【追星旅遊】當追星成為一種必需，一種文化，一種潮流，所掀起的旅遊熱潮，可謂勢不可擋。Taylor Swift在洛杉磯郡舉辦六天演唱會，能為該地GDP（本地生產總值）帶來龐大增長。這股「追星旅遊消費」熱潮，只是剛剛開始。根據旅遊平台Expedia月初發表的調查，全球跨國追星熱潮持續，而香港人的追星熱度，更榮膺「世一」。https://mpweekly.hk/xYWfm
今年九月中至十月初，Expedia以問卷方式調查全球十四個國家及地區總共二萬名旅客。結果顯示，近七成受訪旅客表示，他們比以往更願意到其他國家或城市欣賞演唱會，超過四成更指會因為演唱會而到訪從未去過的地方。
兩萬名受訪旅客中，有一千名是香港人，高達八成受訪港人表示，會到香港以外的地方欣賞他們喜歡的歌手表演，一成六人更表示願意飛往亞洲以外地區一睹偶像風采。調查指出，香港人平均願意支付超過12,000港元去旅行和觀看演出，近兩成人更表示會花費20,000港元或以上「追星」，願意豪花的人數比例，冠絕全球。
追星，原來可以追到天涯海角……為了追星，你又可以去得幾盡？
圖片：法新社
－ － －
唔知呢度有幾多人願每月豪花兩萬追星，我就肯定冇
以前鍾意Leon，最大消費都只係買concert飛同專輯，會用佢代言嘅流動電話供應商服務，fans club從來都冇諗過入
依家鍾意姜濤，佢代言嘅產品真係岩用先會買，如果佢嚟英國開solo concert，應該幾貴都會撲飛去睇，最估唔到係入咗佢fans club
我家姐個女以前追韓星，係會專誠飛去韓國追，花費不少
我唔知點算toxic同盲粉，冇一條界線或規條去定，但肯定追星文化可以帶動GDP，Taylor Swift決定去某國家開concert，原本已安排好嘅公眾活動都要讓路俾佢開，就知佢帶嚟嘅經濟效益幾咁吸引
Taylor Swift London concert ticket £5xx - 1xxx，呢個價依然大把人爭住睇，我女同學一家5口買咗飛去睇要花費3000幾鎊，仲未計出London嘅其他消費
好難買wor
佢咁都買到真係勁
好似話Taylor Swift喺新加坡開5定6場
要抽籤買飛
我等緊我鍾意嘅歌手嚟香港開演唱會
如果等唔到
唔排除會飛去英國睇
有報導話佢之前唔知去邊個地方開演唱會
搞到當地嘅酒店價格升咗唔少
如果要買機票去睇演唱會之類，真係可以洗好多！
以前鍾意日本明星，會買關於佢哋出既產品、雜誌(就算唔識睇)CD,DVD,演唱會，但冇錢飛去睇
唔知係咪識人買，同埋我唔知佢係咪買最貴嘅飛所以易買啲，我講3000幾磅係用最平嘅飛價去計
追星追到去海外，真係可以花費好大
本地追星慳咗機票錢，不過如果狂熱又花得起都可以係好驚人
朋友本身都係名牌愛好者，最近姜濤出席嗰個珠寶名牌event，佢之後就買咗2件姜濤戴過同款首飾送俾自己同個女，好誇張
娛樂文化產業，韓國真係做得好成功
試過一次飛台灣睇演唱會，因為當時覺得個歌手好難會喺香港開到。台灣近近地，都已經洗唔少
，但有得順便玩都係開心嘅～
以前去日本睇淨係買飛都2皮，未計其他
Say個hi，我以前都係Leon fans
之前飛去Paris睇blackpink，順便玩埋當去旅行都ok嘅
By the way我同朋友都覺得個concert唔得，全場hea跳hea唱，不過佢地好紅好受歡迎又真係抹不了的事實
從來冇特別鍾意外國明星，香港果d都係去concert, 買CD, 入fans club參加活動咋。不過細個冇乜$，鍾意都豪花唔到
我鍾意應援做善事個concept多啲
身邊有好多人追得好勁啊，周圍飛睇concerts
其實我今年年中好雄心壯志要快閃台灣聽一次五月天跨年
不過應該都係去唔到
我就係快閃由英國飛返香港睇咗幾場姜演唱會 
，我平時唔係大駛嘅人，不過我覺得人有時瘋狂下開心下有乜所謂，睇完真心覺得好值好滿足
我試過飛去北海道睇Arashi演唱會，順便玩咗6日
買飛用咗二千幾蚊/2張，機票萬幾蚊/2人，酒店萬幾蚊，未計其他洗費已經3萬幾
真係因為睇演唱會先飛北海道順便玩埋架，但一年都去唔到1次，所以我個人覺得可接受
係喎，記得你好似都係嵐飯，以前啲飛炒到勁貴
後尾果幾年改做實名抽飛先用正常價買到，但都要比代辦fans club同抽票費
我都覺得香港人真係好捨得揼錢追明星，諗起軟硬天師 廣播道FANS殺人事件
以前做學生時冇乜錢追星，最多買下CD，睇下演唱會
嗰時見我家姐追日本歌星，追得好貼買好多佢地嘅嘢，好捨得使錢，仲試過飛去日本睇演唱會
我都覺得香港人好捨得使錢追明星，我有幾個朋友喺英國澳洲特登飛返香港睇姜concert，之後又跟飛去台灣
我fd美國睇完BP都話離哂譜好唔店，同埋話好多中國/亞洲留學生，外國人少。
