好開心原來仲有唔少人係揾得多但洗得合理
我屋企都唔算好慳，但我哋唔多去旅行、唔去主題公園、lunch長期帶飯，咁樣嚟慳囉。仲有weekend唔揸車慳泊車費兼拎交通補貼～
最貴係weekend出街食，三人平均＄400一餐（連加一），4餐已經$1600，一個月$6400。
3個讚
慳得嚟唔覺得辛苦係一個學問
香港地係比較物質，生活質素係搵物質堆砌出嚟，所以有時會駛無謂錢
2個讚
同意，我以前有個富貴同事，同佢一間房嗰時真係洗得好無謂
現在難得全個dept（10人以內）全部帶飯，又唔使見人可以著uniqlo返工，真係慳唔少！
我見啲家長去家長會都用H，我就長期用coach，連我仔都笑我窮呀！
我都覺得、原來唔少人揾到錢、但會應駛則洗甚至比佢哋嘅收入慳、又有啲人其實唔係揾好多、但佢地個消費水平你會以為佢地家庭月入係六位數字……
1個讚
H我用唔起呀
買隻袋唔捨得粗用，仲要驚整污糟整爛，太麻煩
我鐘意用MJ, KS, TB呢類品牌嘅袋，換袋都唔大負擔
次次收稅單都會忍唔住爆粗，交咁多稅但收到嘅服務咁垃圾，性價比同淘寶一x樣。
學樓上話齋，搵10萬要當8萬使好重要。
太多人人工慢慢加上去，開支都大得好緊要，變相根本無錢剩（或者剩到嘅錢同低啲收入嘅人差唔多），剩係供保險嘅金額都夠一般家庭成個月買餸錢。
今朝有酒今朝醉嘅生活我都過左好多年，人生變幻無常，總之無loan係我底線。不過小朋友開始大，要慢慢教佢地理財觀，自己活左半世都要慢慢tune下，學下人地係點做。
2個讚
我先生理財觀念好我太多 佢識我之後 唸定埋退休點
我個時仲係月光族 講起都慚愧 結婚之後
自己個個月都堅持至少儲某個數 見到家庭資產日日多
其實都好開心 仲有重安定感
呢度慳下 個度慳下 發現有好多野唔需要買
加埋息高 又做下定期 先生又投資 開源加節流一齊做
眼見身邊好多單身/未結婚的朋友今朝有酒今朝醉
加埋做媽媽 感覺自己同佢地好有代溝甘 都無咩聯絡
2個讚
又咁講啦，有d 人工作需要用到，識人一升職老細講明要佢買過哂d 衫，佢哋見嘅客非富則貴，真係唔可以用一般人都買我起嘅牌子。
利申：無H 用Agnes b 返工
咁果啲係工作必需品，消費項目同日常襯衫手袋唔一樣，簡單講係需要vs想要。
串既講法就係 根本唔岩身份用依個袋
有時都想講依樣野，好多人買左個手袋返黎供奉，左驚右驚，放響屋企又要淘個膠袋裝住佢 
有次打風新聞影住尖沙咀碼頭，橫風橫雨下有位女士攬住個LV跑，LV專利咪係防水帆布囉，你唔利用佢依個性能仲走去保護佢，JM9
去銀行COUNTER等緊，見到隔離位個女士響手袋度拎個塵袋出黎，塵袋入面係個MIUMIU長銀包，阿女士用指甲尖的個MIUMIU拉鏈頭咁拎個銀包出黎，另一隻手手執塵袋拎住銀包中間位置…即係個銀包係唔掂得既 
1個讚
我最名牌都係用ab咋，到後尾連皮袋都唔用用布袋，因為太重
佢唔覺煩嘅咩日日都要咁小心
見到好多人開支都唔駛俾長老、羨慕、我哋兩邊都要俾、60就即退休都唔幫手湊孫、可以講最大開支係養上同養下、年紀大又開始多錢駛、成日話食咩食咩好、小朋友讀書又唔慳得、講出嚟都無人信我同老公生活要咁赤貧先維持到
2個讚
Cut長老家用有乜問題，又唔湊孫，其實冇乜必要俾咁多，自己真係有需要用錢就要出聲，每個人都應該負責返自己嘅生活，如果而家因為咁搞到冇錢儲第時唔通又焗仔女養咩
1個讚
我地都係呀，兩邊俾。
不過我地唔生仔就樣支出，用養細路D錢黎用
佢老細都幾ON居，公司有無贊助? 無就唔好咁多阿之阿左。
返工打扮係要大方得體，唔係買牌子衫就表示個人身份。
真有錢果d好明白同你係唔同level。
唔敢話識好多人，公司間中就有d黎返工過日晨非富則貴既世侄女，佢地d衫大家都係gucci都好，佢件衫唔會響shop有得賣，由料到cutting都係度住做。爸爸生日，call個sa約上門度身做睡衣。
2個讚
唉，我都同意
係喎，大方得體岩身就得啦，邊個咁得閑走去揭下你著咩牌子咩痴線
香港係比較容易用物質去衡量人… 不過好多人忽視左, 真正有錢嘅人係唔太介意呢啲野, 因為喺佢地眼中其實都唔係啲咩. 太在意其實本身即係都唔係好有錢
例如一個搵2-3萬人工嘅 assistant manager 好堅定咁要買 Rolex 戴…
好白咁講, 你有幾多料, 其實從你談吐舉止會略知一二. 戴一隻靚表代表唔到啲咩
5個讚
講到尾都係睇自己心態，Ｄ人成日講香港好物質搞到使好多開支，咁多年來我都唔覺，人地要嘅我唔一定要，所以一路係香港開支都唔大，反而來左英國就開支大，因為每個月fixed cost貴，呢Ｄ就真係冇得慳
搵二三萬憑咩買撈？心態唔係咁好喎，真係易借易還咩？
我識啲人月入十幾萬都係戴Apple watch (6、7年冇換，用緊iPhone 10咋)