FTM 揸頸就命咋
我識佢老公先既，佢響外地讀書時未畢業佢老豆敗左份身家俾唔到學費生活費，佢自己半供讀幾年加有朋友願意借幫左佢，佢返香港既機票都係借錢先買到。
施比受更為有福植入左佢個腦，不時都聽到佢話借左錢俾人，我以前都有叫佢唔好一借再借，舊債未清新債免問，佢仲覺得係咪自己借得唔夠所以無幫到對方解決問題 
聽佢老婆講，佢老公信左個宗教係要信眾個個月做善事(捐款)，不過唔係多，e.g. 10月最少$30捐東華三院 / 9月最少捐$50樂善堂etc
2個讚
佢係唔明,一味借錢俾人唔會幫到果個人 
我以前有個親戚成日要我貼錢幫佢,後尾愈借愈多錢,頂佢唔順斷左來往之後,佢咪又係可以搵工返工 
-
廿幾年前，嗰時我仲係學生。喺街度有個日本人嚟問我借幾百蚊搭的士去機場，俾咗個電郵，話會還返俾我。佢上到的士，我同個司機講佢去機場。之後電郵真係有人覆，佢用中文覆，話已收到好多個唔同人既電郵，問佢攞返的士錢，話呢個人係呃錢既。
-
COVID 買口罩被甩底。我只係冇咗200，但苦主中有人幫公司買，冇咗六位數。
-
借錢俾男友。佢嗰時在外國讀書，已經有家人供佢，但佢啲藉口層出不窮，一時話租過間樓要俾上期，一時話冇錢交電費，一時又考試費墊住先，一時又話要讀啲small courses交學費，還啲唔還啲，未還晒就頂唔順分手。
該主題在最後一個回覆創建後180天后自動關閉。不再允許新的回覆。