我都係咁教我小朋友，一定眼望遠方。
同埋握住個單車手把要隱，唔好fing 嚟fing去，因為個車頭左搖右擺就會好易失平衡就跌。
以前10靚碎，阿姨西貢有屋，暑假成班阿姨入去玩。有一朝早，其中一個阿姨帶我食早餐，有個公園仔有單車租，阿姨租咗㗎過我玩，其實我係唔識踩，佢就去廁所之類行開咗，我一個人亂咁舞，突然有吓我好大力踩個踏㗎車向前冲，再放埋另一隻腳上另一個踏，踩咗一小段路，重覆咁做，再試轉灣。咁就叫上度架車喇。阿姨之後成日帶我去沙田單車公園踩大地場，之後再出單車徑，我就係咁正式學識咗。就算依家十年八年無踩，一上返車好快就會熟習返。總結，要坐上車揾個小人嘅地方，用感覺去自然反射去學上車，先直路再學轉灣，一步步細場轉大場。
我係30歲嗰時學嘅（經驗只係細個踏有輔助碌嗰啲，就算大咗同朋友出去玩，都係租啲有輔助碌嘅大人單車
好醜怪）。
其實重點就係唔驚得咁多，同埋睇你決心係幾大。
我係一向都運動好差嘅人，嗰時準備去旅行，好想體驗下在當地踏單車，咁就迫自己要面對喇，下定決心一定要識。
因為我好驚啲大碌單車，感覺好離地咁，老公就特登買咗部淑女單車俾我（啲碌細啲／架車輕巧啲車身無咁高咁），上車無咁驚。如果你有需要，可以買埋保護裝備。
練習地點都緊要，我喺屋企附近一個無乜人嘅球場，夠大同無人，咁就唔怕整到人無咁大壓力（一有人喺側邊或者去啲窄路會驚撞到人／驚撞），然後就係博命練就得咗（上車向前望遠方踏踏踏，重重覆覆）。
該主題在最後一個回覆創建後180天后自動關閉。不再允許新的回覆。