睇到最近有人比痛症治療公司呃
諗返自己，又或者聽返黎，都有唔少錢出去係晒咗
睇好多次都醫唔斷尾唔知原因既醫生/中醫/物理治療
sell 完就hea 做冇曬效果既美容院
永遠full booking 既運動課程
接咗工程就不停加item 既裝修師傅
IG/網上睇到既好多野 （product and service)
有時係成個行頭都充斥住騙子（或者係價錢與質素不一），真心想搵&肯比錢都冇咩選擇咁
仲有冇咩其他要留意唔好比人呃既野？
2個讚
唔好借錢俾人
5個讚
剛畢業時細路女時，比一間本港頗有規模嘅美容院半呃半氹咁買咗5000套票做美容，點知次次做都狂sell我再買療程，唔聽完佢哋講嘢唔比我走。
果時細路女唔識推，又覺得比咗錢唔做好浪費，都去咗幾次買多幾千蚊療程。本來sell我時話永久有效，點知有次個經理話我d券就過期要比錢renew, 我聽到真係火都嚟，第一次發難鬧佢哋，話佢哋呃人係騙局，跟住個經理可能冇諗過我咁大反應，所以扮check資料話搞錯咗，仲話送多一次mask比我。呢件事後我覺得上去太大壓力就冇再去。
因為呢件事太深刻，嚇到我好多年都冇做facial.
2個讚
facial 嗰啲係咁㗎因為啲staff 要跑數。所以大過咗後只會去國際護膚品品牌做facial ，貪佢如果sell 得勁可以投訴
唔算俾人呃但有啲搵笨。
買左其他野然後有complimentary gift幫bb影初生相，送一張相。其他要俾錢。
點知俾錢個啲係1500一張！只係普通digital相。我揀咗兩張先知咁貴但老公已經碌咗卡。有啲搵笨。
我依家幫襯小店，因為街坊生意佢哋唔會咁hard sell. 同埋人大左厚面皮左，唔想要都好容易拒絕到。
金科玉律
唔好夾份做生意
1個讚
比較大額嘅都係美容院個D 啦。
我試過有一單好小錢，幾百蚊，去算命，係D 商場event 咁，好多小檔，我當時為咗阿仔升小心緒不寧，唔知點解係其中一個檔口就坐低咗，見價錢牌揀最平個隻問，那個女人戴眼鏡，但眼鏡柄斷咗用膠紙包住，她望住我就話不如畀多D $500睇流年啦，我猶疑，她就話唔使諗啦你畀得起嘅，跟住唔記得問咗我乜嘢資料，好快算完話我會中六合彩。
我本來一向唔買六合彩，為咗佢呢句，買咗幾期，當然無中，又估會唔會係講阿仔升小中獎，又唔係，阿仔派得好差，扣門又失敗…。
結論，呢個女人唔多唔小有D 料到，算到我好呃。
3個讚
同pre-wedding個基本package咁上下
影就影幾百張，package包幾張，之後踩到你體無完膚要加錢做後製，然後又話唔好淨係揀晒雙人要揀下單人
通常呢啲都係美容，痛症，生髮之類，買完一堆 package 之後，每次完咗一次療程後就有 sales 姐姐話你呢度唔得，嗰度唔得，要加碼再俾另一個新 package, 無限次俾錢。
對付呢啲要狠要惡。我兩年前整親條腰做微電流，係有用嘅，但佢哋又係 sell 呢 sell 路，次次完咗之後要搵計唔入去 sales 房，我用到最後一次，諗緊點同佢哋分手，天都幫我，佢搵左過生手仲要係肥婆入嚟 serve 我，開大左個電，電到我有啲痛，我做開 gym 嘅身形企起身指住呢個職員罵到佢成層樓都聽到，佢哋驚到我會大開殺戒，之後搵左個靚女跟埋下半 part cool down 我，完事後 在 reception 仲想問我加唔加療程，入房傾下，我見有其他客係度，當然會做自己，屌！你哋剛剛電 L 到我彈起，仲來？ 佢哋唔敢同我嘈，仲好 nice 咁問我仲要唔要座枱月曆，我當然講唔L 要，走人！
1個讚
好奈之前試過被傳銷公司呃過
個時失業好迷茫 就上左當
被左一半錢 二千幾入貨 另一半因為聽到上線下線
發現做唔出甘無良心 吸人血的事
最後同個班人斷哂聯絡
跟住想識多d朋友 走左去d一大班人燒野食的網聚
居然又有班見過我的傳銷友係度 話我似曾熟悉
甘我緊係死口唔認 勉強過骨
跟住唔敢亂識人啦 自此非常痛恨傳銷公司
最諷刺係有屋企人走去做傳銷 勸極唔聽
宜家成年半無見
我之前prewedding同大肚相自己搵，性價比都好高，無咁既情況。
果然免費嘅最貴，老公話早知1500一張相根本唔會曬時間去影。我個陣坐緊月，老公自己去揀相先俾左錢，如果我在場，我一定厚面皮話唔要相啦。但bb錢真係易賺啲，我個陣又諗newborn相影唔返啦，是但啦。
2019同隻藍屍狗交收時用空頭支票走咗一部電腦，冇咗差唔多一萬蚊，之後用空頭支票資料查到佢全家身份證地址及全名，去咗小額錢債署成功勝訴，到而家連埋利息欠我差不多20,000，被呃時報警幾年處理後已經成功拘捕佢，等緊認人上庭通佢櫃，佢出冊時會幫佢申請埋破產，另外由於幾年內查埋佢所有Facebook戶口download晒所有相同埋埋佢張身份證副本
頭先用佢地址又順便check 到佢之前間屋
6個讚
有朋友比果啲中介公司呃借錢去投資，比人呃左百幾萬
Sorry ending個gag真係唔錯
2個讚
好爽呀，你呢個係成功復仇
呢個好精彩 俾個like你
疫情初期百業蕭條，我個租客係強國女仔，做銀行既
咁佢係一次過俾半年租，個時佢話冇單冇收入，可唔可以減租，退返啲啲俾佢
其實我係傀儡，租屋簽約個啲野一向我老公幫我搞，咁老公話合約講好左係呢個租金，唔可以改。但我又心軟最後靜雞雞過返數俾強國女。我地仲要唔同銀行，我專登去入錢俾佢，但……我唔知點解會計錯數，入多左錢俾佢，事後先知，佢收左錢又唔出聲。
完約時計返按金呀清潔費個啲，發現佢勁污糟，我事後請鐘點清潔既錢遠不止佢俾個份。
仲有，佢欠交幾千蚊煤氣費，完約後已經聯絡唔到佢，到下一個租客時搞手續都搞左好耐。
經過咁多野後，我回望返覺得自己太天真，點解會退返租金俾佢，點解會覺得佢係正直既人……自此呢件事我銘記在心，提自己對人要保持初心，但亦唔好太純真。
4個讚
當交左學費，經歷無價，下次比人呃嘅機會少啲！
呃錢都算，比人呃同情心真係會嬲自己！
2個讚
你私下比返佢又真over左
1個讚