見佢辛苦難受我都好sad
佢點難受法？
怕生保
面試要自己跟一個老師入面試房，冇其他細路，佢好驚
佢warm up 咗會好啲
喺學校門口都ok，但入到課室前，自己入面試房，就搞唔掂
過往3年幼稚園係點？ 喺幼稚園時社交如何？幼稚園老師有咩評語？ 我仔in 幼稚園時完全唔掂，經過3年幼稚園（網課多），再加上大個咗聽得明道理d, in 小學表現唔錯。
佢課堂表現OK，學校會自己主動搵小朋友玩，亦都有固定朋友。我間學校係happy嚟嘅，好少講佢有咩唔好，係話佢要speak up多啲
以我自己觀察，佢平時都係要睇咗其他小朋友做咗先，佢先夠膽自己做嗰啲。而對住啲唔係班主任嘅老師，佢都會好怕羞
面試相向，建議可以話俾小朋友聽，呢個你嘅機會睇下你中唔中意嚟緊嘅新老師新學校新環境。事前俾多啲心理準備，例如大概會見到咩人，被問咩問題
好，會加強呢方面
事實上每次面試我都叫佢當練習，就算唔鍾意都好。咁見到真係鍾意嘅學校，就會識得發揮。
如果小朋友慢熱，真係要提早半年俾佢參加多啲show & tell或者join 多啲唔同試堂適應下去陌生環境時會點，而家應該係面試中後期，唯有心理輔導同奬勵多啲，萬一下年要叩門，而家就係最佳嘅訓練，盡力而為啦，始終小朋友性格好難改，加油
唔好意思，見你小朋友讀happy school想請教你意見。
我囡囡都係超級慢熱+觀察型，佢學嘢好快，但出到去就唔敢望人，我好擔心升小面試佢完全表現唔到自己能力。
我糾結緊應該揀學術型幼稚園，但係大班+傳統教學，我擔心佢變得更壓抑更內向？
定係揀happy愛心幼稚園(eg靈糧)，真係可以幫佢增強自信，變得外向，面試表現好啲？但就要外補返學術…
定其實呢種性格難以改變，happy school都唔會有幫助…
我朋友個女完全係呢種型+小小分離焦慮，揀左靈糧。佢係靈糧練到自信，但出到去interview 仍然係怕生，要媽媽陪入課室，面試唔講野。到最後佢媽調整期望，練做卷攻叩門。
同埋如果揀靈糧，一定要自操學術。for你女女，可能加埋面試班，等佢熟識個面試mode, 容易開口講野比較好。出面直私校長講明，如果你黎interview 唔講野，好難比分你，所以要考直私，起碼開到口先。
多謝你分享！我個女都係好痴身，返咗同一個playgroup半年都唔敢同老師交流，咁睇嚟就算返happy school對佢面試幫助都可能不大，仲要犧牲咗學術。
我都要調節心態
佢呢種性格考直私都係無望，可能全投資學術+面試班扣門比較好…
或者可以考慮讀／插龍幼。我另外有幾位朋友見唔對路，k2插女龍，有back up 就考小無咁大壓力，到時有better offer可以走，無better offer都有band 1龍校做back up. 朋友們最後佢地都揀直升。
如果你小朋友仲玩緊playgroup 即年紀仲細，可以再觀察下再講。
基本上呢家d人有龍讀龍，因為考小有太多不肯定因素。即使個小朋友平日多野講，都唔代表佢入到間學校會合作會表現好，所以如果真係要玩考直私既遊戲，考慮周詳d比較好。
無錯，我都最希望佢入到龍幼，以後唔洗再煩惱面試，到時會報多幾間試試。不過睇佢n班面試都好驚青，表現頗差，所以對入龍幼都唔敢抱期望。
佢而家歲半，返咗半年pg，每日都有帶佢出街，但冇乜改善。可能同班同學都勇於表現，有對比之下，令我過份擔心
請問朋友女女都係慢熱，鍾意坐定定？如果唔介意，可否分享下邊間龍幼會收？我暫時只知德望、真光、spk應該比較傳統。
好多謝你俾咁多意見
朋友們插坑真聖心，女女性格偏文靜lor, 學術一般既，我唔覺佢地好被動或主動，正常小朋友一個lor.
spk, 唔試唔知時運高，點都考左先，再聽天主安排。插既話唔使in個女，但要靠家長努力恆心寫信去搏個位。
GH就唔知了，呢間要研究升小率。
1個讚
我仔當年係疑似亞氏保加，眼唔望人
我每次面試前一星期開始預備，話佢知幾時要做d乜，日日講… 佢先叫做無臨場發癲，裡面咩情況已經唔重要，佢都有YW/DB/GT 2nd in 架，不過就DB 場內出事… 最後係SFA收，因為唔考 “面試表現”
其實孩子有孩子自己嘅路要走，我作為家長，只係引路，想法子增加選擇機會，最終佢地自然會行出屬於自己嘅路
relax 啦~
2個讚
明白，呢幾間都會盡力試試~
聽完你分享冇咁擔心，thank you！
我果個今年都報，不過我報既係一定有位既幼稚園，佢都想收多人果種，咁樣就無咁大壓力，除非表現差到極點者（我都有去開放日，有做功課，覺得唔差先報，唔係求其搵架）
聽日又in間second choice，又係多位剩，換校長見到有心做，點都好，唔好俾壓力自己
我小朋友返playgroup己經知係超慢熱型，條友仔仲要係超唔合群型，係playgroup一大班小朋友堆埋一齊玩玩具，我個件令令丁丁坐埋一邊睇小朋友玩，對人對玩具對遊戲可以完全無興趣咁，真係超唔正常。
知佢超慢熱，又咁啱我朋友有幫佢小朋友上才藝班玩下話劇，我又幫我小朋友報埋一份玩。玩咗幾堂又表演過下，同人相處唔怕生保肯講嘢係有改善，加上幼稚園都參加好多活動。所以我小朋友係小學面試上都唔太驚。
入去面試前半個鐘，俾一粒糖果小朋友食，可以令小朋友心情好的。但唔可以食太多，因為萬一sugar high驚會失控。