由頭到尾，都冇人講話睇state school唔上眼，唔知你係邊度理解出來
如果係一間好差嘅state school，我相信就算唔係讀開直私嘅都睇唔上眼啦
你洗唔洗睇返自己同2a會員嘅留言呀？
咁你問下佢地有船讀好既私校同grammar係咪都會繼續守住state school
三樣無條件任佢地揀，邊樣咪係心目中最好囉
有人講過state school is the best咩？咩logic先得出呢個conclusion?
我話香港學校平均好過state school平均
你唔認同，覺得state school都有好，又講課程優秀過香港，
咁總有少數好㗎，實行上仲要做得到又少一大截，呢啲就係以偏概全
我有提過state school課程好好咩？你睇返上面留言先comment
我針對係你句讀開直資名校接受唔同state schools, 咁我識嘅實際唔係咁囉
本post係講英國學校問題
你覺得冇問題咪得囉
當然你可以發聲講自己體驗過好好，但唔好指責人地討論學校有缺點就係踩你既選擇
請你再睇多次我所有留言，我無提過踩字，我不嬲都話大家觀點角度經驗不同
咁我撈亂左人就講聲對唔住啦
2個讚
冇嘢啦，笑下就冇事，起碼大家認識多咗state schools 
私校、grammar、state一向各有支持者，唔一定有錢成績好考得入就必定揀私校同grammar
我唔算識得人多，但咁岩識到有香港及local佢地都係有經濟能力，佢地嘅仔女有私校/grammar offer，亦同時派到好state school，有人揀咗私校，有人揀咗grammar，有人揀咗state，話有能力嘅就必定會揀私校同grammar，呢個說法實在太以偏概全
新聞有報道近年Oxbridge收生，收state學生嘅比例有上升趨勢，所以唔一定係私校出身先會有好成績同好前途
1個讚
我自己係區內一間中學工作，呢間口碑校風都一般，學生有乖有曳，有好老師亦有hea教老師
佢gcse同A level每年都出到成績好好嘅學生，每年都有學生入到oxbridge同Russell group大學，其實去到高中，學習都係靠自律，有心讀一樣會有好成績好出路
私校成績average好過state，主要原因係收生時已揀了學生，中途讀唔掂嘅會叫你退學，私校家長都比較睇重成績，學生不少都會外加補習，同香港私校直資一樣，出到好成績係關學生家長努力事，多過關間學校老師能力事
2個讚
係，不過私立學生佔總人口好少，就算牛劍收公私比例到八比二，都係私立容易入牛劍
又，係咪一定要牛劍先？多數人都係成績幾好入到Russell就收貨，咁私立一定再更加易做到
上到中學，阿媽冇得逼
朋輩點影響你緊要啲
我冇話過有錢一定揀私校呀
我叫人問心自己揀，揀邊間就係你自己覺最好
答案都唔洗講我知，因唔關我事
我諗唔好入到最差果間學校、普通學校入成績好啲果班、大家都有心讀書唔係搗蛋就得啦
1個讚
最後入到一二線大學嘅嗰批咪又係勁谷死谷，點會有happy school 入到勁U嘅道理？只係呢度唔會覺得入唔到U=失敗
朋友個女讀私校，中學，啲測驗考試多過香港，星期六都要返去測驗
所以要講清楚究竟你哋點為之好嘅教育制度，小學就個個家長見細路happy冇功課當然好，到中學你想佢入大學，點可以日日冇功課然後直入U?
1個讚
因才施教啦，有d 小朋友可能真係無讀書緣嘅，家長死谷佢係咪一定谷到呢？就算谷到，係因為父母想佢咁？定個小朋友想咁呢？咁死谷個仔女入私校、grammar school 對佢又係咪一定叫好呢？
3個讚
香港入唔到 u 都唔等於失敗，做裝修水喉電一樣揾好多。好多老闆都係咁出身。
唔理做乜，幾錢人工，係要入寫字樓坐係到做就要 degree, master
身邊唔少例子由細谷到大，幼小讀 IS, 名校，F1 已經去boarding。UK top 個兩間大學畢業，畢業返香港做工程師，醫生，高層公務員。谷到奶力都出埋，使左唔知幾多百萬。
但一樣大把人係香港讀大學都做到工程師，醫生。d特首全部都香港嘅大學畢業㖭，冇外國返來做公務員嘅高級過佢地啦
識個香港裝修師父仔，由 1x 歲學師，見佢初初跟人做裝修，係到剷下剷下比人鬧，到做老闆。
到幫大型連鎖公司做裝修，全部 shops 比晒佢做. n 年前樓都 1x 層。幫佢做會計個個係係外國返來的會計師
1個讚