如果父母本身都只係碌手機唔閱讀，好難令到子女好閱讀
1個讚
係，香港啲英文作文真係太框架式，轉個人名地方就搬字過紙就叫英文作文，真係Orz…
天馬行空呢家嘢，係好睇性格，同埋人越大越無乜。
我都記得呢到有人講過，屎都可以做題材作篇文，我都幾認同。我自己細個讀中學時好記得幫同學畫一篇漫畫，第一集叫＂乜乜之死＂，笑到我啲同學死，點解第一集就要死你係咪玩嘢呀。我可能夠無聊有時諗啲嘢都仲可以俾人意想不到題材或元素同小朋友一齊討論咁做得唔得。
如果人性格唔係古靈精怪就唯有多睇書多接觸唔同事物多同人傾計就會搵到唔同題材。
3個讚
Repost:
我的小小心得:
一定要多閱讀. No input no output. 少閱讀, 即使學晒所有技巧, 都冇材料(word, phrase, idiom, etc.)寫出來.
故事最基本由三部份組成: beginning, middle, end. 熟習結構後, middle可以加多一兩個events, 特別係climax.
想豐富句子可以加入what where when who why how的內容. 多用各種sentence openers (e.g. adverb, -ing verb, double adjectives) and conjunctions, 令句子唔會一式一樣.
要達到A+水平就要運用埋修辭技巧同想像力, 例如明喻, 借喻, 擬人, 聯想, 誇飾, 形聲, 倒敘, 對話等. 少閱讀係好難做到.
仲有好多人唔為意的兩點: planning and time limit.
Planning可以避免離題及組織混亂. 小朋友四歲半開始寫只有幾句的簡單日記時, 我教佢先想好內容要寫什麼, 從而訓練組織同篩選能力. 到六歲就以brainstorm形式寫低keywords作planning. 現在九歲半就加埋思考運用什麼figurative language.
限時都好重要. 考試開頭寫到天花龍鳳, 但唔夠時間冇左最後一part都係唔掂. 而家佢做法係planning (10 mins), writing (35 mins), edit (5 mins).
3個讚
咁啱，我仔寫故事都係主角一開場就死咗，之後就講番數年前太空侵略地球，主角殺死咗敵方一個主將，埋下復仇之伏線⋯⋯
但更轉折嘅係主角喺中段係有返生（使用「復活功能」），但最後都俾另一人殺死。
情節緊張到我都不停追
1個讚
我都覺得一定多睇書，唔好限佢睇咩書，等佢培養左興趣先
1個讚
講起free writing, 有無諗過將睇過既中文書腦中翻譯成英文寫出黎呢？起碼唔使度橋，但要有詞彙同句式support, 但都好過憑空諗，叫應付左學校先。
1個讚
試下用mind map，好多老師都係教小朋友用mind map去創作
該主題在最後一個回覆創建後180天后自動關閉。不再允許新的回覆。