唔好諗咁多，繼續揾
3個讚
傻，人生點會一帆風順，你諗返當初移民嘅原因，堅持落去，唔好咁易比打倒，唔好衰比柒婆同比卡超睇
上天有時會考驗人嘅意志，而家就係咁，好多香港人同你一樣有苦頭有難受嘅時刻，我都係，你睇個個話生活得好，其實我相信唔係，但每個人努力求存本身都係一個寶貴經驗
唔好放棄，一齊同行
5個讚
為左細路先堅持落去 冇辦法掉低佢地自己返香港
已經清潔工倉好多嘢都肯做 唔知係唔好彩定點
1個讚
我睇沈旭輝老婆編輯嗰本書，有個哈佛畢業生單親媽媽帶仔嚟英國，做carer，連廁所都洗，you are not alone
靠自己勞動養活自己及家人，唔偷唔搶，吃得苦中苦，方為人上人
職業無分貴賤，冇錢就要做㗎啦
但係咪人人都真係頂得順？就算放低到身段，唔等於捱得到㗎
捱唔到又好正常，唔洗覺得捱唔到好懦弱自己好廢
1個讚
係冇得做唔係唔肯做 一係公司倒閉一係 cut 人
有工返嘅人唔會明 但唔好認為係其他人一定係唔肯做唔肯捱
1個讚
當唔好彩。
藍領唔易，特別 agency 工，成日唔比人請假。屋企有事唔返一日第日已唔叫你返
做慢少少又唔使返，明明有 d 阿婆阿伯重慢，東歐人係到傾計
office 好多人好懶散，做倉會好快？唔明乜準則
1個讚
我都聽過，唔知點解咁harsh 咁易炒人，但留喺度嗰啲又唔見得好
當然啦，你唔好誤會，我唔係咁嘅意思
點會唔明，移民係所有野reset, 外國經濟唔好，成日裁員，我公司都係咁，人心惶惶，士氣好低。
我唔覺呢度有人咁講野，如果現實識呢啲人就最好遠離。
我比唔到咩搵工意見你，但我好信吸引力法則，你越係唔開心，越覺得後悔，只會越將自己推去最壞方向（aka你設想嘅結局）。每日一定要搵啲嘢分散自己注意力，半粒鐘都好。我好認同倪匡睇法，解決煩惱只有一個方法，就係唔好諗，你日日都諗好易出事
1個讚
倉一條line 30個人，一日唔比兩個人請假。有 d倉
又唔比帶電話
文職一條line 好多時十個八個，一到放假季節就大把人請假, 撞曬假
返早返遲去湊仔又得
真係有事點算？越低層越難請假
聽得多好 sad
1個讚
有啲倉個制度就好啲，留到人，有啲就擺明係唔憂冇人，對啲員工差到不得了
可能係 agent 衰，費事煩。反正唔憂冇人
唔尊重人，當人係機器。唔明點解文職同非文職待遇可以差咁遠
1個讚
係啦，好sad
可能 office 多白人，自己人，所以好 d 掛？
其實工廠又好，office又好，正常都唔會想人來人去
如果係香港，經常性人來人去，公司都會鬧個阿頭 / 換 agencies.
唔知呢道 d 人諗乜。
1個讚
以為英國藍領易搵, 原來唔係
要湊小朋友已經返通宵更 返左幾個月都冇請過假
工作速度亦唔算比其他人慢 但都無端端被人炒
唔知自己重做得咩 好多嘢忍住唔敢同人講
突然諗起細個屋企人都返工廠，70s, 80s, 做到 90s 工廠搬返大陸先冇得做。係辛苦，要早出晚歸，但穩定。
如果已經捱左幾年就捱埋佢，等細路入左藉，自己都係唔想係呢邊，香港又揾到工嘅可以自己返去
我自己睇即使未必揾得返以前人工同侍遇，但勤力肯做嘅，兩三萬應該重揾到。重有地方住嘅，諗得過
1個讚
有時唔係員工問題，係根本性供求問題，點解佢要agency做外判就知
唔關供求事，agency 工可以隨時炒 cut鍾，又唔使自己請 hr 理，打個電話搞掂。
多嘢做叫你返，冇嘢做就返左黎都叫你走。幾著數
要有親生仔只係防比人一鑊撬起
係老闆都識諗