個心痛到，天佑香港人
6個讚
「逾六成有醫療紀錄」即係點？即係SEN小朋友比較高危？
我有同小朋友講過呢啲新聞，我小朋友會同我講，有時見到比我或者爸爸「鬧」完（其實已經唔係惡、亦都唔係一錯就鬧），佢會諗如果佢自殺死咗、我地就會後悔鬧佢。
反而我細個同父母關係點差、我又唔會諗死、只會諗快啲大個做野脫離呢個家
我同老公私低下傾過個仔咁諗、我老公話佢細個講過想死、奶奶係即刻打開個窗叫佢跳落去、因為睇死佢一定唔會跳
2個讚
究竟係學生心靈脆弱
定係老師太嚴苛
2個讚
而家啲細路同我地諗法唔同
其實我睇自己個小朋友
又冇乜唔同
有得玩緊係想玩
溫書係比面父母、或者唔想太樣衰（叫佢問心係唔係鍾意讀書一定唔係）
同佢講前途將來佢好似聽緊但其實唔明你講乜
1個讚
父母都有責任
3個讚
究竟要幾咁絕望、先夠膽唔怕痛跳落去
1個讚
我親人個仔15歲，輕生離開了
好shock好痛心
唔知係因為學業或是被欺淩
舊同事經歷過抑鬱症，聽佢分享返，嗰段時間佢係完全唔敢行近露台，每次一見露台佢就想跳落去
曾幾何時，我係其中一個焦慮父母，認為有自傾嘅兒子做唔到醫生的話，就會一世玩完，一世都追唔到香港樓價買唔到5/6百呎樓。因為佢社交能力低，做唔到醫生做普通工嘅話只會因為唔識做人而升唔到職，一世營營役役而不得志，同我一樣。
直至離開香港… 我真係有點撥開雲霧，無咁擔心兒子將來，做唔到醫生咪做其他，買唔起大城市咪買遠啲唔洗困死自己買大城市嘅二百呎。
繼續留港的話，我相信有朝一日，唔係兒子跳就係我跳了
5個讚
係 細個一講跳樓 老豆即刻叫我跳架
所以細細個已經盡快想獨立
反而呢幾年情緒病 真係有諗過跳落去
但都係唔夠膽
學生咁決心尋死
背後究竟有咩迫到咁樣
1個讚
我覺得呢個就係我哋嗰代同而家嗰代嘅分別
以前我哋知道有出口，讀完書就可以脫離父母。
而家呢一代被催谷嘅細路都係溫室長大，成個世界剩係得返學讀書補習被迫上學課外活動，想像唔到出面嘅世界係點，直升機父母受過教育係絕對權威。佢哋每一日都係咁過，甚至覺得呢一世都擺脫唔到父母。冇出口嘅人生真係好恐怖。
7個讚
其實唔可以怪哂落學校度，家長亦都有責任
1個讚
反而我小朋友會話
一諗到大個要自己住就好驚
又話好驚升中學、唔想升
呢排有啲中學開放日、同佢行去左一兩間
佢又好似冇咁驚
又話好驚出嚟做嘢，好驚識唔到女朋友（！）
問我可唔可以一世同我地住
總之每一代有每一代嘅煩腦
即使我覺得佢個煩惱好無謂
3個讚
仲好有童真
我小朋友冇得催谷
但佢都會覺得自己唔夠人叻而唔開心
就算同佢講解「其實每個人都唔一樣」
佢都唔會完全理解
都會話有諗過「想死」
咁我都會同佢亂吹話自己好辛苦果陣我都想死傢，但如果死完再出世去咗啲打仗冇飯食嘅地方；又或者比人生完就掉咗落廁所比啲屎「own」住咪好大鑊
2個讚
細個幾窮幾唔如意都唔會諗個死字
其實都有可能係模仿效應，以為跳左就係一個解決方法
但無可否認，mental illness既學生多左，間間都有，而家除咗EP，學校仲會買CP, Psychiatrist 服務，仲要係缺市。
我接觸過啲MI學生，有啲真係呈分試谷爆，曾經有個同我講，個陣老師俾過百題interview question ，要幾日之內準備，做唔好就再重做，佢同爸媽講搞唔掂但爸媽只講個個都做到，點解你做唔到？最後爆左煲，爸媽都好後悔，但都反唔到轉頭。
仲有疫情，好多野無晒，而家又多YouTube 抖音睇，都對小朋友好多影響。
所以我成日提自己，讀完就去玩，成日陪佢哋玩，減壓。唔好出事先後悔。
其實玩唔一定減到壓，可以只係一時開心，事後更失落。最重要係同佢地傾計呀
2個讚
不過都係嗰句，如果做得出跳落去嗰下，一定已經係有情緒病，有病先至會做得出嗰一下唔會驚。
一個正常嘅人身體健康嘅人，係跳唔到落去。
其實真係好可悲。
1個讚