好彩愛迪生唔係好似你咁講，求其打份工過到活就算，如果唔係今日我哋都冇燈用
邊個同你講咁大整古呀
1個讚
所以以下呢兩句響職場好啱聽
IQ gets you hired
EQ gets you promoted
3個讚
我同阿仔有睇 Young Sheldon
係一套Netflix劇，主角Sheldon係一個天才但係性格麻煩，父母老師都怕咗佢
我知道自己同個仔係有唔同領會
我自己始終羨慕聰明嘅人，亦覺得鐘意讀書無問題（我都曾經係高材生）
我仔係同佢啲friend講Sheldon係nerd中之nerd，睇佢唔起～
不過21世紀其實需要nerd定係需要socializing genius，我都唔知…
1個讚
我老公成日投訴我唔肯教佢英文
原因係我唔鐘意解釋亦唔識解釋
樣樣嘢要講到咁detail，蚊都瞓～
1個讚
咁當然總有例外，但你可以問IQ高，高才生，佢地都會選擇隱定嘅生活。你問佢點解唔去冒險佢地反而問番你點解我要選擇去冒險？打份工有穩定收入退咗休又唔休無錢佢地心入面根本已經一早計好晒數。
就正如IQ162個男仔佢大咗都只係想做一個世上最好的心臟科醫生。
1個讚
唔明你講要冒險係咩意思
但就正如你講，如果個男仔冇IQ162，佢又點去做世界上最好嘅心臟科醫生先？
你覺得天才都係平凡人，都係打份工，但普通人做工嘅工好多人都做到，但天才先做到嘅工，就只有少數嘅天才先做得嚟
同埋唔係自己開公司老細、發達賺大錢先為之成功，唔係所有人嘅人生目標都係咁膚淺嘅，點樣運用到自己嘅天賦先係重點
當年曾經有一個補習學生，找了一個好聰明的人幫自己補習，聰明人一見到數學題，就已經直接出答案，不能理解個學生仔為何會不懂，結果幫不到他。到我接手，我逐個步驟教，他的成績反而進步了不少。最後，我直接對學生仔說，祇有笨蛋才會明白笨蛋，因為你錯過的我也可能錯過，你之前簡直是浪費時間。（我們三個是好熟的親友）
1個讚
事實如此，
1個讚
有咩幸福得過做一個平凡人丫～
1個讚
仲有一項就係⋯⋯好奇心、探索精神、創作力。
好多人都有㗎，
1個讚
不能同意更多, 做野遇著同事EQ 低但自以為好醒, 好難頂
1個讚
諗起我同阿妹中學都有幫人補習
我長期天才波，去到先睇下人哋有咩唔識
我妹day 1開始就整教材
但最諷刺嘅係，我人工高過佢，又多學生過佢（因為我成績好啲）
1個讚
補習會整教材？妹妹好認真喔。
某些家長一向迷信名校生、名校老師教得好，但我中學時有一名老師曾就讀超級神校，我們上堂時差不多零教學。有同學去投訴，得到的回應是：該老師很聰明，一向靠自修，如果我唔留佢在學校，佢去第二度一定會俾人炒。
1個讚
IQ夠用就得，我覺得最緊要EQ高。
3個讚
該主題在最後一個回覆創建後180天后自動關閉。不再允許新的回覆。