呢D情況, 可唔可以唔出席, 等佢地講夠, 講飽先啦
係啦, 又點解唔可以比人講晒先, 起承轉合
都係講到半路O者~ 咁快有結論, 聽埋先唔得既~
(可能另外既人都有野想講, 盡快end左對方, 咁自己先有得講)
因為佢要表示佢都識…佢都有經驗…佢都…
又係我阿媽
想講件事俾佢知唔得，佢只會聽結果。
要講一件事俾佢聽佢起碼要問兩三次"結果係點呀"，我又要講兩三次"聽我講埋先"
都係自我中心果類
題外，有晚同阿媽撐檯腳，咁岩果朝CONFIRM左移英第一個落腳地，諗住岩時機可以好好地同佢講，點知成晚佢都係圍繞住佢，佢係咁講返工D野，講下煲湯料，叫我幫佢做某D野，直到講拜拜都係講緊佢要講既野 
佢係有話過我唔同佢溝通，話我有事唔會同佢講
唔好意思呀阿媽，我無位入到講我自己既野，因為你既世界太大你身邊人只能圍住你轉。
1個讚
唉, 有時人要知進退, 比個位人地啦, 自己可以收下口,休息下咪幾好囉
唔使下下表示自己識, 自己知, 自己有經驗, 同呢D人講野好攰
截停你, up一大輪, 無幫到個人舒發心情
1個讚
D媽媽係大晒架 
我阿媽都係, 甚至我身邊有D已為人阿媽既都係 
一路淨係講自己, 唔攰架咩? 同你分享, 但都唔會問你一句, 你近排點呀
但又會話, 我支持你, 我想你開心(呢D係我朋友講, 但做就同伯友一樣, 得佢講, 無我講)
我明每個人都想身邊既人以佢為中心, 圍住佢黎轉, 但種花都要淋水, 施肥
我地連水都無啖, 仲有一日會枯死, 死心
咁你當你媽有好多興趣, 不過未必有時間關心個女
來, 抱抱一個hug hug
1個讚
我阿媽都係非常之自我中心嘅人、一睇題目我就諗起佢、朋友可以疏遠但親人可以點呢？做左幾廿年人真係唔想再縱容佢
其實無, 佢唔會改變, 就算佢知有問題既係佢, 佢都唔會改, 要改一早改
佢呢種生活模式已經習慣左,
你要佢做遷就人個位? 以前係你地黎就我, 做乜而家我老左仲要我就你?
我係你阿媽 !
我會話, 將個重心放返落自己度
大家都係親人, 但D親人根本無理過我感受, 我樣樣都做足, 但換黎既係咩對代?? (我講我自己)
我而家只係將對人好呢個行為, 改為自己更好,
你叫我做咩, 諗諗先, 無拿拿叫我拖地, 直行走左去啦 (用就你享用, 但做就要我做?)
唔需要樣樣咁上心, 佢地唔理, 你唔好理, 佢地唔做, 你都唔好做
1個讚
典型中式婦女係咁都係咁
不用太介意別人感恩與否呢，放開些。我大學朋友，重糸姊妹二十年她給我禮物等同當年龍鳳金飾(我留住張票無用過）。年年自她雙親走了，我送白事金和每年長輩給她利事，入伙新屋遠超兩兩金。孩子她年年也招呼帶契女去演唱會去旅行，互雙無計過萬。最緊要心相照，喜歡便招呼，好境莫遷