佢老公辛苦工搵得應該都多,但駛錢就變左窮中產,我FD無份工做得長反而一年去幾次日本
雖然話旅行唔係必須品,但私校都唔係一定要讀 
搵錢果個無得駛錢,會無曬動力架
2個讚
窮中產係自己選擇嚟。如果只係加息就要幾年冇得去旅行，本身家庭財政都唔係太穩健，所以真係無謂要夾硬頂啲學費。
2個讚
我會比大仔去考咗先、又唔一定考得入
同埋你唔介意唔去旅行、但你先生可以睇法係唔趁後生去唔通老咗周身骨痛先周圍去？我覺得要企喺對方果邊諗下。
唔好用「你唔肯為小朋友犧牲」、「你冇為小朋友諗你唔錫小朋友」、「你淨係掛住玩唔諗小朋友教育」
又或者？你會唔會考慮揾一份「人工高又有壓力」嘅工去分擔多啲家庭支出？
8個讚
以前有個前輩講過一句名言我好認同, 永遠記住同你白頭到老嘅係你另一半, 而唔係仔女
11個讚
贊成。有時「無條件的愛」先最令身邊人有壓力。
1個讚
我反而覺得不如兩個小朋友都報過第三間學校啦,
嗰間直資咁多功課, 樓主以仔女行先性格(我唔係話咁係錯), 到時要跟功課的話, 佢一定會辭左份工, 到時得老公一個搵錢壓力仲大
我自己睇法係
樓主老公都係錫頭家，佢有咁嘅要求
咪順下佢意做左先，可能最後都係唔得
但樓主老公心情會舒服啲
呢傢係冇錢去旅行（講緊一年去四次），唔係冇錢開飯，其實如果只係旅行，其他地方開源節流應該都有辦法「吱」一個旅行出嚟掛（如果真係咁想去）
同埋樓主既然「唔介意捱下」真係可以諗下轉一份辛苦又揾到錢嘅工，咁咪可以分擔下經濟問題
哥哥私校係龍校?
細佬有哥哥私校同直資OFFER? 直資係龍校?
如果兩間都係龍校，無呈分壓力，就睇兩兄弟想唔想一齊讀同一間學校，仲有家庭經濟。
我諗你地都有一定人生歷練，唔係初出茅廬嘅年輕人，你老公講得呢一句相信佢壓力已經臨界
個人經驗，女人睇嘢偏向單方面窄角度，男人比較理性同全面，係睇大局同平衡
我會傾向信男人個諗法
或者最少俾細嗰個開始讀直資先，經濟壓力可得舒緩，家庭一樣開心。否則你老公壓力爆煲有情緒病，你一家有排捱（唔好介意我講得咁白）
細嗰個係自己考到直資，可同佢講你好叻考到咁好嘅學校，收得你代表你讀到，功課多係提升你能力嘅訓練
大嗰個轉校不急於一時，你老公也要明白唔係話轉就轉到的，同小朋友就解釋呢間學校都好好，慳咗學費可去多啲旅行
最緊要你自己要說服自己接受以上決定，唔好好似怨婦咁怪個老公唔俾小朋友讀私校，老公俾老婆怨只會更大壓力，對家庭唔好
恕我坦白，可能忠言逆耳，請諒
9個讚
希望樓主正視呢個問題，如果佢頂唔順爆煲，到時你兩個小朋友生活點算？
1個讚
成家係咪好耐無去過旅行？帶小朋友去旅行仲辛苦過乜，唔係2支公個隻爽ga wo!
爸爸係咪好耐無享受過？如果佢咁樣出聲，我會用我saving 請佢去一個7日外地旅行，佢一個人飛，比佢放非自我輕鬆心情。所有野返黎再講。
如果放鬆完，佢都係覺得有經濟壓力想轉，就好好地傾點轉係好。例如媽媽增加收入，佢搵方法減壓等。望人地生活好其實好表面，津校考呈分叫救命你聽到？功課做到夜一夜你見到？一線津由小一鬥到小六，平均分計到小數點後2個位，你跟到？
轉校其實我唔建議。當初揀得呢2間唔揀津一定有原因，勿忘初心。加上大仔讀得好，好地地又轉，原因係因為屋企無錢去旅行，聽落都好奇怪。佢亦唔係一轉就一定適應到，如果成績差左邊個埋單？
我2個小朋友都係讀直私，明顯同津校有分別先死考爛考考返黎。其實小朋友慾望唔大，去唔到個遠旅行咩去個近既，一家人住下酒店玩下都已經好開心。
同埋我唔覺得，去唔到旅行就係捱，攪笑，真係好香港人。
6個讚
我估旅行其實只係例子, 唔係真係因為無得去旅行… 只係一啲唔算好大開支都要計過度過, 自己賺唔少, 但又硬係無乜錢可以洗咁…
問題係本身一個讀小學, 爸爸都仲頂到, 宜家黎緊2個, 佢感覺開始頂唔落去…(一頂仲要頂十幾年)…做得辛苦但又唔可以辭職
8個讚
呢句都不無道理，佢角度去旅行係增廣見聞，唔係純玩
你都要講得服佢點解讀私校比增廣見聞更重要
講埋係邊兩間直私先俾到意見你值唔值喎
換一個搵更多錢嘅老公或自己搵錢俾學費
樓主當日考私立原因係乜嘢？已經預計到學費會每年加及交十多年，還有補習費等。不過，真係要睇吓用邊間私立和邊間直資先可以比較到。因為私立學校可以闊至蔡繼有，聖士提反等等，幾好嘅直資是指男拔，聖保羅？咁樣，我傾向揀轉
1個讚
我覺得睇餸食飯，迫到個老公癲左去換一個unknown嘅未來係painful
3個讚
如果而家轉間平D既直資甚至津校（假設會收），到時小朋友成績未如樓主所想，可能又會怨老公喎。解決方法真係樓主去搵份高人工既工
小學已經咁煩，到中學點算？啲開支仲牙赤。