同事46歲, 識左個男人8年, 個男人53歲. 兩個都各自之前有一段婚姻, 同事有一個15歲嘅仔仔, 男嘅有三個仔女. 聽同事講, 個男人同佢ex-wife一齊分擔仔女生活費.
同事話同個男人一開始講明冇諗住一齊後以再婚為共同目標.
有幾次我地同事都見過呢個男人, 唔烏wear, 同事話佢係普通管理層.
近兩年同事係聚會時話個男人對佢有埋怨, 怨佢有時食餐飯, 餐餐都係佢請. 同事話最近個男人有提佢ex-wife轉左工, 人工低左, 佢地D仔女又大個啦, 用錢多左, 大部份都係個男人比. 而且個男人又會對佢愛理不理
同事話其實咁多年嚟, 曾經有諗過個男人會轉變心意, 會同佢結婚, 但佢話果種諗法已隨住時間而放棄, 佢又覺得自己唔後生, 問我地其實佢好唔好放棄.
我無呢方面經驗, 唔識答佢, 見到同事最近沉默比較多, 都為佢唔值… 唔知道各位又睇到呢段關係係會點呢?
如果我係你同事, 婚又結過, 仔又有… 拍吓拖, 有需要搵人取吓暖咪算囉… 唔駛太認真啦… 結婚就更加唔會… 兩方面都會多一大堆負擔… 何必呢?
其實個男人由頭到尾冇呃佢，係佢點都要結婚啫係咪？
其實個男人都好大負擔, 所以先至一開始講到明,
係你同事存在幻想希望有一日個男會改變同佢結婚.
個男人要改變真係要等到佢三個仔女大晒出左身做嘢,
咁就有可能, 問題係唔知佢三個仔女幾大要等幾多年.
而家個男既環境唔好, 而你同事已經有怨言話餐餐都
要佢請, 呢個係現實問題如果佢接受唔到就放棄比較好.
男人一開始表明意願, 如果你同事係以再婚為目標就放手再搵
表面說話 - 拍拖搵個伴唔一定要結婚既，兩邊都有未成年小朋友開支自然大同埋多突發野。
一齊開心，財政獨立最好。
難聽說話 - 一開始已經話唔打算再結婚，自己仲一廂情願。自己個仔15歲，供埋大學(唔計借唔借錢讀書)即係仲有8-9年就甩身。對方三個，排住隊成長D錢係咁倒，玩下手成份糧做贍養費你仲要養埋個男人。
依家先講近兩年，我諗唔只近兩年，可能係一路都係咁不過去到依兩年先忍無可忍搵人呻。
叫你同事唔好放棄呀，依D仆街佬再放出MARKET又累下一個，叫佢努力D幫個男人啦。
係囉，一開始講明，係女方期望會轉心意
回歸基本：個男人對個女好唔好先？愛唔愛佢？係咪同居？個女有冇條件搵第二個？
我諗ok掛? 聽佢講, 個男人年年過年都會封利是比佢地兩母子 (but我地冇問封左幾多錢呀), 同事有時中秋會請吓我地食月餅, 話係個男人買嘅
我地估同事應該好愛呢個男人? 8年喎
佢地冇同居, 因為我地比較熟果兩個同事同埋我個小朋友, 都有上佢屋企同佢個仔玩,冇聽過佢個仔提過有其他人同佢地一齊住
你同事唔係執意要結婚，其實搵到個伴有個照應都好好。
唔結婚做目標可能仲可以一齊到老，夾硬去結婚分分鐘鐘好快離婚又為乜呢。
8年又如何
女同事一廂情願等依靠
我覺得到呢個年紀，又結過婚，再婚其實無意思同好多人呢個年紀除咗現實原因(eg 分身家，有小朋友）都唔會結婚/再婚。
呢個年紀就算結婚都唔會大排筵席，多數只係私底下簽紙。咁其實除咗佢哋知都無人知。
我覺得睇吓女方係咩原因想簽紙啦，單純戀愛腦？咁就改變自己想法，都呢個年紀，結左都可以離。
為其他物質野？咁就要用腦諗下男方想要咩？會唔會男方都想有個女人老左可以照顧佢？咁女方就有bargining power叫男方結？
明明已經離過，都仲對一紙婚書有憧憬 
都唔出奇嫁
覺得咁有安全感啲掛。雖然結咗都可以離，但始終結婚都係一個承諾黎既。同有時有啲緊要關頭係另一半先可以作決定。
呢個都係點解男方結過又有經濟問題，所以唔想再婚囉。如果女方執意想結婚，一定要諗下男有咩誘因想再婚。
好適合留咗公司做，大家天真純良
點呀喂
係囉…
我自己係過來人, 我從同我現任老伴開始一齊, 我已經說明, 我唔再需要婚姻, 只想要一個人同我到老
何必再婚, 開心就算…啦…
其實個男嘅都唔錯啦，婚書冇用，問下佢如果佢大病估個男人會唔會照顧佢，會就唔使執著
結咗婚嘅都未必個個會照顧㗎
呢個年紀，婚又結過，仔又生過，係真愛就唔需要結婚，大家財政獨立，感情性愛各取所需。
結完又分，律師又再多一次生意。
你講中晒我心中既想法
就係我同老伴既目標一致，平平淡淡大家互相照顧到老就已經足夠 （我仲同佢講，你乖乖地對我好d 如果唔係佢老左我一定推佢出露台曬足全日 hahahaha）
你問我愛唔愛我老伴？我答唔出。。。。（我相信佢都係咁既答案）但大家相處係安穩舒服，覺得可以信賴同依靠就夠