真,我試過係公司不停上樓落樓做唔同野,一粒鐘內已經3000步
我之前都是沖涼前先做瑜珈,日頭湊小朋友跟功課太忙,都是食左飯,再用洗碗機先空到時間出來
不過我層次只係做啲簡易動作
可唔可以前一晚煮多少少餸,之後個晚淨係煲飯同加熱d隔夜餸,可能一星期食一、兩次隔夜餸,雖然冇咁健康,但可以慳少少時間
把握煲飯時間,做個初階tabata ,我自己冇做開運動,覺得做一套4-20分鐘tabata 都已經爆汗,好夠運動量
坦白講,懶人就多藉口既,我自己都係咁,左諗又諗今日又好似手有D痠都係唔好做喇,好似早幾個星期膝頭韌帶拉傷果度又有D痛喎。
的起心肝愛自己,就算老公TIME都可以抽少少時間出黎,睇住電視都可以郁動下,又唔係要自己哩埋房先做得既野黎既。
依條12MINS
去YT SEARCH “TABATA” 短到4MINS既都有
無辦法架,時間就係咁多,食一餐外賣就可以多一段時間出嚟,你想係用嚟休息、定係做運動,你自己揀
我就會當呢段時間係me time,做自己想做嘅嘢,今期係返學上堂,上一期就用嚟打泰拳,呢段時間係比我放空唔洗煩屋企/細路/副業嘅嘢
正所謂想做就點都抽到時間
1個鐘都抽唔到?
無話犧牲唔犧牲,睇動力同心態。
陪老公time 一齊睇電視
睇電視時踩樓梯機 時間好快過
坦白講,懶人就多藉口既,我自己都係咁,左諗又諗今日又好似手有D痠都係唔好做喇,好似早幾個星期膝頭韌帶拉傷果度又有D痛喎。
的起心肝愛自己,就算老公TIME都可以抽少少時間出黎,睇住電視都可以郁動下,又唔係要自己哩埋房先做得既野黎既。依條12MINS
https://www.youtube.com/watch?v=ttkq49P_7ds去YT SEARCH “TABATA” 短到4MINS既都有
同意,我都係咁。
天熱又怕熱,陰天又怕等陣落雨
f60d34fd32491c1f0670:陪老公time 一齊睇電視
睇電視時踩樓梯機 時間好快過
我就舉下啞鈴,拉下筋。
未必好耐㗎。旨在郁動下
我就舉下啞鈴,拉下筋。
未必好耐㗎。旨在郁動下
係呀 最緊要郁下
郁得多 會少啲周身骨痛
每日630起身返工,810返到開工,lunch 一小時夠食飯就唔夠去運動,放工返到屋企6點鬆啲,即刻煮飯。食完飯執好晒大根8點,之後就沖涼洗頭,每晚10點或之前瞓
請問點可以啫時間出嚟?
一係就weekend 早上但又好想瞓晏啲
淨係睇weekday routine
早8mins起身拉筋weak-up body
lunch - 用40mins食野10-19mins散步
返到屋企煮飯前抽8-15mins做運動
8點食完飯去散步15mins
唔係全部做晒已經每日都有最少8mins運動
1030就訓,係訓著定碌上床玩電話跟住先訓?
630起身係死碌爛碌先起身定鬧鐘響左就即起身?
諗下自己係懶定係真係無時間
yt好多睡前床上運動,幾分鐘就完成,唔係帶氧運動唔太出汗,好適合冇咁多時間做運動嘅人
我諗我係你既話, 會揀沖涼前 或者瞓前做yoga
我就幾鐘意睇呢條片做, 想做耐D就正常時速, 想做快D就就較1.25
叫你老公食完飯執碗洗碗, 佢都要運動下架嘛
一係就你搵日準備好D食材, 一到屋企就唔使再切切洗洗
咁返到屋企又多20分鐘自己時間
樓主時間表有少少緊張,去到外地都咁忙
但算早瞓(我冇1點都唔瞓)
或者可以研究吓每日抽住10分鐘試吓先,慢慢加上去…. 瞓少10分鐘得唔得?朝早用少10分鐘縮短出門口時間?
同意樓上講懶總有藉口,因為我都係… 分享自己經歷
疫情前開始肥咗,雖然高峰時期唔係超肥,但都成55kg / 153cm高…. 仲遇著我細佬結婚,嗰時為唔想肥著衫唔好睇,的起心肝做運動,日日都郁動20-45 分鐘,一個月行兩次山。
有成果既
但而家變咗一個月做一堂瑜伽,個人係忙左但我知係自己借啲咦啦
咁就而家搵方法搬自己去gym乜都好
我都鐘意睇呢個yoga channel, 食完飯沖完涼做back stretch
做完鬆哂 又好瞓啲
其實你哋講得啱,想做就做到,我個priority 無放得咁高,又唔肯早起又唔肯犧牲陪老公時間,所以攪到好困難
我而家打算同老細講一星期返4日,起碼有一日我自由d 可以唔使犧牲瞓覺同陪老公嘅時間,天氣好可以出去跑,凍就室內yoga
2 choices.
- 5:30起身。
- 夜晚果餐唔食。或求其食。
我同你既作息時間差唔多,但我每星期二,四會5:30起身跑步。用早一個鐘起身既時間,換取整日及長期既身體健康。當然,初頭會比較難起身,但慢慢就會轉成習慣。最緊要堅持!