人地真係會知得咁details同計得咁足？自己搵幾多賺幾多使幾多真係有需要揚開去先叫有霸氣？
其實同99距離拉遠d就夠架啦，就算佢要背後講你，聽唔到就當無架啦。
講d好笑野。一年前某日食飯，99話佢朋友個女做國際律師賺好多錢，個老公又賺好多錢，個孫又讀富貴學校，幾個國家住來住去都好多公司爭住請云云，嘩好叻呀好勁呀好有錢呀嘩嘩嘩。
一年後又食飯，99update 返個女人工作太強勢，係屋企都好強勢，日日鬧交迫走左老公，離婚。個孫跟呀媽一齊搬去跟99朋友（婆婆）住但呀媽太忙唔得閒湊，無人教好曳，99朋友變得好煩惱好煩唔想返去見到個女同孫云云。然後99話都係平凡是福呀。
個故事係想講，99講既野當佢9吹算啦，岩聽就一齊講多2句，唔岩聽咪少見d lor，咁認真做咩，又唔係自己呀媽。
2個讚
軟弱無力，早日找個強壯
點接呢種生物總係乞人憎
呢類既奶奶絕對唔少，特別係佢地自己以前都做ftm, 會講到以前對屋企幾勞心勞力幾偉大。女人揾得多錢既本身個格都強勢d, 奶奶就算唔直接講背後都會講。
根本佢地係雙重標準，又要個女人賺到錢又想新抱小女人順哂自己個仔意打理頭家。
1個讚
當初我坐完月就要番工，奶奶已經話我唔餵人奶，單單打打放心俾工人湊架喇？已經唔同住，夜晚會打黎查下我有冇OT放工未。細路病點解唔請假要佢個仔請，驚死影響我老公事業，但講緊我人工係多過佢仔都幾多下。所以我覺得根本唔關有冇番工係咪ftm事，人把口嘴賤就咩都有說話講。
3個讚
所以就話唔好同d 99一般見識，唔想直接應付就隊個隊友出去，或者搬開d少見d。人地把口賤，講咩都唔岩聽，需要向佢證明或交代d咩呢？
唔需要張揚，係平日嘅態度。佢買嘢上嚟佢個仔唔響度就我比返錢佢；佢帶班孫/親戚嚟玩去食嘢按情況我會比錢等等。我冇諗過霸唔霸氣，不過的確係暗示緊我自己有賺錢你依家都洗緊，唔係下下洗你個仔錢架。
奶奶係老公親人，唔係下下咁理想可以拉遠距離，點正面應對都係種技能，而平時點劃返雙方條線出嚟更加講技巧。至於佢背後講唔講是非，呢個同日出東方一樣係必然會發生，唔好話佢我依家都講緊佢是非啦
只要自己聽唔到就唔會理
1個讚
「爸爸錫個仔所以主動請假陪佢，以前我病有時我爸爸都會咁做架，乜你冇架
」
1個讚
講得好岩!我99把口真係好賤！把口講親都冇好嘢㗎！
1個讚
係，我想講既都係類似。有時人唔需要過度反省諗成係自己問題。只要我人工高d奶奶就唔會咁，佢唔尊重我係因為我做左ftm之類。
其實本身人工低同做ftm都唔係一個合理被攻擊既原因，終極源頭只係因為奶奶格衰口賤，點做都會有位挑剔。
乜都假，重點係要個老公撐自己。
2個讚
我冇理佢，當時番工都忙到死放工只想休息，唔想同佢呢d 人battle。係有次佢係我小朋友面前講人地媽咪全心全意照顧家庭係會唔同d既，我就真係火滾，好似挑撥我地關係咁。
3個讚
我99講話搵得錢多的女人係老虎乸
會搞到家嘈屋閉
但62又會暗串我同老公搵得少
話拖低我地住個區的中位數收入…
搵得少又暗串你 搵得多又話你 真係佢地玩哂
個重點就係呢度囉：奶奶係唔會直接比氣一個強勢新抱受，我冇話奶奶明事理，根本冇需要理啲閒人添，唔好內疚，唔好自責，做自己，多同老公溝通。我只係道出事實，因為認清事實會令自己可以睇開啲同點對佢哋
當年許家都會有人講何二小姐是非，但夠唔夠膽當面講？你哋話啦
係呀，我覺得影響奶奶對新抱既態度第一係老公撐唔撐，第二係個新抱硬唔硬淨。而新抱有冇工作人工幾多學歷點樣其實影響不大。一個巴渣惡屎ftm其實奶奶都唔敢滾搞，高學歷在職媽媽如果冧善都係會被奶奶得寸進尺，所以最主要都係新抱本身個性格。
7個讚
呢d真係踩著底線！可以落閘送客，一年內唔使再見d孫。如果老公仲好白痴地問點解，就答佢要反洗腦，唔想近墨者黑。
不過都要有唔靠人既實力先得，例如如果小朋友要靠長輩湊，條命就係佢度，就好難避免唔受呢d氣。
1個讚
正是！講到尾都係家族bully. 有d人覺得有錢就唔會比人蝦，有d覺得夠惡死唔會比人蝦，有d選擇遠離戰場，離唔開就要搵隊友支援，隊友唔夠神一係認命，一係百x成材lor。
至於什麼f ng ftm, work ng working mum 都係發動攻勢既藉口黎，佢地食飽飯就係無s 屙，睇你得唔得閒應酬下佢地lor, 一理佢就要被drag 入戰場ga la.
咁樣講唔會唔會易d睇件事
但高學歷在職媽媽要冧善嘅都好少 我唔識
學歷低既媽媽好多自己都自卑左先，我就係覺得唔需要咁。個因果關係掉轉左。
話說我弟婦冇學歷讀到中5就冇，但份人極度巴渣，鬧起交黎可以去到好顛，老實講我奶奶怕佢多過怕我。
3個讚
呢個真，如果靠佢湊小朋友或者經濟唔獨立要一齊住既，講真唔想忍都要忍。奉勸在職媽媽情願請工人都唔好叫奶奶湊，如果奶奶唔係正常的話。工人做得唔好都仲可以炒換人。
2個讚