BK 蝗國果邊通常見到、呢類新聞或話題都例會話：『呢類事情日日都發生㗎啦，只係依家黑記集中報導，想唱衰政府之嘛 … 可恥 ! 
』 
依家不單細路壓力大，做家長都要心臟夠強大
我小朋友有年考全級第五，家長日時佢班主任話佢要再努力啲，以佢能力可以拎到級頭三，可以企上枱拎奬。我當時一離開課室，即同我小朋友講你呢個成績我地已經好滿意，已經做得好好，唔需要拎到級頭三同上到台
又有人同我講，我小朋友係讀書料，唔好浪費咗佢，再谷下中學target神校一定得，我聽下就算，我覺得叻都唔一定要入神校
但可能有啲家長聽到老師同其他人咁講，就會開行turbo谷個小朋友
10個讚
你好好呀，冇受人影響
香港教育制度每一層都受壓迫
辦學機構push校長，校長push老師，老師push家長，家長push仔女
1個讚
好值得家長觀看的一套電影
呢個真
不過我最近同一個老師朋友傾開計講呢個話題，佢話其實老師講呢句大部份都係隨口嗡
我覺得係字眼問題，令人感覺有壓力，好事變壞事…
我90年代初讀小學，當時都有啲三姑六婆aunties同我媽講你個女值得考更好嘅學校，我媽又真係去報，不過佢嘅諗法係考唔到就算，完全無幫我操卷
真正比人push嘅係讀書hea嗰個，佢小五上學期俾老師警告可能升唔返原校，結果發力入咗比原校更好的Band1A…
其實家長自己點睇件事先最重要，你做得好嘅就係呢點～
我覺得讀書唯一值得比小朋友嘅壓力，就係佢有冇認真去看待讀書呢回事，有冇盡力做好本分。
如果佢已盡力，但成績唔到，咁即係學校唔岩佢，或冇讀書才能，僅此而已。做家長要做嘅係比空間佢搵自己才能同想行嘅路。
呢個世代，真係唔係讀書好就大晒就一生無憂。我哋呢代咁諗係因為父母都咁灌輸比我哋。但出過嚟做嘢有咁上下歷練，仲未明個社會點運作咩？要攞張沙紙好易架ja, 比錢連海外大學證書都有；識人好過識字係真架，我見住公司d高層十個九個都係referral, 所以個細路搵到好朋輩更重要；如果讀普通科，讀書最叻果個可能都只係打份牛工，仲不如學一門手藝搵到食唔驚被抄。
小朋友有冇咁嘅志向、眼光同空間搵讀書以外出路，係睇家長有冇咁嘅視野同能力（好現實嘅情況）。希望各位家長共勉之。
4個讚
不應該用跑得幾快來決定條魚的能力，奈何香港社會大部分機會都不是比條魚去發揮，成日話行行出狀元，但做狀元咪仲難。社會係咁只有接受現實… 唉
以前資訊唔發達真係幾好。
我記得中學有個男同學識做網頁，放班相。人大咗各散東西到自己出嚟做嘢個網頁都仲係到，有時係個網頁見到自己都好想個網頁消失。 
係香港做家長好難避免跟大趨勢走，朋友個仔讀band 1A英小，每年學校都會收幾個外面好top嘅插班生，佢個仔成績冇差到，但由排名上面，跌跌下去到中游，因為每年插入嚟嗰啲真係勁好多，朋友最終都要妥協，安排個仔全科補習，因為怕唔可以原校升中
唉，小朋友真係好慘…
我自己做小學生嘅時候都有叻嘅同學，不過更多人係「認命」，知道自己唔會係考第一嘅材料，但都會老老實實做晒功課認真學習。
8成升直屬中學嘅話，大部分同學都不用補習，升唔到嗰啲已經係欠交功課／無心向學嘅同學。
宜家社會好似容不下普通嘅人，為咗升原校都要補全科…
1個讚
講起家長視野，其實我哋個代嘅家長教育水平更低，照計比現代家長更易做錯決定。以前啲老師都會幫手俾意見的（例如升中選擇），唔知宜家仲有無？定係家長已有自己嗰套，講嚟都無用？
老師會比意見，但啲意見可能唔夠以前純粹，未必只為學生需要而諗。例如：為咗提升學校升band 1嘅比率，建議啲能力未達band 1水平嘅同學揀英中
3個讚
我朋友個case有啲兩難，佢仔自己都好想可以同成班好朋友一齊原校升，但如果成績唔夠好升唔到，朋友擔心個仔去咗另一間學校會唔開心
我女一直係女校，佢同幾個同學成績足夠升中時揀間排名更高嘅學校，但佢地對母校有感情同唔想分開，都話會選擇原校升，不過我地未畢業就已經走咗，唔使做呢個選擇
我聽返嚟有啲小朋友係自己要求補習，尤其讀谷學校嗰啲，可能受朋輩影響
家長越呵護備至，小朋友對壓力嘅抵抗力越低。我有個朋友講得好啱，而家嘅家長同小朋友系玩具。
盡量滿足小朋友，一直留喺身邊，家長自己就好滿足好開心。要走出呢個諗法，唔係容易，因為而家嘅社會好多人都淨係生1個，個個都都係掌上明珠。
1個讚
的確係, 學校校長都想跑掂條數, 之後壓落老師度。
其實小朋友最需要嘅，
就係好似你咁，得到父母嘅肯定
該主題在最後一個回覆創建後180天后自動關閉。不再允許新的回覆。