我去過兩次，
一次係未開始起樓，雖然爛地一塊，但海天一色好壯觀，當時政府揀佢做cbd我係好buy。
第二次係幾年前入去新稅局，你唔理轉個街口就舊樓的話，新規劃嗰邊環境好靚，我冇去到公屋嗰邊。
但亦因為嗰堆公屋呢幾年成日上新聞，搞到區外人對啟德有晒負面印象。
不過住屋就唔駛理街外人點睇，
除非大把錢可任揀，最終都係睇你生活工作家庭需要
多謝大家俾咗好多好有用意見
啱啱突然醒起，我漏咗一項最重要嘅條件/限制就係我屋企人需每日都要去九東照顧老人家。
就因為咁，我諗我會睇埋油塘站附近較為新嘅物業
3個讚
油塘正
油塘地鐵站好靚
香港冬天吹大東風，
油塘 有啲地方 食到好應，
高層、向東、開陽、有遠景，唔好要。
總之一定睇清楚，東方 有冇野可以擋風。
好有同感
朋友最近去過睇樓, 都覺得有d overprice
2個讚
講起氣味，我去過人哋屋企（康城一期），就唔多覺。不過只係日間。
夏天 連續落幾日大雨，之後太陽暴曬幾日。
你去到就有新體驗。
雖然而家氣味冇幾年前咁嚴重，
但係 白蟻 就 冠絕全港。
識人將軍澳工業村返工十幾年，佢經驗豐富。
根本向普通地區（深水埗/觀塘/康城/大西北⋯⋯）嘅新樓去到20k/ft 就已經唔合理，
好老實，自己覺得呢啲地方15k/ft 都已經都算誇張。
1個讚
我有朋友住緊啟德，好似都幾方便
正咩？？
唔好講味唔味，淨係將軍澳成個規劃密度咁高，交通各方面，我已經覺得根本唔值呢個價，d人仲當自己住緊豪宅真係笑爆咀
1個讚
油塘冇咁迫，有少少氣抖下
1個讚
啟德既話，不如鑽石山，巴士線夠多、沙中線/地鐵線都齊，去邊都近，附近有大商場，又有舊區小店。
香港地那些已發展區居住密度唔高。
我好怕啲無街之城，要有啲墟市地區小店先有生氣，港鐵上面，商場接商場，成個區都係咁好冷冰冰
2個讚
咁都有分高，勁高同冇咁高嘅
九龍港島市區一定冇咁高，一幢樓高嘅先20層，矮嘅10幾層，沙田呢d半新區一幢都係30層左右，將軍澳呢d新區一幢60層，淨係以同面積計人口多起碼2，3倍
1個讚
係，所以去左1，2次已經知一定唔會搬去個度住
1個讚
有啲太近水泥廠，攪唔掂
但我會覺得比康城好