呢個家嫂好難服侍。
By the way，孫就梗係用嚟曬命架啦，照顧佢係佢父母責任，唔係袓父母輩嘅責任。
10個讚
每年返一次，真係一D都唔過份。
1個讚
我都覺得我老公嘅孝心值得讚賞。
其實如果佢對個孫好，我不介意每年飛過去。 我不知道我表達得清唔清楚， 但兩個禮拜以來， 我觀察到的是， 似係有錢佬娶左個花瓶老婆，出去見朋友時曬恩愛， 返到屋企對個老婆不聞不問，如同陌路人一樣，令我對佢嘅虛假同冷漠很失望。
我從來冇期望佢會照顧個孫。我自己爸爸年紀大，一路以嚟都冇幫手照顧過我個仔，但我喺佢望住我仔嘅眼神同行為可以感受到佢愛惜個孫。呢樣嘢係佢阿媽身上完全見唔到。 令我覺得每年花一大筆錢同所有年假去探佢係咪值得？
不過都多謝各位意見。
咁你咪唔好去，個老公自己同個仔去囉
5個讚
你話你奶奶晌外國住，即係無辦法時時見到面啦（最多視像吓咁），咁個關係疏離啲我又覺得好正常喎。
而家仲有個嫌三嫌四、從中作梗，自己唔去睇吓佢都算，連個仔想帶個孫一年番去睇吓一次都咁多嗲嘅新抱；佢就算想同個孫建立關係都難。
2個讚
個仔唔係你私有財產、做人要公平啲、你一年都唔見一次自己屋企人得唔得？佢太熱情要日日FaceTime 你又頂唔頂到、客客氣氣一年一次真係搵唔到拒絕理由
1個讚
我相信到你奶奶好親你個仔果時你又會睇唔過眼 總之就佢做咩都錯
5個讚
如果你唔想「嘥」咗你嘅年假，咁咪俾老公自己帶個仔去探親，你另外安排時間同佢去enjoy親子時間。
個仔你同老公都有份，換轉响美國嘅係你父母，你老公好似你而家咁諗，你會有咩反應。
你又唔係同男家反咗面，將心比心，你自己唔一齊去，你老公一個搞得掂咪俾佢去囉
你問下個仔想唔想囉
跳出框框，不如問吓小朋友自己想唔想去？
佢想去嘅你就交佢比你老公照顧
你留喺香港
照顧小朋友嘅辛苦等佢自己感受吓
2個讚
咁啱嘅，我都係啱啱覆樓主叫佢問吓小朋友
2個讚
繼續型落去，堅持到底永不。要見個孫躝返來見
呢類阿媽一定有辦法manipulate個仔親口出聲話唔想去，不停講返到去嫲嫲唔理你/唔同你玩/去到好悶/兩星期無媽媽/坐長途飛機好辛苦blah blah blah，總有辦法嚇到個仔見鬼咁驚唔唔想去。
叫個3歲小朋友揀，即係阿媽揀啫！
8個讚
係囉，個爸爸呢？
咁你老公飛過去，佢都有同仔嘅愉快回憶啫，個仔唔係你獨有。
我個女都係3歲，但我問佢去唔去姨媽度搵表姐玩，佢成日都no我話要留喺屋企
我自己都有2個小朋友，佢地細個時我想控制佢地諗法嘅話，自然會控制到，睇下要落幾多咀頭嘅啫。當然我無乜所謂個啲，佢地會有完全嘅自由。
2個讚
正啊，好彩依度啲意見都正常。
既然老公都話自己帶，俾我咪由老公帶小朋友去囉，宜啲係佢地回憶嚟。
如果樓主唔係自私，就係on居囉
就算係香港、就算阿媽24小時貼身照顧，都有機會受傷架啦，如果用依個理由阻止個仔同親人見面，講出嚟都驚俾人笑。
唔知樓主小朋友幾大？返學爸爸媽媽唔喺身邊，咁樓主咪日日都好擔心囉？睇下淘寶有冇保護罩賣啦，淘返個嚟笠住個仔喺屋企都好喎。
3個讚
確實係唔會想浪費年假，呢點我又明。我會叫老公自己帶小朋友去探，完全唔俾佢地探又真係自私左。
不過咁，講真你老公試過一次自己由hk->美國，之後2星期日日湊仔，佢自己都可能冇下次。
如果佢逼我我一定要都跟埋去，我都會反感。
2個讚
個仔有一半係個老公嘅，完
由得佢哋自己去，最多兩年join一次，每年去冇晒我啲大假，我真係唔會囉，話我自私都咁話
其實真係想見咪視像囉，一年對得嗰10日都唔會有咩感情可言。
大佬又唔係老公養唔使做，又唔係有40日大假，我係徐子淇咁梗係冇所謂，個個月飛都仲得。
我啲假期梗係留返做我想做嘅嘢，總之我唔阻人親子樂，相反你都唔好阻我。
唔覺得有咩自私。