認真用心答…
如果上網 百無聊賴 無嘢學到 日日腦退化中
係 都真係(在旁人眼中)幾無用 幾廢
(其實好似做人要返工才正確 咁我用"職業"黎代替"興趣/啫好/細藝")
選擇上網做職業既 如果無打好呢份工 幾廢 唔理佢有無錢
選擇打機做職業既 如果無打好呢份工 幾廢 唔理佢有無錢
選擇ftm 做職業既 如果無打好呢份工 幾廢 唔理佢有無錢
選擇"返工"做職業既 如果無打好呢份工 幾廢 唔理佢有無錢
咩叫打好呢份工 其實我都唔知
或者係每日有進步卦 吸收多左資訊卦 智識多左卦 …
有個強烈感覺 如果呢條題目問發哥 佢好可能會咁答…
“打機上網?! 好呀 千祈唔好偷懶 勤力D 最好直頭蹖晒個頭落去 俾鬼迷住咁就啱嗱”
可能好多人睇過 想(再)分享呢篇文章
人生如戲～說發哥
人無癖，便無趣。人無癖，就活得百無聊賴。人有癖，功夫花在所癖之事上，物我兩忘，不是高人，便是妙人。
其實舖王個仔都算上進既 開拓新事業 不過真係算做幾唔好彩 疫情+長期封關真係點算都算唔到 加埋佢家族投資槓桿大 轉唔到身
即係如佢地保守小小 又或者似人地一早開關 佢家族都唔使搞到好似依家咁 仲要無左老豆就少左好多人俾面 … 天意卦
補返: 鄭家純就真心唔掂
一樣會
廢係唔關副身家事
我知 我feel到你頭腦好清晰的
佢地家族不停散貨都過得好過99%嘅人 
我剛剛google/wiki, 已搵唔返當年D事跡, 新世界應該洗晒太平地
普通人廢最多影響自己、老婆仔女、親戚,
但有權有勢有錢嘅廢就慘, 要好多人幫佢地埋單
三四十歲沉迷打機到放棄工作/家人的男人, 多數好後生時已經係咁? 咁一開始仲會被這類人吸引?
我又唔覺得有乜問題
每個人有每個人想過嘅生活
只要唔攪到其他人就ok
人生意義每個人都唔一樣
好似僧人每日念經冥想又係唔係不事生產?
又或者每日營營役役做野搵錢就叫好充實?
唔係偷，唔係搶，又唔係要你俾錢養，人地生活態度有咩問題？能夠無憂無慮咁躺平係一種成就。
如果人地只係用十幾廿年時間就搵夠其他人用3,4十年賺既錢，然後退休，咁叫廢？
返工都係為錢，如果夠錢財務自由，咁 24 小時都係自己嘅。
都 4x 歲人，上半世都返夠啦，有得早退休唔好咩?
我有個 friend 就係呢個年紀就無返工，老母死咗留低兩間半山豪宅，樓市高峰期賣晒都近億，咁仲做? 唔通真係跟老闆有愛咩?
我返而覺得
會唔會係有啲人混淆咗「工作」同埋「事業」
即係咁、如果打工一萬幾千、冇諗住進修升職、食住都係痴屋企嘅、其實同唔返工喺屋企無所事事都只係五十步同十百步嘅分別
我有個表妹係都係三十幾歲都仲「讀緊書」、日日喺屋企打機、不過屋企老人家配銀鏡睇醫生佢係會有佢陪佢哋去、我自己又覺唔係衰曬、起碼有個人睇住老人家……
無論男女, 如果你有條件可以過自己想過嘅生活, 又無影響他人, 我絕對無意見… 但你本身又無條件唔做嘢, 要依靠人哋嚟生活, 但只係個人唔想做, 只想隱世, 我會一律稱為癈人…
至低限度唔係伸手黨呀…
500 尺屋仔住5人夢想成真
點解仲有好多人認為日日離開屋企返公司先係返工賺錢 
其實呢個世界好多搵錢途徑。亦好多係 WFH 工作。
我諗起好多年前, 有個80後的士司機話, 買匯豐股票收息, 三十幾歲已達到財務自由。
財務自由之後, 就繼續同阿媽一齊住 (唔記得係住公屋定本身有物業), 過住日日上網打機睇書既生活。
其實我覺得無咩所謂, 有d 人真係唔鍾意social, 朋友又唔多, 甚至低慾望到唔打算拍拖、結婚同組織家庭。如果佢食自己又唔使靠人養, 自給自足, 無傷天害理, 咁佢喜歡日日做宅男又有何不可?
Coco哥?
識個屋企有啲，個個月有基金攞，50歲人都冇返過一日工，每日就係打機，食瞓痾小，個同居女友反而有返工。
冇話唔得，不過唔知點解每次見到佢，我個腦都不期然閃出廢人2個字。。。
引申問，如果男人食軟飯呢？咁點講？可能佢都當自己做緊一份工 ，氹到女伴開開心心，而女伴係有錢唔使做。
個女伴ok咪ok囉。人又唔係為其他人而活，點解成日要理其他人點睇。不過如果有呃既成份，咁咪有道德問題。
香港人應該理解下這個世界係有不同性格和經歷的人, 生活同自己截然不同. 佢冇傷害冇麻煩別人, 更加冇搞到你, 即係與你無關. 你覺得佢廢, 其實都係不懂尊重他人選擇與生活的一種. 自己私下覺得好了.