我緩和下氣氛
同埋都想了解下樹熊情況
同熊貓一樣極之揀飲擇食, 但人地起碼肯交配肯照顧D仔女
4個讚
重有樹獺
睇多啦A夢，樹獺郁下手都懶
2個讚
懶
1個讚
動物園存在其中一個目的，就係推動下一代保護環境，愛護動物。當然，如果動物園管理不善，虐待動物，係應該關閉嘅。
第一，我覺得海洋公園推廣到保育理念，起碼我小朋友去左咁多次，培養到保育意識，知道唔可以亂拋垃圾，破壞動物棲息地，亦會主動愛護動物。
第二，去過鄰近國家幾個動物園，只係比較室內動物館，海洋公園其實做得幾好。有啲國家室內動物館好多糞便，好臭，亦冇人流管制，啲人一窩蜂騷擾動物。起碼我喺海洋公園聞唔到臭味，佢哋亦會提醒小朋友唔好騷擾動物，管理得幾好。
第三，好多人一下子就覺得圈養動物唔好。其實好多屋企都有養寵物，因為方便飼養，都會幫佢哋做絕育手術，其實都係唔人道。同埋香港地方咁細，寵物嘅活動範圍就喺屋企，要批評嘅話一樣係好唔人道。再講落去，部分寵物嘅繁殖亦都有好多唔道德嘅問題。
第四，回應返熊貓被迫嘗試懷孕、傳宗接代嘅事。就好似人養寵物，寵物被迫閹割（佢哋都係冇選擇權）一樣都唔人道。但係呢樣嘢都唔係熊貓嘅錯，佢只係一隻動物，但係係呢個大制度底下受盡痛苦。打個比喻，例如有一個不育嘅婦女，受盡夫家煎熬折磨冷言冷語下，幾經辛苦等待多年，終於捱出頭生到BB，都唔應該第一句話佢抵死呀？起碼都會恭喜一下佢呀？呢個比喻重點只係想講同理心，你可以繼續抨擊熊貓保育嘅問題，但係熊貓本身係無辜。
第五，呢度啲言論講到熊貓好抵死。你可以笑熊貓唔識交配唔識湊仔，但係你唔應該剝奪佢生存嘅權利。況且熊貓之前瀕臨絕種，唔係因為佢哋唔識交配唔識湊仔，而係生存空間被人類剝奪。
2個讚
人類嘅文明活動不嬲都剝奪緊大自然生物。
同埋在座所有人甚至地球人講到自己幾咁大愛幾咁偉大都好，其實都係自私嘅生物。
知魚之樂，你覺得保育佢地不停繁殖係好，咁做係對佢好，SOR9RY，係佢地嚟講唔一定係好。
人類做番愛護地球珍借資源，已經係對大自然嘅幫助。
3個讚
其實香港大熊貓生左BB都開心既…
而我都相信海洋公園既工作人員都係真心愛護動物
希望BB可以快啲同媽媽一齊生活~~
點解生到BB就係捱出頭? 點解要自以為盈盈覺得好開心?
2個讚
因為要正面思維。同埋小學有教擬人法。
2個讚
可能俾好多人鬧，但我同意㗎，香港地得幾百呎真係咪鬼養動物，領養除外，領養係救佢幫佢，但買隻貓、狗返嚟已經唔人道，莫講話唔夠地方俾佢走。
你assum 佢好想生？
無人剝削佢生存嘅權利，又無人要佢安樂死。只係大自然，或者呢隻動物本身嘅惰性要被淘汰，人類點解要夾硬延續佢哋？
1個讚
我覺得最基本生物想繁殖同想照顧下一代，人類先應該插手，但熊貓連呢個行為都冇，即大自然已幫佢地揀左，生物天性係繁殖下一代，佢地連呢個本能都冇左。
正如人類唔想生，唔想照顧，政府都唔會逼佢地食偉哥一樣
2個讚
用錯比喻，如果係講緊其他頻危生物，例如樓上提到嘅樹熊，呢個比喻冇問題。
熊貓就完全唔applicable, 我唔識熊貓諗乜，單憑佢哋行為，我只見到佢地無意生育，不育夫妻起碼人地想生，兼且生左會照顧bb
1個讚
鼓勵生育都算，佢哋睇完av 都無性取就夾硬取精，我同意熊貓真係好無辜，仲好陰功。
1個讚
你咪話，遲早迫食偉哥
2個讚
會唔會…其實…
可能有隻熊貓係…
gay / les
如果係咁…
真係…
熊貓都有發情期, 就算係Les/gay, 咁佢應該都會有性慾, 但佢就係無左
非洲稀有動物㺢㹢狓 在日本橫濱動物園誕下寶寶
我對呢隻興趣大啲。
去睇，日本咁近