係，初初覺得只係買袋物慾問題，睇到佢講旅行直情覺得佢on9，根本成個mindset錯，老公搵兩萬幾，但無份工幾個月已經頂唔到咁，要為咗儲里數碌卡／先洗未來錢做分期。我諗佢真心要去見輔導改善物慾，再去學理財 ，如果唔係今次比佢挨到，其實無耐又要再試過（可能下次就係老公又失業或佢自己失業／有機票去旅行但無洗費，繼續N個借口用錢）
4個讚
早出黎做野其實有可能
唔好意思 我地既錢的確係個體 我唔會問佢借 佢亦唔會幫我還 我會自己還錢
完全正確講得好好
係23歲到而家33歲都係咁
當年23歲得7800人工 但信用卡有30萬limit 到最後我真係on9到差30萬 用左5年先還完
我雖然on9 不過唔會失業 無洗費 都要借錢去旅行既
初頭我有2，3萬積蓄 跟住又買左袋 又買左唔知乜 自己無錢又買咪分期 分分下咪又愈來愈多又瀨老公用左我d積蓄
大家慳返啖氣啦, 樓主而家都唔覺自己有問題,
不停重伸自己可以免費去旅行無問題, 財政獨立云云,
都係我一開波咁講, 敢寫包單樓主好快就會再次欠債
7個讚
就係年紀輕會
老到行唔郁。 貪摸手仔
呃左百幾個留言幾好
佢老公都好慘
就係俾佢當做獨立個體先會俾佢拖累
正常都會諗到自己理財不善絕對係會影響另一半
阿樓主仲好意思覺得可以繼續旅行
4個讚
唔知係唔係賭仔心態,
我欠錢, 但唔影響老公, 老公又只係話我兩句就算, 仲可以免費去旅行添,
欠債原來可以過得咁爽, 咁, 就好易就會有下一次欠債㗎啦, 因為佢潛意識根本唔覺有錯。
不過好似樓上話齋, 佢老公都有問題, 只係失業3個月, 仲要老婆本身有份工, 都搞到要碌卡, 家庭基本儲備都冇,
仲話識投資理財, come on, 正常情況你一部份拎去投資, 一定留一部份儲起(應急), 點會all in㗎
3個讚
我好奇想問下點解樓主要結婚。反正我欠債就只係我一個人犯賤, 唔會叫老公孭。
老公理財不善固然有問題, 但係老公本身只係搵兩萬蚊一個月? 一年去兩三次旅行, 樓主聲稱係免費旅行, 唔去就笨。我當機票用里數換, 即係老公係俾晒所有酒店、飲食同使費啦? 都唔講樓主去旅行仲有無亂買野, 一年三次旅行都唔少錢, 唔清楚樓主老公係咪都係卡冚卡/ 分期俾定點。某程度上呢個都係樓主有份"貢獻"既財政負擔。
1個讚
但佢唔正常嘛，我哋理解唔到
1個讚
將所有信用卡剪哂佢，手機apps 所有電子支付cut 哂佢，然後同銀行申請債務重組。
另外，將你每個月開支分為每一日，你限住自己每日只可以用$100（例），搵你家人每日比$100 你，你要有人同你睇住條數先得，因為你有錢就會身痕！
其實佢老公都應該有問題，先會容許佢咁樣洗錢，同咁嘅情況都去旅行
一年去一次都算啦，仲話去兩三次
我身邊d真中產朋友都未必會咁洗錢法
1個讚
消費唔起但又要用一身名牌去包裝自己嘅，除咗虛榮，通常內心都係有一種自卑，想用人哋眼中嘅貴嘢、奢侈品令自己睇落「高級」啲。呢種心態底下做出嚟嘅行為會好一致，就係即使欠債，都想不停做一啲佢以為會令人羨慕嘅行為，例如食afternoon tea, 買奢侈品，去旅行等等，最緊要打咭，塑做假象令自己睇落好似過奢華生活咁。其實目的得一個，就係想由人哋羨慕妒忌中得到滿足感。
唔知咁算唔算心理病，定純粹只係一個自控能力比正常人低、亦冇乜理性同智慧改善自己問題嘅人。
7個讚
其實想用靚野，望落個人高級d又唔一定要使好多錢先做到，只係樓主冇足夠嘅理財智慧去達成呢個目標啫
2個讚
我識人係咁,2公婆成日買花買禮物BOOK酒店慶祝節日,其實欠債幾十萬 
1個讚