我都差啲俾佢帶風向，諗諗吓唔對路，重新計過條數，計完之後發現啲邏輯錯晒，仲要差咁遠
佢年年有數袋，佢咪好著數？
佢妹心水清，識得同佢say no捍衛自己利益
佢就諗住借我哋班人過橋，係咁強調每年比差價
根本就錯晒方向。點解係每年比。
2個讚
我同我細妹都係會分返差額
出發點只係咁可以 maximise 慳到嘅稅
原本係我拎一個 佢拎一個 但計過會蝕咗其中一個同住嘅額外免稅額
所以我哋就會張果額外嘅同住免稅額慳到嘅稅平分 咁我哋最後共同慳到6千幾 咁就除2 細妹俾返3千我 佢加埋呢3千後要承擔嘅都比佢只係拎一個免稅額嘅少
咁大家都有俾家用 照顧父母果方面佢又完全唔洗幫手 點解咁樣一齊慳錢都咁多人覺得係家姐計教
我妹知道呢個做法係好同意 比起一人一個 真係慳咗錢喎…
2個讚
因為同住免稅額哩個條件得阿妹先可以滿足到
我會俾晒阿妹，我做家姐唔想咁肉酸
1個讚
就係啦
交得呢個數都搵咁上下
就算有樓供 有仔女工人要養
個幾百一個月 真係幫輕到啲乜呀
你自己都有子女 租樓免稅額
父母咪比個妹囉
有個咁嘅家姐
1個讚
利伸唔係反駁隊 唔係想嗌交 都唔係想講驘邊個/揦番揸沙
真心平時自己用錢真係一蚊幾毫都同自己計住
但用喺屋企人度果啲就冇計過
冇諗過分返唔益政府慳稅嘅差額就變自私肉酸計教
雖然我仍然覺得呢份慳到嘅錢最後都係出返落屋企人度 自己收得當之無愧就ok 而且我細妹都好同意咁樣分
不過我都會效法各位俾晒細妹 唔再行一人一個嘅計法
1個讚
真係無諗過一家人為咗個‘’供養父母免稅額‘’要計得咁均真，如果咁計差額應該回饋返俾父母
4個讚
洗乜理人講乜，自己同阿妹夾好咪得囉
成件事最重要係雙方都同意咁做法最好，洗乜效法啲3唔識7嘅人啫
4個讚
其實你個方法無問題，隔年換先至唔抵，一年交少稅一年交多稅喎，明明慳到萬幾蚊走去俾政府，要用返兩個一齊總數諗
幫過一個三姐妹計，計下全部人唔claim要交幾多稅，再計晒唔同組合下交最少稅，例如大姐要一個同住，二姐一個非同住之類，咁慳到既稅平分(好似你咁就25500/3)，大姐同二姐交少左稅，三妹交多左，咁就大姐二姐俾返三妹，仲之大家由唔claim稅一齊慳到25500/3，同你個idea其實都一樣
2個讚
點計我就唔識（我同意免稅額應該阿妹，無謂蝕既…）
不過家姐既狀況錢係無咁「見駛」（交租，小朋友，其實唔少錢）
阿妹反而應該鬆動 （同父母同住，無小朋友）
所以家姐著緊我好明喎，…試下諗過方法大家都ok唔好傷和氣
1個讚
一年慳6千幾係「咋」定係「喎」
我會係「喎」囉…窮L
我諗唔係用咩方法？
如係我，呀妹賺就呀妹用，唔駛俾返我
我賺就我用，但會俾返差額呀妹，
因為係自己呀妹，益下佢囉
不想益政苦，不等於不想益呀妹
PS 我自己都生兩個，平時都好節省，
但自己家人就無得咁計
3個讚
人人家底唔同，把尺唔同，唔洗理人點諗。
100蚊唔計啦
1000蚊都唔計啦
10000蚊也唔計啦
100000蚊又唔計啦
1000000蚊都唔洗計啦
條線幾時開始計，係邊到cut咪自已決定。
你同你妹同意咪得。
4個讚
我就係細佬用,唔會問佢拎返
做家姐阿哥就下細佬妹啦
1個讚
其實係嘅
當樓主之前同阿妹一人報一個父母，咁係公平啊。
點知計計下發現原來俾阿妹報曬兩個條數好似仲慳多咗，咁緊係唔好蝕啦。
問題嚟啦，咁樣對樓主又好似好唔抵咁喔，樓主無得填父母，變相慳少咗。
正常緊係諗住係阿妹慳到果份對分啦，對分完阿妹慳嘅都仲多過之前淨係填一個父母嘅，而自己又慳到相同於自己填一個父母，阿妹都有so啊，但阿妹竟然覺得唔公平？
唔知我哩個邏輯同諗法有無錯啦，然後樓主諗住出po 問問大家意見，點知一味俾人指責係計教算死草，咁都幾委屈。
1個讚
都要呀妹同意
咁每人分六千幾其實係其中一個方法
1個讚
有錯啊，你代入返阿妹嘅角度諗，原先阿妹慳嘅係多過 而家家姐無啦啦跳出來話叫阿妹填，再分返差額
因為阿妹同父母同住，本身係慳好多
而家家姐跳出來，想攤分阿妹本身慳嘅嗰啲。
係家姐唔係淨係將差額分返出嚟俾阿妹袋，而係本身阿妹慳得多嗰啲佢都想分返。
但係基於佢地原本係一人填一個嘅關係，家姐應該係著重咗係，阿妹填完兩個後平分完，係仲慳多過之前一人填一個。
1人填1年著數過1人1年填1個嗎？
我哋係1人1年填1個，以為1樣
雙方都唔計較就得，但我屋企嗰個，揾錢係我嘅三倍，報稅想要填兩個，我話要計返我俾嘅稅我（因為俾個我填我唔使交稅），佢仲要我除埋預繳費。我彩佢都傻，1人填1個，佢結咗婚生埋b仲痴住屋企住，市區俾嗰少少家用租間房都唔止