小朋友考曬試，大家就喺group約下聖誕假出嚟野餐，當大家夾晒人數日期時間，啱啱收到其中一位話會去嘅媽媽私下mgs ,話嗰日佢同老公其實唔得閒
，叫我順便湊埋佢小朋友一齊去，去完果晚湊返上去小朋友婆婆到就得。
我即刻答搞唔掂喎，仲昨故仔話佢知上個月睇唔掂漏低姑奶個仔喺地鐵、搞到好麻煩……
個媽媽好無奈話已經同小朋友講咗話會去野餐、冇人帶佢去一定好失望。
我又關心下人地兩公婆點解紅日都咁忙，問問下，原來呢位媽媽諗住去staycation 二人世界，所以「唔得閒」去野餐
然後另一個媽媽又私底下問我、呀邊個有冇叫你幫手湊仔，原來個媽媽死心不息揾咗幾個媽媽，仲情緒勒索話真係冇人幫手，就要腳痛嘅婆婆幫手湊小朋友去野餐。
最憎d咁既人， 絕對不會屈服
真係有人做得出2公婆去玩唔理仔女
重點係唔怕樣衰係咁揾人先勁
我自問面皮薄怕比人唱
叫得出口要人幫佢湊仔自己去玩先勁
講埋前傳，呢位媽媽有前科
已經係肺炎之前、幼稚園時期、試過大家約去離島、喺碼頭等、然後工人姐姐湊佢兩個小友嚟、點知原來姐姐係放假、放抵兩個小朋友就走咗… …
最後去完離島、有揸車朋友好心送返兩個小朋友去婆婆度啦、點知去到樓下打比婆婆、婆婆話啱啱先收工搭車返嚟、仲問點解係地咁早玩完
、唔係食埋飯先返嚟傢咩
老奉之餘仲要講到小朋友失望係你地造成咁
幼稚園咁細已經放心俾仔女自己跟人玩，痴線喎
我女小學都未好放心俾佢自己係人地birthday party玩
叫佢自己補錢俾姐姐唔好放假囉
再唔係直接KO佢，叫哂小朋友們上去同佢一齊staycation 
一啲都唔順便囉，幫人照顧小朋友咁大責任，我真係十分鐘都唔會幫人照顧，一陣整親都唔知點算。
俾我真係唔會仲作故仔幫佢落台，我會話照顧人哋小朋友好大責任，直接唔預佢野餐算。同佢講無得去野餐但有得去staycation，小朋友仲開心，扮傻。
離晒大譜，踢佢出Group啦
你啱，佢呢啲人都係持你唔好意思拒絕
應該要不留情面直接話唔會幫人湊仔
反正佢都唔要面
我果個高小都唔放心
驚佢整到人、小朋友間又可能推推撞撞
玩遊戲又可能突發會唔開心要即刻處理情緒
呢種人早啲反面好喎，費事次次要搵藉口推辛苦自己。
因為呢班小朋友之間感情幾好、就算就有幾個移咗民、佢地自己會喺zoom約埋一齊傾計
我淨係識盡量避開呢個小朋友嘅父母、譬如呢個媽媽單獨約我出去玩，我係會推。
其實小朋友好慘，因為咁少咗好多同朋友玩嘅機會。
唔使呢d複雜野，一句要去廁所家長係度都要帶佢去啦
吓，放低兩個幼稚園嘅小朋友，家長唔出現？
比我實唔會接手，我會叫姐姐帶番兩個細路比佢哋父母，如果個姐姐堅持走，我會話call police，話唔可以隨便放低小朋友向街
事前無提過，當日就咁叫姐姐放低小朋友就走？俾著我以後唔會約佢
我唔知有冇認錯樓主，之前有個post講家長同仔女去樓主屋企，唔肯走，樓主仲要煮埋麵比小朋友食。係唔係同一個家長（如果係同一樓主）？因為我覺得唔肯走家長，同staycation 家長個格好似
哇好核突呀，咁都做得出