多d出去玩下行下，先嚟得幾年，大把新鮮感，點會咁快生活精神冇寄托？
冇資金問題同冇嘢做嘅，每日起身諗下去邊食或者去邊買嘢，都可以好多地方去。d butcher 都好多嘢講
一月餐廳商場好多減價，周圍食下睇下買下，好快又4月復活節。
唔好成日呢係屋企，行黎行去都係屋企附近，就梗係悶
好多男人鍾意車，淨係揸車uk都大把地方可以日日揸，好爽
我覺得睇心態，有啲人乜嘢都唔滿意就去天堂都痛苦嘅
7個讚
係 uk要為生計工作嘅，一般係 hk都要為生計工作。
兩邊工作都會有唔開心
唔通佢地原本諗住黎 uk 就唔使工作或者uk工作會好開心？
工作開唔開心主要睇自己點諗同遇到咩人
有錢+唔返工會悶的人好神奇
1個讚
住得一兩年，又去左好多歐洲國家玩又成日去 london，都悶，應該會開始揾玩具
見 d男人會買車玩車
如果先住三幾年就冇積神寄托，咁係香港住左幾十年又冇做嘢個 d點算？
就算煮飯，如果真係要買齊自己想要嘅牌子同嘢食，要揸車去幾個地方買，計每個地方20mins左右車程，分分鍾用左半日。返到屋企已經煮唔切
反而覺得係到，出親街，就算揸車，時間都唔夠用咁。
識一個 5x歲黎 uk退休嘅男人，以前係香港開公司，應該係幾(好) 揾到錢嘅行業。
佢黎到做義工，每星期同幾個學生補習。上堂時好開心好多笑容，勁多嘢講。
改功課勁快，義工當正職做，日日提/追家長要交功課要 upload，要 prepare默書考試
玩車，煮野食，做義工教書。。。乜都好，精神寄託同興趣就係咁揾返嚟
2個讚
都係, 成日奄尖腥悶去邊都唔開心. 黎到英國就話交通唔方便同凍, 返到香港就話人多車多天氣濕熱, 真難服侍
4個讚
識好多都唔揾工，係HK返工幾廿年已經好辛苦，所以來到就提早退休。雖然唔返工，但佢哋都好忙。每日有不同的活動，去做gym 、游水、打羽毛球、乒乓波、英文班、cooking class 、教會、義工…。
我同老公都未揾工，來左UK剛1年，除左玩以上活動，最近去學埋油畫。成日唔係屋企，仲忙過返緊學既女，佢都問我地有冇咁忙呀！?
1個讚
我留言完全冇講過唔返工等於冇寄托喎
唔明點解跳晒製咁大反應
可能係表達問題
對，經濟充裕好少揾唔到精神寄托
至多情緒病
又咁講, 有D人係香港既生活/朋友 全部同工作有關, 一離開左就好似失去方向咁, 無左寄託. 呢樣野其實佢地係香港退休後都會發生, 只不過未殺到埋身所以未有感覺, 但移民就唔同, 即時無寄託, 係有D難頂
3個讚
住耐左，呢邊好多野玩食睇
如果因為揾唔到精神寄托而導致外表衰老，最簡不如去做下 facial，保養到自己又可消磨時間
呢邊 facial 都好舒服，但冇針清。有少少針清會乾淨d
再唔係，打電話返香港同 friends傾計。發現係香港嘅退休人士，其實好多時間同 overseas嘅人傾計。
大把人話uk d嘢唔啱玩嘛
所以要尋找屬於自己嘅樂趣
其實香港人係香港都係食玩買同旅行啫，呢邊一樣有同等樂趣。
我直頭懶到有大間超市唔去，專去細間
唔想買袋麵包入到去又要行咁多路
喺度我覺得每日做一件事就啱啱好喇，無再好似喺香港時咁成日multitask，會好攰。
2個讚
係呀，有工返，有寄托，唔駛返得多 返下part time 都好
除了經濟情況,悶唔悶都好睇個人性格, 內向又無個人興趣既人,無論係邊度生活都會覺得悶.
但真係內向嘅人應該唔會覺悶架嘛？？
我又諗起另一post 我講機場接送果單嘢
原來機場接送又唔包delay，即刻覺得call uber現價抵好多
1個讚