老公做野，返黎仲要煮飯洗碗，星期六日要做大清潔，因為老婆有潔癖，負責所有買餸、掉垃圾，維修、揸車出入、買家居日常生活大小事務野。
老婆無做野，只係跟仔女功課。
黎我地屋企打邊爐後，個老婆只係出聲叫老公幫手執，自己走去睇仔女（但之前一直無睇過，而啲小朋友已大個唔需要睇）。其實一直知佢乜都唔做，但無諗過連扮都唔扮
知係人地家事，一個願打一個願捱，佢地happy就得（個老公仲要係好怕老婆）。但我真心想知你地或身邊有無呢啲組合？咩原因會一個咩都唔做另一個又會ok?
2個讚
我聽過一個case係仔女都大，唔使湊，個老婆唔工作唔煮飯唔洗衫唔做家務，個男放工返嚟做埋
3個讚
識個case係家務全部老公做晒，包括買餸煮飯，老婆冇做野，仔女剛上中學，唔使點湊又未至於可以甩身。不過個老公好厭尖，可能做咗都會嫌做得唔啱佢心水，整整下個老婆索性乜都唔做
3個讚
做家務可以減底患病風險，教仔女易患病（激到高血壓）
7個讚
我都係老公做家務但我唔洗做既。不過佢唔洗洗衫煮飯。佢會洗碗，倒垃圾，維修，揸車。
奶奶就買餸洗衫煮飯，因為結婚前都一直係奶奶做。無理由娶我返去係代替佢做家務嫁嘛。我地住複式樓上樓下。但之後奶奶都請左工人。
我覺得咩原因會ok係因為結婚前老公都知我唔係會做家務既人。我老公有做開家務，佢做會做得好同快過我。同都有錫老婆既成分。
3個讚
我身邊有聽過類似case，係朋友嘅朋友
女嘅高身厚職，負責晒全家嘅開資，家務請工人做，但放工後都仲要跟小朋友嘅功課
男嘅柴一條，冇返工，唔洗做家務，唔多湊細路，仲要最x街係出去偷食，而且已經唔止一次比老婆發現
然後老婆都係一次又一次原諒佢，繼續養住佢，真心覺得呢啲先係癈人
原因？女嘅自己都講唔出，除咗前世欠左佢，我諗都冇其他解釋
1個讚
我覺得一個煮飯，另一個洗碗係norm，我及其他大部分家庭都係咁。如果一個做晒，煮完仲要洗，真係會對煮飯呢件事好burn out
1個讚
我嘅睇法：只要唔請工人，任何household member都要做家務，只係多少。例如返工嘅做少啲，仔女忙或者太細都做少啲等等
當然又冇話準則嘅，但我絕對唔接受老公乜都唔做隊晒比個老婆，反之亦然
6個讚
但我爸退咗休之後佢都係又煮又洗碗，佢又好似無咩嘢。但佢哋食得簡單，唔會好多餸，除非我返去食飯。但我媽都有做下執屋個啲。佢哋未退休個陣就有請工人。
不過我都見好多係一個煮，一個洗。
1個讚
我爸都係，但佢係好似上面一個reply，太醃尖腥悶，我媽煮乜都話唔啱食，洗乜都話唔乾淨，所以先自己做晒。而且退左休，唔忙嘛
但我上面個朋友case, 係個老公好怕老婆
Btw 想問下如果唔係同奶奶同住，咁你會俾埋洗衫煮飯俾老公定自己做（假設你去左英國無工人因為見你話會係英國生B)？
假設得我同老公，開洗衣機我都ok既但煮飯都會俾老公做因為都真係佢煮得好食啲。同埋我都會睇佢眉頭眼額既，我見佢burn out 個陣會幫佢，但無事無幹個陣就老公做再讚下佢。
生B我爸媽都有跟去英國幫我，所以宜家洗衫煮飯係我爸媽做。洗碗就有洗碗機。
1個讚
咁你應該會係同post入面嘅老婆一樣了 生完你會好忙，到時只係攬住個B餵奶應該連開洗衣機都會叫你唔好做，我經歷過 到個仔一歲半時，發覺無B可抱黎做excuse, 覺得自己太廢（我都係婚前乜家務都唔做嘅人，但唔想個仔學左），爭住做返
我都係，其中一個原因係老公做得好同快過我。我地決定結婚時，我父母同佢講，佢完全唔識煮㗎，菜都唔識炒，你預咗無啖好食
未有小朋友前，我真係冇乜入廚房，自從有小朋友就開始學煮，係唔enjoy不過覺得呢個係自己責任
依家係外國住，我要返工時家務多數係老公做，我放假時會主動幫手做返。其實好多家務都輕鬆咗，有吸塵機械人、洗碗碟機，係清潔廁所最花工夫
1個讚
所有廚房嘢我做，買煮洗及清潔
老公做其餘範圍清潔及洗衫，我打死都唔做，有
都唔會郁，啲衫臭我都唔會洗；幫佢做得一次佢以後一定借啲意比我做，男人唔好信
3個讚
我已經分配好左所有人工作，生左我老公湊B餵奶粉，我爸媽做煮飯家務。想好好坐月啊。
不過我無惡我老公同佢唔驚我，只不過佢係好抵得諗 佢以前都係自己生活自己住，一個人做哂所有家務，同我一齊都係比以前多幾件衫，多小小飯
1個讚
其實我係識煮既，當然唔係叻，但都可以上網搵食譜跟住無炒車，但我唔會主動煮之前老公病咁我就照顧返佢。但無事無幹咁咪老公做。
2個讚
而家好多男人都肯做曬家務，而個女就乜都唔識做….我都識幾pair係咁！
2個讚
我仔都係好肯做家務煮野食嘅男仔，我諗緊係咪要教佢唔好做得太好，攬太多上身 搞到佢變M底咪死！
應該有
不過如果老婆仲要加埋呼喝老公就唔ok了
願打唔係大曬
3個讚
無無無，佢老婆人前好斯文
我諗係敬老婆而唔係怕老婆嘅（不過我地背後都係用怕老婆呢個term, 我老公話好多年前佢地打緊最愛嘅fifa中途，佢都會走去打電話報到 etc)
1個讚