潔癖人都會知自己有潔癖，但唔會知自己個潔癖程度有幾嚴重。
我對某啲環境地方都有潔癖。我小朋友個種潔癖亦包含咗強迫性，有時影響到我同我老公，煩！（啲人話處女座有潔癖，我小朋友係月處，唔係太陽處，月處真係煩能過西）
係，我寧願自己搵路，但有時真係搵路搵到遲晒大到，就真係要人幫。所以路在口邊係我宗旨，唔識路就問人。
八掛問，佢由細到大都係咁，定經歷咗啲嘢先變成咁（例如Sars）?
想像唔到係點生存到宜家…仲可以識到另一半結到婚
我識人係生咗小朋友就咁
有個就慘啲、因為小朋友二歲病到好嚴重，發燒嘔到抽筋，佢真係好驚，所以之後事事好小心
另一個就一有咗就好緊張，老公咳兩聲都唔俾老公返屋企…叫佢去奶奶到訓，好彩佢奶奶同佢係同類，所以佢哋婆媳關係好好
我都聽唔少，見唔少生咗仔嘅女人啲潔癖問題，好彩我無呢個問題。如果唔係我老公一定反晒白眼反晒枱。
心同感受,我會預早上網睇定路線,甚至印埋出黎 
如果只睇住電話,我一定會行錯路,總係發覺偏離路線 
1個讚
應該講緊開口埋口唔識路，永遠要人地就果啲
唔識路就路在口邊
正常潔癖同路痴會體諒
但「作狀」type嘅潔癖同路痴就會好難頂
1個讚
估唔到原來大家都一面倒對潔癖咁反感
我best fd同姨甥都係潔癖，算係幾犀利，幾難一齊同檯食飯果隻，不過可能都好熟，我明白佢嘅堅持同妥協（係有妥協左架喇，有啲嘢佢地都忍左，唔想下下要人遷就自己）。
潔癖係咪算係情緒問題嘅一種？
作為朋友我係無限包容嘅，畢竟都唔係要每日一齊生活，唔會影響到我太多。
姨甥就由細到大比大人話佢麻煩，邊度污糟呀？使唔使咁巴閉呀？
我覺得佢好慘呀，一企圖表達自己需求就比人話。
我支持佢可以有自己嘅堅持嘅，趁細個開始學下自己滿足自己需求，唔好求啲所謂「大人」幫，比人欺淩。
我自己都係超級路痴，如果有成個禮拜都無行錯路，都會讚下自己。
狂睇地圖唔係唔得，不過喺London真係唔太方便下下拎電話出黎睇，通常隔一陣𥄫一眼就算。
同一個地方可能要靠自己能力去過5次先會認得路，不過唔煩到人我又唔覺有問題。
認人方面都係極度面盲，慣左比人以為扮唔認得、無禮貌，我唔知認樣同認路係咪同一邊大腦操作嘅呢？兩樣野有無關係？
大菌食細菌姐
過份清潔令身體冇應有抵抗力
真係應該睇醫生！
下一代不知不覺比佢影響埋！
我本身不認識嚴重潔癖的人，衹認識自認有潔癖成日做清潔，去其他正正常常屋企嫌人污糟，但去到他們家又發現清潔程度比正常低
又一個路痴報到，夜晚情況尤其嚴重，但自覺部份原因係以前太依賴，唯有同自己講地球係圓的
又又有面盲，俾人感覺好串唔彩人，或同唔識的人打招呼，但對聲線相對敏感，以前後生較好記性時見工，與hr 傾過一次電話，第二次可以叫出該公司名同人名
我認到路但認唔到人
嚴重程度係喺書展認唔到自己老公同仔（唔好問我點解）
係靠衫袋認返佢地
基本上認人都係靠睇衫袋同身體動作
2個讚
有一點應該人人都會同意，不論潔癖又好，路痴又好，電腦白痴都好，都唔應該用黎做藉口要求人地遷就。
更加唔好以為自己果套先係標準，而去話人地點污糟點有問題。
Ps. 路痴其實有好多，去旅行問路真係經常遇到，兩個傻人39547一齊搵路笑到騎騎聲又可以成為好朋友，痴痴呆呆坐埋一檯
3個讚
我仲要同一條街，日頭冇問題，夜晚會蕩失路，講緊香港啲街道咁充足照明都出事。但我從來唔遲到，其他人出門要預交通時間，我仲要預埋蕩失路時間
我反而想知咁點上床，係唔係要1:99消毒男方生殖器官
咁平時更冇可能kiss啦
Give me five, 我都係路痴+面盲，最恐怖係新入職大半年都認唔到老細 
我意思係自己去外地旅遊搵路，每每到呢個位實行錯路。
而係香港，我啲朋友都好好，知去啲新地方，或者難搵既路，佢地直頭去程拍片比我睇，邊個位要轉或前行
我都好感激佢地無嫌棄我。
我深信大家雙向嘅
當你遇過老馮之友仲要遲到，我由巴士站行到去地鐵閘口等，一句開口埋口路痴就想xyz佢
ps: 久不久有呢啲人
我都有路痴同面盲喎
又係細個成日比人話我串，係街見到都唔打招呼。
但我係個種，呢個樣著呢套衫係呢種場合見，我就會認得。但其中一樣轉左，我就認唔到。
例： 以前有跟開個跳舞miss, 次次上堂見佢都係bra top 短褲。
有一日，係街食緊魚蛋時，有個女仔行埋黎望住我，對望左一陣，佢話： xxx（我個名），我係miss 呀，做咩呀，著住長袖衫唔認得我呀？
佢咁問得，相信佢遇過唔少面盲人
1個讚
就算係日日見嘅大廈保安呀，佢放工換左便服，轉左場景（街市）我都唔認得呀
諗足成晚，點解果個人咁熟口面呢？係咪阿女個老師？
3個讚
我都係路痴加面盲。
好多時睇電視劇集，我會覺得點解個個樣都差唔多。
1個讚