我有一d紋身, 請問有紋身嘅爸爸媽媽們, 你地會唔會遮住佢?
謝謝
有紋身唔做得家長？ 你連自己都睇唔起自己，其他人點會尊重你呢？
4個讚
我冇睇唔起自己, 不過想問吓大家意見
雖然我冇紋身，但如果有我唔會刻意遮住，而家呢個年代，紋身對我嚟講係藝術
但明白有啲人仲係好old school好刻板，所以都係睇場合啦
4個讚
人地點睇你阻止唔到，你無可能要求所有家長接受，最重要係你願意接受對邊睇法
1個讚
俾個客觀啲嘅意見你，係唔介意人哋點睇同考慮家長老師點睇之間攞個平衡
如果大型龍虎鳳紋身，俾人感覺係社團嗰啲就遮咗佢
如果係美觀或有意思嘅小型紋身，就冇乜所謂可以唔使遮
11個讚
謝謝.
我會照著得formal, 但唔會刻意遮住
1個讚
好嘅, thank you 
謝謝.
因為聽日係選家教會常務, 我係後選, 頭先老師打嚟話可能要上台謝票同講致謝詞
有啲地方我個人思想會保守，呢啲情形我會遮一遮，就算露都最多露少少。
咁仲好啦，有機會發言講下嘢，打破啲老土怪迷思，唔使以為有紋身嘅人就一定係某一類人句句粗口唔上得檯面。
3個讚
我會遮，無謂嘥時間諗，唔洗煩。
2個讚
我本人唔會介意，但我唔否認第一個觀感一定係會有d睇法
如果係我，我會盡量著的斯文莊重d 但唔會刻意遮住
斯文得黎又豪邁／藝術
但如果係舊年代果類黑社會style紋身，咁我會遮，係太out既原故唔係因為個紋身。。。。
6個讚
你啲思想唔好咁守舊啦！唔通有紋身就係壞人，冇就係好人咩
2個讚
明白, 多謝你
有啲老師真係好守舊，因為佢哋成世人就係係學校入面，以前條裙唔過膝頭，著平底婆仔鞋，天生頭髮啡啡地(唔係金色）都俾人當哂壞人。個陣係傳統女校。
1個讚
我見啲幼稚園老師都有紋身，啲老師無特別遮遮掩掩
個紋身唔係意識不良，唔覺得有咩問題
除非你紋嗰啲有社團味嘅青龍白虎
係，始終你唔會知人諗乜。
所以我係樓主一定會睇咩場合咩地方做啲咩去著衫。
如果學校旅行我一定唔會理，手瓜起腱show晒紋身出嚟型下，露埋心口條事業線tim。
既然你自己都有遮一遮佢諗法就去做
1個讚
既然係老師邀請就冇問題，努力寫好講稿力證自己係有文化有修養。
除非係左青龍右白虎好誇張嗰啲，否則都冇乜嘢。不過遮下都令你感覺安全啲。
老實講，我諗大部份老師寧願同個有文化嘅紋身人士講嘢，多過想同一個身家清白但八婆又多投訴嘅家長。
3個讚