有可能銀行職員見到有個女人陪阿伯去攞錢, 起左疑心通知細
囡所以通知細囡, 細囡知道左就安排轉走啲錢. 
幾百萬做定期都有機會有專人湊，可能都同個女熟嫁。
題外，都十幾廿年前，同阿媽響樓下銀行排緊隊，見到隔離隊有個目測80+既阿婆同個30+女士埋到檯位搞左勁耐，突然阿婆大叫"D錢我嫁"，保安，大堂經理都圍左過黎，TELLER唔止一次講"怕你被人呃" “擔心係騙案” "不如叫埋你屋企人黎先"聽返之後D對話係阿婆要拎80萬買樓，唔係寫本票係要現金，30+女士係地產代理，結果銀行職員報左驚，驚慌黎到之前我已經走左。
3個讚
肯定係呃人, 有咩可能唔係寫本票要攞現金, 其實銀行好易
就會知, 阿公阿婆好小攞大額錢, 睇之前紀錄已經好易知佢
地既習慣一大額就問長問短, 我之前都試過陪阿媽去攞錢比
平時多都問, 但如果係攞錢轉入我戶口佢地就唔會問.
1個讚
啲老人家成日緊張自己個棺材本，遇到騙子個腦就無咗咁，明明旁觀者清知對方係有心騙財，老人家好似撞邪咁死都將棺材本雙手奉上俾騙子，到發覺俾人呃晒所有棺材本就係到喊苦喊忽。
1個讚
黃子華棟篤笑都有講過，阿婆生左個仔出黎擔心左幾廿年，終於有人同佢講"你個仔會死於非命呀"
佢唔係騙子，係FANS呀
唱"我生左個仔 佢會死於非命 死於 死於 非命"
(曲 we will rock you)
D阿婆點解唔同D親戚朋友傾下先拎個枕頭(CASH)俾人。
阿婆，傻既，咁咪俾朋友知到我有幾多錢囉，傻仔，防人之心不可無呀
1個讚
睇開戶時安排，可以揀either one to sign或者both to sign，前者可以出提款卡，後者一定要去分行提存錢
提早攞定期RM一定會同戶主確認，仲要罰咁多，所以細女係一定知
佢地信街外人都唔信仔女嘅唔少
係咪華人先係咁？？？
應該係，老人家就係咁仔女講既唔信，
其他人或親戚講就信到十足十。
1個讚
真係唔知點解，明明後生個時好精明，老老下就會聽哂街外人講唔信仔女，好耐之前屋企個長老都係咁
唔知自己第時老左係咪都會咁，咁真係要同仔女開定聯名戶口
1個讚
我屋企有個、講到出口親生仔不及近身錢、唔想俾你知但亂聽人講買投資產品、最慘人又唔係醒、要執屎先出聲、但明明我哋俾佢既錢多過佢自己既、攬到實去防呢個果個、其實都心淡但無得同老人計
親生仔確係不及近身錢，但大前提係要管好個近身錢咁呢句先成立
如果個老人亂買野，我會停止供應
而家大家只供應基本、俾佢又唔捨得用攬到實、好似刻薄佢咁、但俾「專業人士」講就輕易落搭
可以唔使用即係咪唔需要咁多，即係可以cut，仔女都要近身錢架
我奶奶俾個保險經紀說佢供嘢，咁佢當年問我老公啦，我老公做嗰行（但唔係賣保險，但要識哂d product) 我老公叫佢唔好買，佢鬧我老公唔識嘢，又要問又要鬧。
2個讚
好彩唔係問你咋 
岩嫁喇，鬧佢個仔之嘛
華人老人家通病
HAPPY SHOP都係睇中依點先咁成功，開極都有FANS排隊
2個讚
佢地係有成功之道
仔女要返工，好似冇關心
但happy shop份工就係關心人地嘅父母，唔同玩法
會唔會太無聊呀
唔駛搵食咩、仔女細時父母要搵食又話唔係學壞既藉口、同埋無錢外邊有咁多「關心」呢