我有幾個同事都有follow mirror 官網ig 和12子某些成員ig，但主辦單位無post 上去，是post 咗去一個我地完全唔知存在緊的ig（請看下圖）
只怪我地對mirror 唔夠死心塌地，竟然有漏網之魚都唔知
我又分享下類似經驗，唔知你有冇聽過2019年Matilda 音樂劇嚟香港演出事件，當年我就係經快達票買咗兩張飛，諗住帶呀仔睇，記得係九月左右響演藝學院公演！嗰個音樂劇係由一大班小朋友做主角，英國安排大小演員嚟香港演出，但當年主辦單位Lunchbox Theatrical production 都有響香港招本地小演員參加某D角色！點知後來因為發生社會運動，英國嗰邊臨尾決定唔嚟香港，結果演出取消咗！起初香港Lunchbox有響fb講遲D安排退款，點知隔咗一個月都未有聲氣，又冇更新fb，開始有人留言話英國新聞講Lunchbox母公司有財困，之後有人剷咗上Lunchbox香港office，發現已人去樓空，打去問英國Lunchbox，就話香港Lunchbox係獨立公司， 只係香港地區演出嘅代辦，同佢哋無任何從屬關係，所以香港退款唔關英國事！快達票就話主辦單位冇人出面交代退業事宜，所以退唔到錢，咁之後當然有人報警，又當然話唔關佢哋事，叫人要去消委員投拆之類！
最終，竟然係演藝學院出嚟攪咗條數，經快達票用信用卡俾錢嘅算好，因為快達票自動入返錢去信用卡度，但俾現金嗰D就要響限期內申請，你話有冇人收唔風，最後退唔到錢？一定有啦，嗰陣仲要冇今次mirror演唱會退票咁多香港新聞講添！我唔響香港，冇買mirror 飛，又冇like你話miss咗嗰個IG，跟本連IG都冇乜點睇，但我都知有退票哩件事！如果你話唔知，肯定係冇follow 新聞啦，連自己生活嘅地方都唔去關心吓，係咪咎由自取？話哂佢自己嘅權益，都唔自己主動爭取，乜like 咗page就包保一定會見到？嗰個唔係email，你都知社交網站咁多資訊，睇漏就飛咗去㗎啦！好恨攞返錢嗰個應該係佢自己，而唔係makerville或者其他人吖嘛！既然咁在意D錢，就算唔可以日日check住官方page及搜查「Mirror 演唱會、退票」字眼，起碼都一兩個星期做一次啦，佢竟然可以坐喺度等嗰消息自己彈出嚟，仲要賴人哋冇從佢follow 開嘅平台宣佈，唔明咩邏輯
12個讚
睇完你呢段嘢, 好爽呀… 俾個like 
你…
3個讚
其實樓主都幾…. （自行填充）
支持你出律師信！
1個讚
其實我都冇follow makerville
但我知要去辦手續換飛
呢間公司係好多野做得唔好，但一單還一單，退票安排佢的確有循不同渠道公布，樓主or樓主同事自己冇留意，就不能怪罪於公司度
我唔會因為本身對呢間公司有不滿就咁易比人影響到自己睇法，更加唔會順勢踩多腳
1個讚
佢連網都唔上，send email有咩用
1個讚
https://www.instagram.com/p/Cz73l-gL60o/?igshid=MzRlODBiNWFlZA==
樓主，最後機會退飛啦，貼埋IG post俾你，你退唔到唔好又上嚟呻
4個讚
好似一早可以退票. 但亦可以選擇保留換票.
東張西望可能幫到佢
1個讚
都係個句忠粉又點會唔知換飛或退票既事…
唔好話忠粉, 我唔係, 但我身邊有粉, D粉都不斷講啦… 都唔明, 真係自己無錯, 錯一定係人哋…
1個讚
我見到都諗起呢個post, 幫手推比樓主睇
謝謝通知
我2位買了飛的同事都 join 了苦主群組，也日日上網睇，所以今次她們很早知道退飛消息，快過我上來BD 
岩，放番啲飛出嚟，鏡嬸想要
我已有尾場，想睇多場頭場，趁佢哋未唱到爛聲
一定，我同事話自己退埋粉，留返啲飛比你哋
有心咁耐推番上泥
更係要話晒係度都留過毛，人地都聽到
佢地既聲音，唔好話人呃錢。過埋今次
真係無得怨啦.
該主題在最後一個回覆創建後180天后自動關閉。不再允許新的回覆。