上一代廿歲就結婚生仔，一個60 歲去睇住一個 80歲嘅父母係好常見，80歲嘅父母如果年青時無為退休打算，60歲嘅仔女就好大壓力，仲點退休呢?
「垃圾時間」呢個 term 其實 apply 在人身上都一樣可以用，收尾十幾年，食和痾都唔掂，一日插住條奶喉食唔到正常食物等死，日日都係受罪，仔女還要一個月俾萬幾蚊老人院吊住條老命。 講真，如果好似修哥咁，九十歲仲做到演唱會，長壽係福氣，日日訓床等死對自己和家人都係一樣度日如年。
安樂死又唔俾，又無 support 要人自生自滅，呢個比安樂死更殘忍，係精神上肉體上嘅淩遲。
我以前識個老中醫，八十歲都應診，八十幾歲一家人出街食飯時暈咗，送去養和一日內就去咗。人生去到最後一刻仲可以行得食得，高級酒樓食最後一餐，仔女齊晒送人，佢真係有福氣，但大多數人都無咁好嘅結局。
6個讚
7 0歲識行識走，識得自己照顧自己，又未必要去老人院，
大家都面對近似的問題，
我經驗係到佢有一日佢冧低咗，又搶救得返喎，
醫院就會評估佢身體狀況，同屋企人商量，
可能會要求佢要入老人院，由老人院照顧佢，
出面有私家老人院，社會福利處有同佢哋買位，醫院社工可以幫到手。
其實由屋企人照顧老人家都係好正常嘅事，
但照顧者長時間去睇住佢，長期負擔也有壓力，
佢個女都係人，也有正常社交生活，需要喘息時間。
近年 香港醫管局 和 社會福利處 都有提供照顧者支援服務，
有需要可以搵醫院護士轉介醫院社工。
好死真係福氣、更難得係佢80歲仲有做緊野、咁當然都因為呢份工作唔係辛苦工同佢都唔為左生活先要做。
我見英國都多老人家做義工、反而香港唔多覺、其實有做嘢keep住個人會有生氣啲