呢個世界都幾荒謬
隔離post賣樓天仙局冇咗70萬冇得追
呢度打斧頭$6000就俾ICAC拉…
8個讚
我幾年前遇過，ICAC 告我仔小提琴老師收回佣，唔係我告發她的，反而我被廉署邀去落口供，我係想幫下老師口，其實個小提琴我去老師介紹嘅樂器行買都係千五蚊，我本來都預咗老師有回佣，老師教得好我唔介意畀佢賺下外快，不過廉署問如果老師收嘅回佣over 9成，我仲會唔會買，我答咁就會要考慮下可能唔買，我老公話咁嘅口供就會煮死老師。
因為老師係一間有規模嘅琴行教，我仔就是呢間琴行嘅學生，如果要買琴要去返我地呢間琴行，雖然同一部琴價錢仲貴過老師食回佣那間，但兩邊瞞就係唔得。
單case 搞咗幾年，我落完口供後廉署有通知我兩次有上咗庭咁，我見法庭新聞都有報，老師好似係認罪。
老師繼續在那有規模琴行教（所以我覺得唔係老師嘅琴行告她的），我仍然繼續搵返同一個老師教我仔，老師有whatsapp 我 say sorry 話要退返錢給我，我反而唔好意思（我口供落得唔好害咗佢咁）無收佢錢亦避咗無同老師直接見面，都無同仔講有呢件事，我仔正正常常開開心心咁一路學到8級考DSE 先停學琴。（買琴係我仔小五嘅時候，老師被ICAC 告係我仔初中時）
我仔老師個單case 嘅樂器行同大提琴呢單case 同一間，可能是這間樂器行被廉署盯上了。
6個讚
我都有懷疑過咁多年來勝在有ICAC ，所以香港人已經好廉潔了，ICAC 已經無case 了所以要捉樂器回佣？
3個讚
真係唔知點講！
呃人都係唔岩
$6000又真係算多！
但我自己都請琴老師幫手買，有收據比我。
自己對老師都幾信任，而且老師有正職
另一個老師幫我買音樂書都比返收據我。
（我冇要求收據）
2個讚
同意, 好多行幫客代購都賺差價架啦…ICAC真係好忙…
定係老師用個人優惠買，之後轉購圖利係唔得？？
而家告佢詐騙，個導師同家長講話佢買有折扣，但買完出黎無平到仲貴左。其實學開樂器同都會同其他家長傾計可能咗樣發現左自己比人呃。
1個讚
如果私教果啲，其實都未必知
咁人地買埋送嚟，正常預佢有水腳？
唔知個導師同家長點講
正常家長點會唔知買貴咗？
多數係因為自己唔識買，唯有比導師買。寧願有買貴冇買錯
濕腳 $6000 你嬲唔嬲？？
我唔知本身舊嘢乜嘢價錢
不過正常我會格價先
係喎，個單擺明刑事
通利 website 大提琴最平都 4,5千蚊個，個啲應該係 cheap cheap 入門辦 (識買識改可能唔 cheap)。
如果兩萬幾來講，賺 $6000回佣正常。未夠一半
本身個大提琴 $18,000 , 家長買用$24,300
2個讚