走唔到心情唔好就諗下香港有咩好，仲有嘅，留意小事唔好諗政治
我呢啲走咗見到香港咁都好難受，好似忽肉冇咗咁，唯有唔好成日睇新聞
睇完移民group d post會多D正能量, 世界係美好, 哈哈哈
1個讚
淨係諗香港嘅咖啡都贏英國九十條街，諗小事，唔好諗大格局，做小確幸嘅人，盡做
心情好先reach out 出去睇下仲有咩可以做，去膳心同瑪哪食飯，去一拳聽個talk，去西貢造訪下神話書店，去素年食個tea，沉浸住香港人嘅美好
其實我羨慕做到呢啲嘢嘅人
1個讚
唔好睇太多, 第日返黎探下親就得喇
2個讚
你睇香港幾多有趣嘅人，佢哋都好愛香港
3個讚
多謝介紹
1個讚
好鍾意你呢句，係由好方面去諗，而唔係諗度度都有難捱嘅地方
2個讚
多謝你，每日睇少少啫而家
我‘’回流‘’幾次都覺得香港還可以，最好笑我有個英國朋友，老人家嚟，單身，佢喺香港住咗四十年，而家夏天喺英國，冬天返香港，各半年，我同佢食飯時佢話：乜有地方好得過香港咩？冇，到2024年佢都深信不疑
佢話佢一世係港女
1個讚
因為生活要過，你哋聽NHS一定覺得正，但我病足兩星期不知幾掛住當年香港嘅家庭醫生
我見到呢度英文已經進化到they(唔用 he she因為唔想性別定型，themself as a singular pronoun遲早入字典) 火都起埋
各有各好嘅真係
1個讚
移民一樣要面對好多問題，你見網上大多數人都係post啲好嘢，去遊玩飲飲食食等，唔代表佢地一定係生活得開心，可能只係報喜不報憂
雖然比我再揀多次都會揀移英，不過香港係生活上嘅方便同多元性真係完勝英國
2個讚
靜左好一陣要啦嚟啦
移英嘅睇香港新聞都睇到抑鬱，更何況你身處其中
如果真係頂唔順就唞下先，做自己喜歡嘅事，舒緩下
如果想走就積極D準備，不過係兩邊內心都要強大，英國都唔係天堂，好似今日返工差一個站就到公司，點知班車話停就停，好彩識轉車同有其他車可以轉，準時返到公司9點開會，好多嘢適應咗就好啲。英國搵得少D稅又多D都考你點處理。
4個讚
一定啦，否則又會被網媒攞嚟做大做文章。
其實真正落實移民好多時都係一剎那既「衝動」決定，咁當然之前都要做定資料蒐集，但係愈拖既話其實仲愈唔肯走，因為你會擔心係咪有嘢仲未諗清楚/計劃好。但其實係香港，係咪一切嘢都如你所願？怕係英國搵唔到嘢做，咁香港份工係咪一定保得住？天氣、食物唔通應？香港愈來愈熱、出街食嘢又貴又唔好食，真係接受到？我黎咗一段時間，仍然有未適應既地方，但我同自己講，無得下下都比較，有得就有失，balance 到已經好好，繼續發掘新地方既優點，就會更快適應到
4個讚
習慣同唔習慣嘅問題
條數計唔掂，係指一開頭嘅nhs，租屋，買車呢d數？定之後嘅月入不能夠應付開支？
適應係好個人嘅事，唔適應有抑鬱當時人都唔想，我都聽過有人病情太嚴重要真回流，可能有自殺傾向都未定
你計清楚條數，得就走，唔得一樣要生活，活在當下，抓緊生活嘅美好，始終唔係打仗時期，唔好太負面
呢邊都有難頂嘅地方，一樣要頂；隧道盡頭係光明，行嘅時候係好黑暗，但我哋呢度每人拖住手行，起碼唔會仆街先
1個讚
去英國之後收入！
不過香港份工都唔知頂到幾耐, 幾個新同事都係高材通, 真係受不了！
係, connet到先
而唔係大家睇大家唔順眼, 困獸鬥
一齊笑個政權最齊心，其餘啲咩嘈交好小事，過咗去就冇嘢
佢哋係真係有料既專材，還是靠關係搵到工？