感情無對錯
我覺得都係想開心，有個伴
太屈就同唔開心可以skip
佢唔知道：相愛容易，相處容易，到老病嗰刻可以做到互相照顧互相廝守先係一段關係寶貴嘅地方
2個讚
如果女好想結婚，就應該分開
但其實大家都結過婚，未必再對婚姻有「沖」景，我覺得都理解
男方好明顯想要一個冇負擔既伴侶，衰啲講可以係「呼之則來 揮之則去」既伴侶
但如果女方想要一個係長相廝守既伴侶，要搵第二個喇！
佢問你哋「好唔好放棄」
唔係放棄！係放生自己，係比多選擇自己，係唔好束縛自己，係放手，一定唔係「放棄」
2個讚
一段關係都要適時evaluate大家對將來個期望，冇對錯，可能對方本來想咁，但老咗個心態唔同，溝通，適時放手同唔好死纏爛打好重要
但都46歲, 除非好似啲明星咁四十似三十，否則都難再搵過。再加上50-60啲男人都睇落可能甩皮甩骨。無耐啲既感情基礎都睇唔上眼。
呢個同意，但呢個年紀既女人多數另一半都老過佢，其實大部分case都係女照顧個男，所以樓主個朋友結婚執念唔洗咁強。
1個讚
三個仔女開支越來越大，如果個女冇心去分擔一啲拍拖使費，再拖落去似係個男人會放棄個女多啲
1個讚
我係個男人都吾結啦！ 自己都有負擔， 再結咪又再咩多頭家， 女既其實係咪都想有人養下
1個讚
緣盡就放手啦
所以我覺得個女既bargining power 係如果佢好照顧個男起居飲食，而男既老左又想搵人照顧佢，咁佢就可能會結婚。
就算親人都未必相處得安穩舒服，搵到呢種伴侶唔易，真係到年紀大先明呢個重要性
3個讚
其實好想知個女對e段感情付出過d咩？ 好似主要都係講個男人付出d咩， 主要都係錢（出街食飯男人俾錢同新年封兩封利是）
新年看更都會收到利是，朋友仔女都會封比佢地，我真係唔覺得呢兩封利是代表到啲乜
1個讚
同事話近呢幾年都放棄左會周個男人有結婚或者"將來"啦. 我地有一個同事A就應佢, 既然係咁, 就睇到時邊個頂唔順另一方, 然後自自然等呢段關係消失. A仲話佢地只不過係床上partner, 唔明同事諗咁多做咩
我覺得A咁講好刻薄, 但係冇人知佢地呢8年點樣相處, 不置任何comment
只知道當年個男人唔知因咩事斷左腳, 係醫院半個月, 出左院又要重新學行, 同事就每日放工都去佢屋企做家務照顧佢, 而家個男人睇落行得好正常.
我諗同事唔係想結婚, 係問緊我地好唔好離開個男人掛
真話係難聽d既
自願照顧男人
其實. A咁講好刻薄but true…
講真, 我自己最初都係咁諗…我開初果2-3年真係同自己講, 我老伴只係SP, 床上各取所需就算
當然, 睇到佢對我係點, 對我2個細路係點, 我先覺得呢個人係可靠, 但我都只係將SP 既角色轉變成"老伴"
但從來都唔會諗結婚. 錢銀既野, 自己有能力, 從來無諗過靠佢. 換轉角度 錢既野不求人既同時用得出去響對方身上就唔好埋怨. 有時佢比有時我比. 如果要講, 咁真係同兩公婆無分別.
所以, 其實我覺得係你同事自己變左心態, 突然想追求婚姻先至會有今日既失望. 但明明大家都講明唔會結婚… 咁, 一齊時明知對方都有頭家…(離左婚都一有頭家丫, 有細路, 大學畢業前, 點都要養晒前妻同細路) 咁… 的確無理由會覺得自己可以分到D咩…係咪?
咁, 如果對愛情無期望, 對婚姻無睇法, 咁離定係留, 就好易決定啦.
BTW… 唔後生又點? 唔後生就一定要有老公? 我唔認同.
我自己雖然現在感情路係STABLE, 但我都有諗過, 如果同老伴行唔到落去或是佢無啦啦死鬼左但年齡又去到50咁點算… (佢大我10年)
咁我會決定自己一個人, 應該話隨遇而安吧~ 反正再來一次忘年戀也好, 人總會死~ 總有一天都要一個人. … 咁不如識多D朋友, 開開心心ready 好自己一個人過埋下半世囉~
5個讚
叫你同事承認個現實就係大家一把年紀又一大堆負擔，感情上都傷痕累累，仲邊有力愛人，佢自己都係想結婚搵個伴啫，呢啲思想負擔會唔會太無謂，咁樣結婚有意思咩，一覺唔覺意要照顧埋條佬同佢啲仔。
不如放下呢個執念，自己做自己嘅歸宿啦。
BTW, 我要補充一點
我地有討論過結唔結婚, 原因係咩?
佢份保險寫左我名, 佢驚佢走左, 我無名無份, 會被挑戰而拎唔到錢, 原來而家唔洗係夫妻都可以咁樣做受益人? 我其實無仔細問佢… 亦無睇過保單, 佢咁講我咁聽, 佢有無留低財產比我, 我根本唔CARE, 因為大家都唔係有錢人…
(我有2個細路佢無, 所以我份保險係唔會寫佢名只可以留比2個細路, 佢都明白)
我呢~ 我擔心, 我同佢無名無份, 佢同屋企人關係疏離, 我怕我幫唔到佢領返條C… 攪唔到白事
最後我地都係無做到任何決定
如果有人可能解答一下我就最好了~ HAHAHAHA (SORRY 樓主, 我好似離左題)
之前有網友都講過去到D醫療決定時唔係法定既親屬就唔可以簽紙。
未領屍之前，佢昏迷簽名做手術都唔可以由"女/男朋友"身份簽