唔止一次，好多次，同佢講又黑面，我明明係受害者，佢可以黑返我轉頭
你地有冇小朋友？
一個女，不過出世前已經係咁
問題上佢被動，成日話攰，又話唔想，攪到自己心情跌落谷底，問佢有咩問題又話冇
搵左問題根源先
佢返工太攰?
你成日俾佢睇晒全相?
次次都同一個場景衣著?
身材唔同左?
驚嘈到BB?
再私密d:
pose 有轉過?
佢身體有問題?
佢心理有問題?
唔自信?
1個讚
屋企又唔係大，就算去旅行都冇特別發生，唯一係佢工作壓力大，但放幾日假都冇，我仲慘過未拍拖果時！
單方面付出好辛苦，自問用盡辦法，直到我開口問點解，最差嘅時候試過發脾氣，試過自己喊，果種感覺好無助。
如果壓力大到咁
咁我真心建議你同佢傾下
通常男唔會主動講
訓果陣攬下問
氹下佢問佢有咩嘢講出嚟大家分擔
就算住幫唔到手,但都叫做俾佢舒發下
個心貼近,身體自然貼近
好似太雞湯,sor
4個讚
我有問過，知道工作壓力大，除咗呢樣，其他佢表現正常，佢咁樣攪到我壓力大，覺得自己個價值好似低咗，我唔係話床事等於一切，但被拒絕個感受真係好差，感覺自己唔再被需要。
你嘅感受有冇同佢講過?
係認真咁講,唔係講笑咁輕輕飛過
都係果句,溝通
有，好認真講過好多次，無論我咩反應都係一樣，試過好失落唔出聲，試過嗌交，試過發脾氣，試過喊，試過同佢瞓覺都保持距離，我都唔知可以再點樣講失落嘅感覺
1個讚
會唔會係佢唔得，又唔好意思講呢？
拖左咁多年，自己咁唔開心，比我會攤牌，搵個婚姻輔導坐低傾清楚，無任何理由的情況下啞子守生寡，我接受唔到，就算係性無能都唔該通知一聲，呢d係夫妻之間基本尊重
5個讚
唔好意思，我想問其實唔做係咪等於婚姻有問題？唔知點解我反而生完小朋友寧願瞓都唔想，但係我老公有需求，我只可配合。
如果咁嘅情況
衰啲講句,佢好似已經唔太care 你
or 佢真係唔得
因為無理由已經唔係第一次講嘅問題
仲要係床事呢d 咁serious 嘅問題
都唔理咁…
希望我估錯
佢又唔係唔得，一係時間短，一係唔想，攪到我好似個女色狼咁，佢好顧家，暖男一個，放假時會買餸煮飯，正常人一個。我有好似你講去搵輔導傾，佢就係唔去話冇問題。因為佢根本唔覺有問題。我哋只係四十頭，幾時先到老？
1個讚
要清楚比佢知道，而家唔係問佢有無問題，係佢的行為令你情緒出問題
如果佢係珍惜家庭，係負責任的人，應該即刻處理，有野收埋就坦白講清楚，無野就去見輔導學下無性婚姻點繼續落去
4個讚
兩個人相處想唔想搞，搞多搞少，一定有落差，任何一方因為呢樣野而suffer都係唔好，坦白講係有必要，唔好令對方估估下
我估唔到原來女人都有咁大需要
雖然我同佢咁疏，但我又冇乜所謂wo，我只係奇怪點解唔係個個男人都好大需要架咩？
個陣想生bb，就成日要佢做，不過佢都成日話攰推我。依家生完，我冇主動，佢又冇要求，我就由佢🤷
有需要唔等於大需要
1個讚
佢肯就好，果次我提議完，就問我係咪除咗呢樣就覺得佢好有問題？ 問我點解淨係咁諗，但佢完解釋唔到點解，淨係答我正常，拍拖時一個星期幾次，之後就一個月或兩個月先一次，我唔係喺度搵你哋呻都唔知同邊個講好？ 啲眼淚流出嚟都唔敢同朋友講原因，成個感覺好委屈。已經八年都係咁，定係我真係唔正常？