我返工個頭，成日有啲老人家、阿嬸衝出嚟亂過馬路，無馬路都照衝出嚟，我做乘客睇到都驚
1個讚
我屋企附近都係，一班小紅書嘅人成日衝出馬路影相，仲要係街口位，d車直去定轉彎，班人都唔理，我替幫班司機擔心
1個讚
係，街燈又唔算話好光猛，遇過啲一身沉色喺馬路踩單車，真係俾我感覺好牙煙，著件反光衣都好吖
我呢邊遇踩單車嘅大部分車尾裝勁閃 led 燈，跟尾揸車個司機真係閃到睇唔清，好危險
係試過一次冬天轉夏天，光光地，個單車友冇用燈又冇著反光衣。又係危險
有得揀，返放工真係寧願坐車好過揸車。
唔想比佢地累死
1個讚
警方正調查事故原因，據了解4人過路時，行人燈號為紅燈。
該名司機涉嫌危險駕駛引致他人死亡被捕，現正被扣留調查，
如果係真，個司機就好慘
3個讚
好似凡有交通意外都會告呢條罪, 仲要係死亡會判得重D, 本身電車剎制就冇咁靈敏, 如果真係唔關司機事, 希望佢無事
3個讚
電車好似無break, 只係斷電停車
我樓下個條路都係咁，以前個的士站就係正樓下，對面就係巴士站又有街市，啲阿婆成日就係巴士站度過黎。年年都有一兩單比車撞到，舊年封左的士搬左去前面，但仍然有人都一樣係巴士站過黎，但過到黎都係要兜路先至可以行番上行人路。
其實啲衝燈老人家咁急做乜？唉
我老爺奶奶會衝出馬路截巴士
1個讚
呢條馬路我以前lunch time成日會過架，分兩節斑馬線，一節望左，一節要望右，整條斑馬線都唔短架…帶住小朋友衝紅燈已經危險，小朋友行得慢，有咩事走唔切，個外公仲要望錯方向，唉…
綠公仔過馬路的話, 正常唔駛望左右 (不過我習慣綠公仔都會左右一齊望先過),
佢要望左右, 即當時係紅公仔, 或者唔係斑馬線過…
由細到大，阿媽都教綠燈都要望有冇車先過。
而家都一樣咁教細路
即使行人斑馬線，都要望下先。
揸車又好，行又好，唔好信咩 priority, 人地唔讓，死個個就係自己
5個讚
另一個source
下午4時許，有警員重返現場量度搜證，並向附近商舖取閉路電視片段。現場消息指，公公並非與孫女同住，今日特地到孫女家，帶兩孫女落樓玩，豈料突然落雨，便匆匆回家。據悉當時現場為紅燈，公公抱著小孫女，女傭則拖著大孫女橫過馬路。當一行人過路至安全島時，懷疑公公望錯方向，女傭試圖叫停但已太遲。
從來唔比老人家帶細路出街，即使有菲傭一齊
男家屋企人冇帶過我細路出街
自己阿媽可能十幾年帶過一兩次，唔會去遠過要過兩條馬路既地方
見啲老人拖住細路就驚
1個讚
所以有時都唔可以急
記得幾年前帶住工人姐姐同小朋友去趕巴士，行到街口紅綠燈等，見到架巴士走咗，我就講左句追唔到，點知隔離婆婆就多口講：你行去前面個路口過（無燈位）咪追到lor ，我即刻拉住工人同小朋友走開，再好認真同工人講，帶住小朋友就一定要跟交通燈同睇清楚先可以過馬路。寧願遲到都唔可以衝燈
6個讚
如果係路人衝燈，電車司機都好無辜，
因為電車已經係慢的交通工具，
因為行路軌，剎車系統係依靠係路軌落砂磨擦阻力停車，唔係話停就停。
2個讚
早排我喺中環就係見到呢啲人
為咗影相企出馬路
但係有車行緊喎
於是我忍唔住話佢哋
同佢哋講呢度係馬路嚟㗎
咁多車行緊你哋都走出嚟影相
係咪黐線㗎？
你哋真係唔好累咗啲司機
3個讚
係啊，我而家都咁樣教我啲姪仔姪女
就算行人公仔綠燈都好
都一定要等啲車停定先好行
我哥哥係一個好遵守交通規則嘅人
早排綠燈公仔佢過馬路
本身前面架車已停低
但另外一條線突然間有架車沖出嚟
真係差啲撞到佢
即係架車擺明衝紅燈
好彩我哥哥即刻褪後冇事
否則佢已經被車撞到入醫院
都唔知仲有冇命
呢單嘢真係大癲
我會睇兩條線啲車都停，我先過