唔知呢種hormones幾時先可以無，我驚我出聲又直接，唔出聲又自己諗埋一邊。
佢完全唔識啲牌子架。啲衫我俾咗我媽睇，佢都話有啲老土。不過算啦，我留返係屋企著。
煮野食反而我奶奶就叻，我知佢會做得好。
我成日自己幻想會有好多小問題既拗撬。唔知係咪我諗多左。
因為我老公咁大個，我奶奶都成日叫佢著多啲衫，驚佢凍親。雖然我老公都唔聽佢講。驚佢都一樣管我個仔，迫佢著衫。
如果對住我重視既野，我有時講嘢都好直同好易認真左
係諗多喇，到時先算啦！
唔洗諗咁多啦
自己心平氣和諗下，聽你咁講奶奶都係好好的，想想佢嘅優點，你你就會包容其他不足。
自己心態上set boundary：佢買咗唔等於你要用
如果佢有時問到點解冇著，有冇影相，虛應話污糟左洗緊。某啲佢keep 住提嘅先得閒著下
1個讚
肯出錢出力唔係得把口真係算好好架啦
奶奶錫孫咪幾好
我奶奶又唔係唔鍚D孫，不過我仔去到1歲半先買過一件衫比佢，而家我仔都5歲，買過比佢既衫5隻手指數得到。雖然我都覺得佢買既野會唔啱我feel，不過買得咁少又真係超出左我想像
我都試過，第一下梗係想盡辦法想唔著+唔想佢再買啦！
但慢慢自己諗通左，幾唔鍾意奶奶都好，都唔係仇人，基本禮貌一定要有！每次見佢都會幫小朋友換佢買嘅衫，等佢開心下，畢竟長輩對小朋友嘅心意係真心嘅！
如果邊件真心接受唔到嘅，就影張著左嘅相send比奶奶，扮今日著麻麻靚衫去街街，多謝麻麻…
（其實換第二件）
我唔想一時意氣行錯左將來諗起會後悔，特別係另一半全部會看在眼內。
1個讚
我都係，但到時奶奶會幫手睇住工人。未生已經擔心好多。奶奶應該會湊得多過我。
當睡衣著
係，好在我諗諗吓其實我買既衫比例上都係多過我奶奶好多，應該大部分都係著我啲衫既。同我老公同朋友都買左好多衫俾bb。
我奶奶買完影相俾我，講左句bb新年著既新衫，搞到我勁唔想佢新年咁著。出街我會著返我自己買個啲，新年夜晚係屋企先著佢個啲啦。
其實我老公都算神隊友黎，佢知佢媽既品味同我哋唔一樣，所以勁早就自己買哂bb車，同床，揹帶個啲。之後奶奶想幫輕下我哋所以俾咗錢我老公。
我之後應該都應該用呢個方法，咩都早啲買定先，咁就一定啱我心水。
1個讚
我奶奶都係，成日買Nicholas & Bears 啲衫仔俾個孫，但係9成9都揀晒啲奇怪款
好在佢唔會記得自己買咗咩款，有啲都著到嘅，有啲我覺得唔好睇嘅就送俾人（如果有人鍾意）或者捐咗佢
你奶奶咪醒目囉，知道買衫俾孫只會得到新抱嘅憎恨
佢唔買都算，但成日都講話想當年會買D貴衫靚衫比佢個仔。個下我諗，佢係唔係串緊我，但係我仔既衫都唔係差呀。
Anyway, 奶奶咩都唔做都有好處，大家保持適當社交距離
奶奶工人格湊仔煮嘢，阿媽時代派品味高一層
奶奶買嘅全部衫一律喺屋企當睡衣著
我後尾睇返奶奶去日本旅行個陣係有買到得意既。但佢今次去大陸，買左啲勁老土。佢話係大陸既大百貨公司買。
我覺得呢個牌子算好睇。咁都買到奇怪款