原來大家都係咁… 
他唔睇書唔睇片，只會出去比幾千睇精神同心理，但睇呢啲唔係一次搞掂，要睇好多次，而家我睇倒的係無效果，仲衰左，但他就覺得要睇多幾次先知效果囉
我好努力堅持緊，好努力生存緊。
其它野唔敢諗太多，一諗我知我自己會踩入深淵，但我無能力幫我老公，我正係唔想見倒他，唔同他接觸，我先可以照顧倒自己同小朋友
因為佢焦慮抑鬱既源頭冇真正解決到。睇完你個post，你老公都算嚴重。
都有見到你話佢試緊好多唔同既藥，肯食藥已經好努力。
我諗依家既問題係，因為有小朋友，你冇辦法照顧兩邊，even你自己都需要抖下。
你地有冇其他家庭成員可以依靠?
深受同感，患病真係會好無力，但控制唔到，想開心都做唔到
我同你情況都好似，可以pm傾下~
1個讚
希望試倒啱嘅藥、啱嘅份量，咁病情一定會好轉。另外考慮下兩個一齊見臨床心理，心理治療可以幫你地互相解開你地之間嘅結
佢肯睇醫生都好過唔肯對面. 反而你應該鼓勵佢見多些心理治療, 起碼佢既負面情緒有出口宣洩, 有時有些事情真係要俾時間及外判給專業處理.
他睇出面心理醫生，個心理好full,11月先見倒。
希望到時有好轉
2個讚
而家的我未有勇氣面對我同他的問題
太複雜，三言兩語講唔清
而且之前都試過效果都係差不多
我一路都認為人生係苦多過樂，9分苦，1分甜
只要你明白快樂唔係理所當然，生活就會冇咁苦，因為苦先係正常
3個讚
我怕樓主先生因為咁而嚴重咗，令樓主仲辛苦咋
你老公情況同我好似，我同我partner一齊咗十年，不論有咩傷心、焦慮、憤怒、呢十年所有情緒都倒晒喺佢度。因為我一直都唔識得點同朋友傾訴，覺得佢係全世界唯一畀到鼓勵、肯定同安慰我嘅人。
多年以嚟佢都話辛苦，叫我搵下其他朋友傾下，我每次都表示理解同會諗方法解決，但係冇用，過一排又嚟過。直到有日佢同我講話要分開，連住嘅地方都搵埋簽晒租約，之後佢仲block晒我所有social media，完全斷晒聯絡。嗰刻我先開正視自己嘅問題。
得自己一個人生活當然好辛苦，但我keep住去睇counsellor，搵幾個好朋友傾訴，情況感覺比起以前好咗。因為可以依賴嘅人已經唔喺身邊，人生真正開始獨立生活，靠自己重新開始。
如果樓主已經係去到要食藥的話，我會建議你行開一年半載，搵屋企人幫手照顧小朋友，搵專業人士幫你老公。如果情況依然冇改善，你同老公解釋再咁落去你同小朋友都會出事，真正愛你嘅人係唔會勉強你繼續一齊。
希望我嘅經驗會幫到你。
6個讚
不如叫佢兄弟姐妹幫手做"垃圾桶"個位, 遲早有日佢屋企人頂唔順會鬧醒佢