你啲諗法成個單親媽咁。以為個仔係自己私有財產。
完全同意
個仔你老公都有份，佢係有權帶佢返家鄉。咁樣唔俾人做係自私。我睇你啲理由（咩驚受傷）未必會發生。
阿嫲點樣錫唔錫個孫，點樣同人哋互動，你冇權逼人哋點。亦都唔可以因為咁樣就禁止人哋帶個仔去出邊。
2個讚
其實我覺得個孫仔哽親有爸爸媽媽係隔離，自己唔理咁都幾好啊，唔通三個人圍住個孫仔人多手腳亂咩。
如果有哩啲情況發生係我身上，我情願我奶奶/我媽咪好似樓主奶奶咁，好過係咁係隔離加把口又幫唔到手
4個讚
傾下唔好返得咁密，但唔返又講唔通
我會諗係咪有前科
所以樓主先擔心個仔受傷
因為我真心試過
不過覺得5歲後可試下放手一次
大家試完
如果出黎效果差
咪無下次
如果可接受
試下間中一次
2個讚
如果你老公係外國人，咁呢個係文化問題，外國人對孫嘅方式同中國人唔同，你將中國人嘅文化套落外國人身上已經錯哂
多謝各位有建設性的回覆， 以及冷嘲熱諷。
個仔兩歲半， 我問過其他有同年紀小朋友的媽媽， 會否放心比老公一個人帶去飛兩個星期去第二度，絕大部份答案都是不會。 我老公不是神隊友， 之前試過因大意疏忽令個B受傷。 他不是有心，不能怪他， 但我明知他的能力不到而讓他照顧這麼長時間， 最後個仔受傷的話，那便是我沒有盡保護他的責任， 難辭其咎。
大家睇得電視劇太多，唔好先假設新抱一定憎奶奶。 我對佢無乜感覺， 大家客客氣氣。 我唔會覺得嬤嬤一定要錫個孫， 正如唔係個個父母都一定愛子女， 這是個人選擇， 無對錯。 但如果你對個孫咁冷漠的話， 我唔認為見孫對你的意義大到值得一家花大量金錢時間每年「隊」個孫要你見。 純粹價值跟成本的考慮。 好似過年有D親戚明明大家都唔想見對方， 但又年年迫住見， 因為係「親戚」， 為乜？ 老公自己番去已經可以。
我同老公傾完， 佢都感覺到佢啊媽嘅冷淡。 但責任問題， 佢覺得就算係咁都要每年一見。 看在老公份上， 去一星期，他負責所有機票，當完左件事，餘下年假plan family trip。
講完以上預左再比人插， 但講完之後，我的思路/ prioriy比之前更清晰。 小朋友的安全淩駕一切。 咁大個人，亦唔想再委屈自己，日日做9/ 10個鐘做到隻積咁，年假是得來不易的。
6個讚
親，乜嘢係嬤嬤。
呢啲就係好多回應所講嘅身教，希望你仔女學到
2個讚
只不過係你唔想用時間同金錢去entertain一個你冇好感嘅人, 冇謂用小朋友安全做藉口
anyway都冇咩對錯嘅, 你兩公婆自己ok就ok
4個讚
想圍爐一早講明嘛，等大家打少幾隻字
介紹你一個更適合嘅地方：親子王國嘅婆媳版
9個讚
會唔會考慮唔比佢返學出街？大個唔比佢過馬路，咁一定安全啲
1個讚
樓主西到
1個讚
其實熱情冷淡都係睇個人性格既啫。 佢平時同個仔分開咁遠咁耐都應該係啲比較‘independent’ 既人，你用你自己爸爸咩眼神咩行為去比較，都係你自己演繹。 加上你爸爸一定同個小朋友熟過奶奶同小朋友。
你話你老公能力不到，希望你去既一星期唔好不停咁搵位入佢黎証明自己岩啦。
3個讚
你地兩公婆有共識就好, 本來老公想過去兩個星期, 宜家減到一個星期, 老公都有好大讓步
2個讚
近3歲我覺得唔算太細個，new born 可能就驚d。咁過2年呢，5,6歲呢？你老公如果肯每年帶，你又係咪真係ok ？
如果係我，要我每年用哂年假黎應酬奶奶我都唔想，但如果老公自己帶仔女去，我就完全無所謂。
最重要你哋有商量，都算一人讓一步吖
你唔放心老公同小朋友去咁耐，但都願意俾佢哋去一個星期都好好喇
1個讚
我又唔覺得樓主好有問題。咁有時間就當然係想同自己屋企人加個仔去玩架啦。不過可能佢用個仔安全為理由其他人唔buy。
我都唔會想用年假去見唔熟既人，有假放都想同老公/仔去玩，唔想佢哋自己飛咗去。一次半次無所謂，但唔係每年既全部日子。
宜家個trip縮短咗都叫做一個折衷嘅辦法。可以飛到去安排多啲一家三口既活動。
我覺得兩個人相處都無得話要就哂一方架啦，宜家一人讓一步，大家都妥協左咪好。
7個讚
多口講句，預左俾人話，但我認為自己點同父母相處，未必等如仔女同你未來點相處。
見過太多例子，就唔一一詳細講了。呢個唔係必然既關係。
反而你而家點同仔女相處，先影響到未來既關係。
3個讚
一年先去一次, 叫你老公帶你哋出去玩. 唔好成日喺屋企困獸鬥