佢個問題都係唔係短期可以解決既野
做到邊d做邊d先
認真 性生活得到滿足個人成個氣場都唔同d
話唔定老公會留意到佢吸引左
可能佢生活習慣太唔健康
做床事變左身體負擔>enjoy
同埋有d男人好白痴，以為女人唔應該鹹濕
睇你同佢相處，佢對你都好直接唔會有野收埋收埋，絕對係100%信任你
我諗搵借口捉佢去睇下中醫調理下會有改善
但你千祈唔好話為左床事
同埋你要郁多d eg女上男下咁
2個讚
佢都係仲錫我，不過佢鍾意電話同佢自己多過我啫。
平時生活模式同拍拖都唔大分別，放假出去食嘢行街，感覺上佢個人係同我行，但靈魂離開咗，因為佢專注喺電話，除此之外，真係冇大分別。我都唔想埋怨，一個女人想另一半重視自己都好正常，性都會令兩個人感情再融洽
幼兒初期的確係疲勞轟炸，每個星期或隔個星期試吓搵屋企人幫手湊星期五六俾你哋休息下，唔夠瞓乜都唔想做。
你試試過俾另一半經常拒絕未？我好似等皇帝點燈一樣
我同樓主調轉, 我無咩興趣, 但我老公好有興趣 
因為日日返完工, 返到屋企食埋飯已經好夜, 又攰, 比較想早啲瞓…
咁放假心情輕鬆都會？ 我返工都會攰，再加埋煮飯家務，好似多十對手都做唔完。
其實如果早啲 (9點半左右) 咁我都會好啲
但我老公次次都11點幾先黎
放假會好啲呀~~~ 但我興趣都係唔大
點解你講到好似性行為只係用嚟生育下一代
我覺得呢個問題大d，人喺度個心唔喺度…
我有佢冇
又唔使用時間同次數去計住，呢啲嘢應該講感覺。
本來都唔想計，咁多年越嚟越差先會咁，你理解唔到果種唔開心
唔識畀意見，但我感受到你難受，加油
我同樓主一樣情況，拍拖到結婚生仔問題一直存在，耐到可以一年都冇一次，我好明白被拒絕勁難受既心情，問題同老公都討論過好多次，問題都係佢工作好攰真係冇興趣！最後我決定做主動，真心每次同老公要求都幾咁緊張又怕醜又驚被拒，不過近幾次都幾好效果好sweet咁
加油，對方改變唔到，就自己改變一下觀念，試吓主動D
2個讚
有主動，就係被拒絕得多先難受，你哋竟然咁耐都冇一次，香港人生活壓力真係大，其實游惠徵當年冇講錯，上床又要睇吓有冇地方，又要睇時間…
個人覺得, 床事問題/ 任何問題都好, 兩公婆要解決問題, 其實都depends on兩公婆本身既溝通方式同解決問題既方法
不論老公定老婆, 總會有d位係地雷區, 不論佢平時有幾理性, 踩中左既話, 不論男女, 都係會好易有情緒
調返轉講, 踩中地雷區都仲可以理性討論/ 解決問題既人, 佢10次可能會做到1次, 而果1次佢應該係進入左聖人mode先做到
有時兩公婆就係要互相搵出呢d地雷區, 你notice到中左既時候, 除左需要extra care, 亦需要比佢知道, 你知佢踏入左呢d區域, 或者遲d先傾? 或者你可唔可以講下, 點處理先會令你舒服d?
當然健康既關係, 唔應該只由一邊永遠遷就另一邊, 應該係, 你有情緒時, 我做多d去幫下你; 我有情緒時, 你又幫下我, 咁段關係先sustainable
講返床事問題, 確真係好典型男性非常恐懼既問題, 你描述既情況, 佢就係選擇逃避 (唔想傾), 否認(反問而加咁樣係咪好有問題?), 有時人覺得絕望果時, 最典型亦都係呢d反應, 或者你會諗佢呢d反應係咪唔愛你? 我唔重要/ 唔吸引所以佢咁對我? 或者無人可以100%答你係/ 唔係, 事實只有你兩公婆先知, 但一個人覺得絕望時, 其實佢自己都未處理得好自己, 佢可能真係再無心力去關心其他人既情況, 頭先都講, 佢係地雷區時, 另一半就需要努力拉返佢出黎, 憑你對佢既了解, 你需要諗下用咩既方式先可以令佢舒服, 先可以令佢肯傾, 同埋, 點可以令佢知道唔需要絕望, 真係拎張紙寫低仲有咩方法可以試(醫生, 藥物, 心理輔導, 性習慣, etc), 大家一齊努力過, 不論結果係點, 都係大家一齊承擔
4個讚
討論、主動都試過，只有醫生、藥物之類冇試過，男人同女人對生理系統有病要面對真係好大分別！女人有事可以睇婦科醫生，男人有事就唔去面對，我哋就好似roommate 咁，一齊生活但就保持距離，個距離喺我心目中越嚟越遠。
我都真係磨合咗好耐，近期先叫捉到老公個位少少，人同人相處真係好大既學問，有時試到真係好氣餒，一個好嘅家庭係我目標支持，所以我好想繼續去改善繼續磨合，好彩見到少少署光，當然都會常常返回地雷區
希望你都可以磨合到一個啱嘅位置
3個讚