報到呢件事其實有啲老土
男又好，女又好，有時唔駛擺到自己咁低
3個讚
男人做嘢都算高層、放工會買埋外賣返屋企、個仔自己返學放學功課外判、放假男人會帶個仔出街、消失的老婆同阿媽咁
我知家庭主婦唔代表要日日煮飯、但佢真係知做咩
3個讚
識一pair,之前男女都要返工，但個男工作就忙d,有時要做到好夜。之前有工人就工人做家務，星期六個男就送小朋友上興趣班，星期日就個男做晒所有家務。個女除左返工同去吃喝玩樂外，就成日晌張床上面玩手機。小朋友想食早餐，個男可能剛剛先做完野訓覺，個女都唔會起身煮早餐比小朋友，只會叫小朋友去自己整杯麵。
有次個男做野做到朝早，送完小朋友返學，叫個老婆準備定d牛扒做午餐，然後打算訓兩個鐘又起身做野，叫個老婆兩個鐘後叫醒佢。點知個老婆無叫到，要由奶奶叫醒，個男嘅醒左之後煎埋扒兩公婆食。有次男嘅家人零晨三點上廁所，見到個男嘅一邊做返工嘅野，一邊晾衫。
最勁係之前個女返工份糧，佢自己袋，男嘅份糧就用晒晌頭家度，仲要有老人家借出嘅免費屋，同借老人家錢唔還先有咁好日子過。個女仲要鬧老人家，話老人家應該比間免費私人樓佢住。
3個讚
所以我見完朋友個case, 係反思要點教仔女（我兩公婆都係會自己走位，亦幾享受煮飯執返整齊間屋，所以無乜問題）
家務嘅分配係其次，最重要係個承擔, 好似上面話齋，男或女都唔應該將自己放到咁低. 做得好做得叻反而要分擔多啲，而另一半分分鐘會覺得佢鐘意呀嘛咁樣take it for granted
1個讚
男人讓著女人，有包含愛嘅成份。我爸爸在生時會搶著做家務，所有親戚朋友都覺得我媽媽好幸福有個咁嘅老公
依家我老公口話嫌我做得慢同求其，雖然呢個都係事實，但知佢個心係唔想我放工仲要繼續做家務，不過我同佢都唔係擅講甜言蜜語嘅人，大家心照
我好感激老公願意做家務，佢都好appreciate我盡心盡力湊小朋友，互相專重
2個讚
我同我其中一group朋友通常係
打完邊爐男人們去洗碗
細路們打機
女人們就傾計
無論去邊個屋企都係咁
有姐姐喺度另計
放假都係老公做家務多
因為佢做得好過我
1個讚
你會盡心湊小朋友，我識果pair,個女就成日唔理小朋友，好少同佢地溫書，一溫無耐就鬧小朋友。鬧完自己就走左去無同小朋友繼續溫。
1個讚
有小朋友嘅無論父母都唔應該懶囉
一段關係互相照顧先健康幸福，唔應該一邊90% spoil 另一個，當然做晒家務唔係唯一spoil方法啦，仲有其他
但我個人喺家務問題上真係好抗拒一邊做晒，我覺得唔關邊個工作邊個搵錢邊個做得好邊個做得快邊個要求高添，係對頭家嘅承擔
4個讚
你會感恩亦會星期六日幫輕，而且返緊工（我唔知你另一半有無返）咁已好好，工作忙而我老公唔忙時，佢都會做多啲
但我見嘅係女嘅唔忙，都會等晒個男做晒，亦唔覺個女嘅有咩感恩更談不上有咩承擔
你提及男方幫手做家務，係包含住愛。但男嘅做晒，女嘅愛係邊？（講緊我朋友，唔係指你）
2個讚
我認同唔應該take it for granted
1個讚
朋友，比個五我！
我剛剛提到果pair,個女嘅而家係無返工，都係咩都唔做，日日呢起房入面玩手機，食飯都要人請先落樓。個老公日日訓到得少過五個鐘訓都仲要車出車入、做家務…
有次奶奶整親隻腳，都仲要掃地，個女見到奶奶痛都唔會話幫手，只顧玩手機。
1個讚
家務同工作能力一樣，另一半做晒自己就廢了，有一日對方唔喺度乜覓食能力都冇，點照顧自己？
1個讚
係咪個女好靚㗎？靚女就迷到個老公暈陀陀
1個讚
「請工人囉！叫老人家做囉！叫自己仔女做囉！一於自己就要灘晌到，吹漲呀？」
果d人通常會咁諗。
1個讚
靚唔靚就見人見智啦，不過有胸。
1個讚
個女對男家一d都唔尊重，但著數就要攞盡。不過無辦法，個男比個女瘟到懵懵下。
1個讚
我反而見過嘅係
女嘅乜都唔做
男嘅忍無可忍先做少少、但都係唔點做
家屋狗竇咁
嚴重程度係亂到
餐枱堆晒野、要開摺枱仔輪流食飯
梳化掉咗用嚟放雜物
男人開瑜伽蓆訓地下
成屋都係A4箱,呢傢吽咗強出嚟
男人就帶左最細個b返奶奶到住、話唔想理個女人
1個讚
咁都唔係家務問題，係佢人格問題
1個讚
我絕對唔會否認自己係人地眼中嘅不肖新抱/老婆
1個讚
可否8下點不肖化？