頭先喺荃灣aeon玩擲彩虹,個女人喺咁迫埋嚟,又拎個袋嚟撞我同個仔,我都算喇,落嚟玩,都係想開心咋嘛,隔離有位我都同個仔移過d,但佢就繼續越迫越過(佢果邊唔係冇位架喎)。到最後仲要影我地相,仲要潑婦駡街咁鬧,驚動到店舖,咁我知道佢地有影我地相,緊係要求del相啦,之後店舖call左保安主任同經理上嚟,佢又繼續潑婦駡街,又身有屎唔敢比電話經理睇,話要報警,咁ok嘅,保安主任又真係冇權力要求睇顧客電話,咁aeon就報左警。
個女人仲講大話,同保安主任及aeon經理話我爭佢個位,迫埋佢到。咁冇嘅,我咪同保安主任講,呢度有cctv,睇cctv就知事實,之後保安主任都有睇返cctv,都有同警方講返係個女人用身體同埋紙袋撞我地,都話見到我地都越移越遠,佢地就係咁迫過嚟。
其實去玩都係想開心姐,做乜咁大壓力周圍撞人鬧人呢?!
而家周圍都係cctv,做過d乜,其實一睇就知,做乜要喺d小朋友面前講大話呢?身教呀。
1個讚
好小事都可以嘈一大餐,可能可以幫佢地抒發平時受壓嘅情緒,但我今日覺得自己好無辜呀
3個讚
嘩真係超無辜, 呢d 人可能有被迫害妄想症 , 好彩條友手上無刀!
如果我係你一定只識嬲鬧番佢轉頭就算, 你好冷靜做得好好呀!
1個讚
最後個癲婆點?有無拉去青山check check?
希望佢下次可以好好控制情緒,今次遇著嘅係我,我唔會同佢對駡再繼而動手,下次佢遇著其他未必咁好彩。影響自己事小,影響埋小朋友,不過佢個女個格同個樣同佢一樣架,出街唔會唔認得
我同警察講驚之後離開呢度仲有後續事情,唔知仲會唔會發癲架嘛,我同警察講我之後係會去邊度搭車返屋企,希望佢地可以遲少少先放佢地走。
咁之後保安護送左我離開商場,之後幾耐先放佢地走就唔知喇。
近排咪流行一樣“玩具”-蘿蔔刀,今日喺荃廣都見到有小朋友“玩”,台灣都試過有小朋友玩蘿蔔刀𠝹到頸流血。
而家香港都有小朋友拎住呢d所謂“玩具”嚟玩,真係好危險,唔知幾時情緒失控插人點算。
有時都會諗,遇到不公嘅事,唔出聲又好似笠水咁,出聲又驚遇著個傻嘅,拎把刀出嚟真係唔知點算。
3個讚
Aupig
12
樓主做得好好,冷靜/退讓並不是笠水,只是惡佢對自己冇好處,佢顛起上嚟打交,被人拍片放上網就樣衰,真係冇家教。
1個讚
佢係精神失常,你唔好放喺心上,冷靜就係最好嘅處理手法,good job
係,勁恐怖的大陸玩具,個潛意識勁差
仲有d打針玩具仲恐怖,真係針筒真針咁幼
玩呢啲遊戲啲人都好認真,我之前都遇到個類似,好似阻住佢玩,係咁啤住我哋,我哋無理佢,玩完10tokens就走。其實佢贏咗成堆玩具(咪係淘寶啲),唔知點解要玩都咁認真
呢個我唔知添,我而家叫個仔見到人玩呢d要自己行開d先。
咪係囉,都係擲幾個銀仔玩下咋嘛,做乜要咁認真。最終d“獎品”都係去堆填區。