阿媽係女婿面前扮到好易話為又幫手湊孫、背後是非到爆、又要我私下再俾多啲錢、斤斤計較、仲教個孫唔好親男家、話果邊唔錫佢、湊另一個孫、我覺得好煩而家唔駛佢幫、但老公不明所以唔想改變、點拆解？
我認自己蠢、講禮金坐月都已經好雙面人、但自己媽唔想講同接受、情願自己忍、但越來越離譜
男人明就明，唔明就同自己阿媽拆掂佢
唔會坦白話比老公聽，廢事佢都唔鍾意，佢哋只要保持表面友好就算
但都選擇一啲野講！等老公知道其實你媽都係煩人
1個讚
好仔/好女兩頭暪。就算要解釋俾老公聽都唔好原汁原味咁講，始終個個都係你啊媽，唔係有條刺，之後做咩你老公都唔會鐘意你媽，之後有可能係另一個大頭佛。
6個讚
我會搵好daycare/工人/保姆，轉埋"知會"老公 (其實男人幾時care 邊個湊吖，總之唔煩到佢就得) 佢要理由就求其話唔想阿媽辛苦之類
5個讚
我就係一路瞞住其實我媽好睇起佢同佢屋企人既事、但無諗過佢係個孫面前都照講、不過都唔奇、我哋細個佢都係咁踩姑姐阿嫲、大左真係好反感、所以我聽到好大反應。問題係我已經有工人姐姐、佢只係黎指指點點又唔駛照顧阿爸所以好享受、叫佢少啲黎佢就好可憐咁話好掛住個孫、見住自己阿媽咁假面真係好唔舒服。
我覺得你可以嚴厲咁同你媽直接講你真係好反感佢咁做，同叫佢大人既事唔好搞到小朋友。
俾佢知你底線，你太軟對佢，佢就越嚟越過分。
同一樣野發生過喺我身上
之後bb安排育嬰院照顧
我張所有野照直同老公講
我老公都唔明、仲話翻我阿爸阿媽得一個
點解要咁話佢地
不過佢之後有講、話我連老爺奶奶都忍到
可能我家兩老真係有啲野令我頂唔順
即係唔係你話唔洗佢湊，就可以打發佢走喎
我會出聲 照直講
我最後移咗民
離開咗阿媽之後發現自己原來係好唔理世俗眼光（我媽相反 好介意人哋點睇）
我覺得終於有自己 好舒服
2個讚
該主題在最後一個回覆創建後180天后自動關閉。不再允許新的回覆。