等開飯係咪想人死？
而且ee quota多過hk pathway 成個零頭，根本冇得比。一樣有香港人轉左去ee, 人地夠分一樣半年就pr
1個讚
而家似用行政方式趕你走，香港人唔似印度人，印度人就算visa 到期都會死lur 唔走，
而諷刺嘅係而家被迫走嘅香港人其實已經入左紙pr , 但又冇合法方式等