我呢個post好明顯唔係講緊富幾代
老老實實，經BNO嚟嘅都唔會係富幾代嘅人啦
3個讚
明呀 之所以有咁多唔同意見 原因應該係出左喺"返工"呢兩隻字
樓主個case 係本身個人就廢??
如果佢返工 個人就無咁廢 … 同意
所以總結左 (所有?)男人唔返工 就等如廢 … 不同意 (可能誤會左啦 應該不只有我誤會 如果係男女平等 改左做 女人唔返工就等如廢咪好大件事?)
1個讚
不如咁講, 如果本身佢本人已有好多錢 (不論係繼承父母家財既富N代, 定係佢自己賺番黎去到財務自由), 咁佢日日屋企上網打機唔做野, 最多話佢響外人眼中係"唔長進"
但係你細佬個case, 只係靠父母供養去過佢日日屋企打機既日子, 佢自己本身無錢又唔出去做野, 呢個已經係去到責任心既問題 (佢唔覺得自己有責任搵工去養活自己), 或者已經去到"啃老"
2個讚
咁我屋企物業都係會留俾我細佬嘅，係佢角度或係人地眼中，佢下半世都係不愁衣食
我睇法責任心唔剩係對自己，結婚前對原生家庭，結婚後對自組家庭，甚至係對社會
係囉 其實無經濟能力 又唔去搵錢 … 都無咩討論必要啦
1個讚
有腦聰明（呢度會員金句
1個讚
真係唔公平，點解層樓一定要留比個仔唔係女，離題
同意, 我覺得可以另外開一個post,
“點睇女人唔做野, 日日都響屋企插花” 
2個讚
同意, 可惜你細佬連對自己既生活開支都唔想負責, 更加唔似會為原生家庭負責 (不論係照顧兩老, 定係拎家用番屋企)
俾我會直頭叫佢唔好拍拖喇, 陣間搞大人地個肚, 就算唔結婚都係累左人地個女
1個讚
我地係同意嘅，我自己都好錫佢，佢讀大學時我同家姐已出身，我都有俾零用錢佢
咁我父母其實冇偏心嘅，個個都有供去外國讀書，我同家姐自己都有搵錢能力，況且依家佢係陪住兩老生活嗰個，留俾佢都合理嘅
如果佢冇做過野無交過ni, 老左都應該攞唔倒福利喎，係咪呢？
斷佢經濟同踏足職場後，佢個人成熟同生性返晒，呢幾年我阿爸老人癡呆，佢有好盡心盡力照顧，佢依家同兩老住，我估大部份家庭開支都係佢出
5個讚
大家識咁多人唔愁開飯就唔做野？我又講吓另一啲例子
第一個，伯爺係台灣某政黨創黨成員之一，屋企幾代有錢有面。 佢讀完書做工程師 ，人到中年仍繼續工作。 雖然見佢日常生活比起其他打工仔離地，但上頭俾嘢佢做佢照做，交到功課。
第二個，屋企喺香港開細銀行（幾細規模都好有錢啩），喺公立醫院做醫生，勤力有醫德，對病人有耐性，肯花時間解釋病情，開解病人。
呢兩個有錢人都係好humble, 從來唔會掛喺口邊自己有幾與別不同。 含著金鎖匙出生， 冇辜負上天賜比佢嘅幸運，踏實工作，將自己嘅時間貢獻社會。 好佩服佢哋。
6個讚
我有合理理由懷疑你針對我
9個讚
呢啲人先冇辜負上天比佢嘅幸福，有善用自己嘅學識、能力、時間去貢獻社會
希望呢個世界多啲呢啲務實嘅人
2個讚
其實我都覺得係，我唔打機既，但點解打機就係廢，做運動就ok好sterotype。打機都可以打到去比賽啦。咁我唔打機不停旅遊又得唔得呢。
同埋我覺得做唔做野，可以好階段性。姐係有錢既，我突然呢兩年想chill下咪chill下。唔係一定要成世人，每分每秒都有野做掛。The time you enjoy wasting is not wasted。
再講做嘢都係一個好籠統嘅idea。唔通expect一個好有錢既人一定要打份牛工。
再申延咁講，宜家啲人成日話要躺平啦，唔消費啦。但唔返工就唔得。係咪好矛盾？姐係做社會齒輪就得，但自己想enjoy下都唔得，仲要幫社會諗埋係咪有貢獻
4個讚
我明你講咩。但你個例子細佬唔返工係透支緊屋企令自己爽。
我個種話有錢可以唔返工，係可以自給自足，佢有錢自住，請工人幫佢執頭執尾，自己鐘意打機又好，咩都好，我覺得無問題。
2個讚
同我覺得迫人有錢有能力個陣就一定要成立咩基金去幫其他人，有啲共產feel。當然我一定歡迎有有錢人對社會有貢獻啦，但都唔可以道德綁架人哋要咁做。
4個讚
底藴唔係軟飯王裙腳仔